Thursday (12/31) Sifac: Akilenyuck Inse Pwaye

Kunokon

By Victor Melander

Thursday December 31 2015
Sifac: Akilenyuck Inse Pwaye
Mwe Read: 1 Timothy 1:12-17

Victor Melander

Nga lungse sang kulo nu Sihn GOD ke kulang ac pakoten LAL nah sesr kewah. Kahs Lun GOD tuku na sel Paul in luman sogo prae. Muteweack ke sang kulo we pusren insewowo weang pusren akfulat nu Sihn GOD ac aksafye ke Amen. Nga lungse fwak pwengwo nuh sowos. Mweyen ke moul lal Paul kut liye pac lac wangin mah koluk kut oru ku in kutanglac Lungse ac Lungkulang Lun GOD nu sesr, mweyen kut oru ke sripen nikin ac sulalalfongi. Ke pang Lu Leum na sesr El tia liye kut ke ma koluk lasr ah ke sripen Lungse ac pakoten Lal.

Mwe read lasr u oasr sogo puluh kahs paye nah ac fwal lana in porongeyuk: Jesus El tuku na fwalu in molelac mwet koluk, su kut enenu na in tia mulkunlac.
Pa nge ma nga ku in sang kasr mwe read lasr na mesengi u. 

Kulo ma lulap.

Wednesday (12/30) Sifac: Lahlmetmet Yohk Liki Kuh

Kunokon

By Dcns Havelyn Tosie

Wednesday December 30 2015
Sifac: Lahlmetmet Yohk Liki Kuh
Mwe Read: Soakas 24:3-7,13,14

Dcns. Havelyn Tosie

Sifwil kaksakin pal wowo lasr kais sie, akilen kulang Lal ke lusen ya sa nu misenge a finsrak kin kolyuk Lal nu sesr ke sie ya sasu, Sifwa kolyasr misenge an oana ke kalem an " Lalmetmet Yohk liki Kuh" su tuku ke Book in Soakas 24: 3-7, 13,14-kas lalmetmet lal Soloman su sifwil ilyak, fwalana nu sesr ke pulan pal u...Suk in asr lalmetmet liki na in kuh. Kapsreyan mwe luti, oana ke Jeremaiah el putatyang nu in elya, el kisensiyuki ma inge nu sin God, su Leum God el topokol fwk oinge " mwe elya nukewa ma sik nu sum inge, mwe akpah i km a akkeyekom nuke ma su a fwa sik ke pal fwasru (taken from life application bible). Inmaslon kas in lalmetmet 30 ma Soloman el sumusla inge, mwe luti u putatyang nuke kas lalmetmet ak 20 nuke 26, su fwakak yok ke orekmakinyan lalmetmet. Lela lalmetmet in oasr liki na in kuh, el fwk pac muh sie loom el musahiyukla fin pwelung lun lalmetmet a etaak. Oayapa el fwk la, lalmetmet lun sie mwet pa in suk kasru yurin oana sie mwet(advisor ku met matu) nuke sulala ma asr in kut kais sie, ke sukyan kasrpasr ku future lasr, oapana ke sie met el akola nuke srital, el enenu in eis advise yurin met matu ku advisor lasr in akyokye tufwa asr kutangla, lela in asr lalmetmet a oiya kalem in mokle kut ke kulansap lasr tu ma inge tia ma nu sesr a ma nu sin God, oana ke kut tukeni musai sie loom, el oana sie foundation nuke wolana lun God.

Tuesday (12/29) Sifac: Suwohswohs: Akwuck Se Wo Oemeet

Kunokon 

By LM Tolenoa Kilafwakun

Tuesday December 29 2015
Sifac: Suwohswohs: Akwuck Se Wo Oemeet
Mwe Read: Soakas 12:19-26

LM Tolenoa Kilafwakun

Tuesday ssflah ke yr.2015, Leum God El ase mwe nunak se nge in karungin moul lasr kais sie. Sahp pa inge acn se nga, kom muhnasla ke moul in lulalfongi lasr ke year 2015, pa sis sifil pac tuku in tu ak suwohsye kut, ac kut in ku pac in moulkin ke yr.sasu se summa nge year 2016. Kulo kaksakin God Fulat lasr ke pakoten ac lungse kawil Lal in srack karungin ac aksuwohsye kut in moulkin suwohswohs ye mutahl ac in sekin moul lasr nu ke moul in insewowo yorol.

The Bible, book mutal kol kut in pacl srukeyuk kut, Soakas lal Soloman srisrngi nu sesr in oraclah sulaclah paye.Ke sripen paye lun God Moul ase lela nu sesr in lulalfongi kahs Lal in kol kunukewa,.e ac suwohswohs eneneyuk pacl nukewa. Eneyuk misenge, lutu, ac ulelac. Mwen paye ac suwoswos kupasr nu ke lungse kawil lun God nu sesr.

Sifac se nge fahk mu "Suwohswohs:Akwuk Se Wo Omeet". Ku kut ku pac in fahk mu akwuk se wo omeet nu ke moul in lulalfongi lun sie mwet pa, in moulkin suwohswohs, paye ac suwohs.kutu kahs in lalmetmet lal solomon el fahk oinge, Leum God El insewowo sin mwet wo ac El loango mwet suwoswos.  Mwet suwoswos u oana sie kalem saromrom, kom in fahsr tukun suwoswos, lulalfongi, lungse, ac mislac welylos su pang nu sin Leum ke Inse nasnas. Suwowos el inkanek nu ke moul. Moul suwos ac paye ku in molela moul lasr ac ku pac in akfusrasrye inkanek lasr nu yorin God.  Suwowos el molela pac moul lun sie mwet liki misac.  Leum God El insewowo ke mwet akfulatye kahs lalos ac mwet orekma suwos ac inse paye nu sin God.  Sie mwet suwoswos el mwet kohl nu sin kawuk lal ac kahs lal mwe molela nu selos su muta in fosrngah.

Rome 6:18 fahk oinge, "kowos tu tuleyuklac liki ku lun ma koluk, ac kowos mwet kohs lac nu ke ma suwoswos." Kowos enenu in eis kowosyang oana mwet kohs nu ke suwoswos. Na 2Timothy 4:5 oacyacpac fwak, "kom in okak in manukewa, muteng mwe keok, oru orekma lun mwet fahkack pengwo, akfalye ma kunom oana ke kom sie mwet kulansap lun God." 2 Timothy2:15 "kom in akkeyekom tucGod lan liye kom wo, sie mwet orekma su tia enenu in mekin, su orekmakin suwosna kahs lun God." Psalm 4:3, "Esam lah Leum God El sulala mwet suwoswos tu elos in ma Lal."

Kulo malulhap
T.Kilafwakun

Monday (12/28) Sifac: Moul Luhlahlfongiyuck

Kunokon 

By Dcns. Tulpe Dizon

Monday December 28 2015
Sifac: Moul Luhlahlfongiyuck
Mwe Read: Soakas 11:9-13

Dcns Tulpe Dizon

Nga lungse Kaksakin Leum God Fulatlana lasr ac oayapa in sang Kulo NuSel ke moul kulana lasr neke pal se inge. Mwe luti nusesr ke Monday(December,28,2015) suc fwakak na sesr oinge,"Moul Lulalfongiyuck."Suc akkuteyucki nu sesr ke book lun Soakas: 11: 9-13 an. Kusen kas in lalmetmet lal Solomon pa inge. Suc kusen Soakas lal inge sramkin kas ma sie mwet el fwakla.  Kom enenu in porongo in wo kas uh meyen ac ku in molikomlac.  Kas mu ku in molikomla pa kas tuku sin mwet, suc etu God. El fwak pac mu sie mwet lesrik tia kuin lulalfongiyuck.  Ke ma inge Moul Lulalfongiyuck pa tuku yurin el suc etu ke God ac tia elos su lesrik ac akkolukye mwet ngia.  Nga lungse kaksakin Kas Lal suc sifil utuckuh nusesr in luti kut ke moul lasr u.

Sunday (12/27) Sifac: Kuhlacng Finne Suhkahsruhp

Kunokon

By LM Quartus Esau

Sunday December 27 2015
Sifac: Kuhlacng Finne Suhkahsruhp
Mwe Read: Matthew 23:2-12,Mark 12:38-44

LM Quartus Esau

Oinge in me read luo inge, Jesus el kaskas lain oru lun Mwet Luti Masap ac Mwet Pharisee inge, ke sripen elos ne sasla ke masap, a elos tiana moulkin ma elos luti u.

Ip se met ke me lutlut se inge akkalemye ke ‘sukyen kaksak’ lun Mwet Luti Masap ac Mwet Pharisee. Elos mwet sasla ke masap lal Moses. Luti sumat lalos ke masap lal Moses panang mwet Israel in arulana akfulatyelos. Jesus el sensenkakin mwet tuma lutlut lal in tiac oana elos. Meyen elos ne kalia ac sasla ke masap, elos tiana moulkin. Elos sifana akfulatyelos, elos lungse in akfulatyeyuk elos, ku in pangonyuck elos mwet luti, ku kutena e ma ac akfulatyelos liki mwet u. Sumat lalos ke masap panang elos oakiyac akwuk ku oiyac ma tuh sang akupaye moul lun mwet munas u.

Ip ak luo ke me lutlut se inge sramsramkin ‘kulansap pusisacl ku mwet kulansap pusisacl’. Tafonglac yok se lun mwet luti masap ac mwet Pharisee in me read se inge pa kena lalos in akfulatyeyuk sin mwet u. Oiyac se inge kisrung ku lain El Suc Kulana ac Fulatlana. Ke sripen mwet u oreklac in luman God, kut nukewa oana sie, ac kut nukewa muta ye akwuk ac ku lun God suc orekutlac. Oinge, kut in akpusisaclye kut yurin mwet nukewa. Tusruktu, in ekin sie mwet luti ke kahs lun God, fal in akilenyuk ac akfulatyeyuk. Oinge elos suc lungse mwet kol, elos in mwet kulansap nusin mwet u.

Ip safla ke me lutlut se inge akkalemye ke ‘kulang payena’. Jesus el liye ke mwet u sang mwe sang lalos nuke nien money lun temple uh. Mwet kasrup u elos sang mwe sang na yohk. Oasr katinmas sukasrup se ma oayapa wi sang me sang lal nuke nien money u. Jesus el akkalemye la, me sang lun katinmas sac pa mwet tuma lutlut elos in etain ke sripen el sang ke insiel nofon. El ne etu la kewana ma oasr yorol pa el sang, el fulela moul lal nusin God ac lulalfongi la El ac fwa karungunul ac kasrel.

Pus ma kut ku in eis in kasre kut ke me lutlut se inge. (1) Tiac sifana akfulatye kut, (2) Moulkin kahs lasr (3) Lulalfongi God pacl nukewa, (4) Engan in Sang ac Sang ke paye..

Friday (12/25) Sifac: Inse Kuhlacng Ke Luhngse

Kunokon

By Doreen P. Joe

Friday December 25 2015
Sifac: Inse Kuhlacng Ke Luhngse
Mwe Read: Rome 12:6-13

Doreen P. Joe

Mase met kulo nusin GOD fulactlacna ke karinginyuk lal nusesr ke mutacwaciyen year u kut moul sun malem safla lun year u.

Rome pa Book se ma fakak nofona lupan nunak lal Paul,yokliki book nukewa sayac.
Chapter se inge,Paul el sim nusin church Rome in akacsmakinyelos ke moul fal sie met christain in moulkin ac fasr kac.Paul el akalemye lah,met lihkih Christ el tuku misac molelah ma koluk lasr met fwalu,Pacl met ah fin asr ma koluk lasr met u,na sran ma orakrak ac kisackinyuck in elah ma koluk lun met u.Ke sripen kulacng ac lungse lun GOD nusesr,el sifacna kisackunlah wen natul isusla,in molelah ma koluk lasr met u.Pa faclu nofon akfulactye misenge u.

Paul el som in kacfelos elos in esaclosyang pacye nusin GOD.Elos in oru moul lalos in mutal in mwe akinsewowoye GOD.In tiac sifil forlah nuke moul lalos met ah,elos in oru in kalem eklac lun moul lalos ke sripen GOD el akalemye lupan lungse lal nuselos pa kalem ke wen natul tuku molela ma koluk lasr met u.El oacyacpac lutih nuselos in tiac pangon elos fulact likih met ngia.A elos in pusisel ac liye lah oiyac lalos u fal nuke ma GOD el lungse elos in moulkin.Kutu met u pulaik in fakak ac luti ke kas lun GOD ac sang kas in akku nusin met ke pacl ma asr elyah lalos.Kulacnsap inge ma GOD el sang nusin kais sie met, pacnacng kut enenu in oru ke inse engan ac paye.Met christain ku met lulalfongi elos enenu in moulkin lungse ac akfulactye sie sin sie.Kut fin oru ma inge GOD el asr yuros,ac kalem ke orekma lasr nusin sie sin sie.Kowos in engan ke pacl ma upac sikyak nusuwos u, meyen ma ac akkeye lulalfongi lasr.Nikmet fuleack lulalfongi ku finsrak lom an,srukyac na ku.mongfisracsr in muteng ma upac nusesr,esamlah kut enenu in pulakin ma upac na kut fah eis insewowo.Moul in keok lasr saflaiyac ac eklac mwe engan.Fin asr met enenu kasru sum kasrelos,nimet kaliac motom liki enenu lun met wiom.Kom in karingin met sac,tiac pilesraclos yoklikih nukewa prey siyuck kasru sin GOD.Me lutlut u sifil tuku in kasrekut ke moul in kulacnsap lasr kais sie.

Kulo malulap pa inge kasru luk finsrak in kasru.
Merry Christmas nusuwos,lelah nga ac kom sang pusracsr in wi on kaksakin molelah lun GOD nusesr.

Thursday (12/24) Sifac:Inse Kuhlacng Lahlmetmet

Kunokon 

By Hanna Alokoa

Thursday December 24 2015
Sifac:Inse Kuhlacng Lahlmetmet
Mwe Read: Colossae 3:12-17

Hanna Alokoa

"Kowos met lun God...El lungse kowos a sulekowoslac tu kowos in met Lal."

Kut ekin met Lal su El sulekutlac tari... Ke ma inge, Paul el lutikut in moulkin pakoten, kulang, inse pusisacl, mongfusrasr, ac muteng. El fahk pa mu fin asr toasr inmasrlosr, kut in muteng ac nunakmunas nusin sie sin sie, meyen lungse pa yok sripac emeet u.

Kut fin moulkin lungse oana ke Christ el lungse kut, na kut a muta in misla ... Misla lun God suc kapsreni insiasr in ma se fanna in Christ.

Wangin fohs ku lokoalok inmasrlosr fin asr lungse... Lungse lun God fin oan in kut, kut ac nunak ke ma wowo mukena; onkakin wolana lun God a sramsramkin kas mutal Lal pal nukewa. Kut a seseslah ke inse kulang.

Soa Kas lal Solomon akasmakinyekut la sangeng sin God pa mutawayen lalmetmet. In ma nukewa kut oru, in kas ku orekma, kut in oru ke Inen Leum Jesus. Pa inge lalmetmet u.

Nga ac kom enenu in orekmakin inse kulang a lalmetmet, su ma inge fahkon lungse. Kas lun God fahk mu: "Lungse el afinyac ma koluk puspus. "

Nga kaksakin Leum God ke pal se inge a lungse fahk Merry Christmas nusuwos nukewa...

Wednesday (12/23) Sifac: Inse Kuhlacng In Ohiyac Nuhkewa

Kunokon

By Dcns Havelyn Tosie

Wednesday December 23 2015
Sifac: Inse Kuhlacng In Ohiyac Nuhkewa
Mwe Read: 2 Corinth 8:3-9

Dcn. Bell & Dcns. Havelyn Tosie

Paul el simis letter akluo lal nu sin met Korinth, sie pal ma koluk inmasrlol Paul a church korinth-sripen sim - el kena yok in akwoyeyukla alein inmasrlolos, a in akkalemye engan lulap lal tukin akmisyeyukla ma inge. Tukun ma inge, Paul el ngisre kasru sin Church in oru sie me lung in kasru met christian su enenu in an judea, a mwe luti lasr u putatyang nuke ip ak 3 ke takla lun koanon leta se inge.

Sifwil kaksakin pal wowo su EL sifwil ase nu sesr kais sie, Mea kalmen Inse Kulang? kut nukewa kalem ka la inse kulang, tuku ke Lungse Paye. Fin wangin lungse paye in kut kais sie, wangin inse kulang ku lung kulang. Paul el kapsra inse paye a inse insaneang lun Church Macedonia, ke lungse paye lalos, elos ne sukasrup, elos kafwe in akyokye kasru lalos nu sin church, ku met christian saya ma enenu. Elos esalosyang nu sin God a elos sifwil suk in akyokye inse paye lalos in kasru met christian ngia. Ouinge Paul ke el srumun in verse 8 an, el tia oakia ma sap nu selos, a el liye moniyuk lun met lalalfongi saya, panang el ke konaak lupan lungse paye in elos; su el oayapa fwk la, sripen lungkulang lun Leum lasr Jesus Christ, el ne kasrup, a El sifwana aksukasrupyal tu kut in kasrupi. Inse kulang in oiya nukewa, tia srela in pal wo ku pal koluk, a kut in kafweang na in oru lungse paye lasr ke inse paye in akpaye ye tuku lun wen sefanna, isusla nu fwalu tu kut in wi eis molela se su kut nukewa finsrak nuka. Yokliki nukewa pa in Lungse oana kom lungsum sifwana, su root factor nuke inse kulang in oiya nukewa. GB everyone and have a wonderous holiday spirit.

Sunday (12/20) Sifac: Kisac Kacl Jesus

Kunokon

By Rev. Takeo Likiaksa

Sunday December 20 2015
Sifac: Kisac Kacl Jesus
Mwe Read: Exodus 13:13b-15;
Luke 2:22-32

Rev. Takeo Likiaksa

Ipin mwe read se met inge ma ke molela lun God nu sin wounse nutin mwet israel in pacl sac. Yok sripa lun akwuk se inge oru in osr na ma akilen yuk orek wo nu sin tulik mukul se ma isusla emet nutin sie sou. Inmasrlon ma inge pa ma kunacl in kol in sou lal, a usru lal enenu in yok pacl luo liki tulik nukewa wiacl.oana kalem ke akwuk lun mwe usru lun wounse (Deutronomy 21: 15-17. )

Ac nuke ipin mwe read se ke new testament an, akwuk se ingan lumweyuk nu sel Jesus. Jesus El finne Wen nutin God, tu papa ac nina kial ukwe akwuk ma oakiyuki ke kisacla lun tulik srisrik.

Ke Mary ac Joseph usalla Jesus nu in temple in kisacella nu sin God, elos sun sie mukul mahtu su fahak ma a c fah sikyak nu sin tulik se natultal inge. Semeon pa mukul mahtu se inge ac el fahk mu el ku in tari misac in misla mwet Jew elos etu ke kusen pahlu ke tuku lun messiah se inge la el a tuku in sang molela nu sin faclu nofon kalem ke Isaiah 49:6. Tusruktu, oasr pacna mwet liye mu Christ se inge ac tuku n a in molela mwet Lal. Na pa Luke el srike elan akkalemye lah Christ el ac tuku in molela mwet fin faclu nofon.

Saturday (12/19) Sifac: Kisac Luhn Wounse

Kunokon

By Dcns Niokong Yukiwo

Saturday December 19 205
Sifac: Kisac Luhn Wounse
Mwe Read: Leviticus 12

Dcns Niokong Yukiwo

Nga kulo nusin God ke kulanglal nusesr in pacl nukewa yok ke moul lasr.

Leum God el sang akwuk se inge nusel Moses, sie mutan fin oswela sie tulik mokul, el fah tiac ke nasnas ke len itkosr, tukun len alkosr tulik sac fah kosrkosrlac, len 33 tuku, el fah nasnaslah.

Fihn tulik mutan, el fah tiac nasnas len 14. Tukun len 66 tuku, mutan sac fah nasnaslah. Tukin ma inge safla, mutan sac fah uslah soko sheep mukul yac se matwac, ac sie wule kuh sie wuleoa fusr nu yurin mwet tol. El ac fah oru kisa kuh alu nusin Leum God in elac ma koluk ac ahknasnasyela mutan sac liki ma fohkfohk tukun el oswela sie wen kuh acn.

Ke ma inge mwet uh tiac sifil orekmakin kosro in mwe kisa lalos in elac ma koluk lun kais sie mwet. mweyen God el supacma wen sefanna natul in kisa kunulla pacl sefanna in ahkfalyelac kain kisa puhs ma orekmakinyuk in elac ma koluk.

Ke sripen Christ el misa fihn saksing soko, ac elac ma koluk lun mwet fwalu.

Friday (12/18) Sifac:Kisac Kacl David

Kunokon

By Kenye T. Belcourt

Friday December 18 2015
Sifac:Kisac Kacl David
Mwe Read: 1 Samuel 16:10-13

Kenye T. Belcourt

Kaksakin Leum God meet liki Nga fwa tafella kas Wolana ac Saoklana lal nu sesr kewa.

Me read se inge, motkeyuk mu Simla sel Samuel, su el srumun ke pal se Leum God el sulalah David tu elan akmusraiyukla ac Tokosra fwin met Israel. Luti pa nu sesr ke Orekma sufwal ac seakos lal Tokosra Saul nu sin God panang el tilla Tokosra fwin an Israel ke pal se inge. Na ke sripen yoklana lungse ac pakoten lun God nu sin tulig Israel oru el Tiacna tui in karunganulosyang. Pa akalemye ke God el supala Samuel nu Bethleum nu yorol Jesse ac wen olkosr natul tu elos in oru me kisa nu sel. Ac God el srisrngilya David, su el pa srik emeet natul Jesse u. El sapkin Samuel elan eis oil ke olive u ac mosrwella David. Tukin ma inge, Ngun lun God tuku nu fwal David ac welul in Len sac fwalac.

Me lutlut se Inge Tuku in akkeyekut ke kulansap ku kunokun lasr nu sin Leum God. Lela kut in oaru ac pulaik in oru kulansap lasr u, tu paye Ngun lun God ac fwa wi kut ac kol kut.


Kulo.

Wednesday (12/16) Sifac: Kisac Kacl Samson

Kunokon 

By LM Skipper Ittu

Wednesday December 16 2015
Sifac: Kisac Kacl Samson
Mwe Read: Mwet Nununku 13:2-5,24,25

LM Skipper Ittu

Kaksakin Leum God Wolana lasr; Sifac se lasr ke Wednesday se inge fahk muh, "Kisac Kacl Samson," oasr in Mwet Nununku 13:2-5,24,25. Samuel, suc motkweyuck muh simuhslah Mwet Nununku, el srumun ke kisaclah lal Samson, Mwet Nununku aksingucul luo ac sahflah luhn Mwet Israel. Isuslac lal Samson motkweyuck nuke yac 1105-1083 BC, ac ke sripen seakos luhn tulik nutin God oru elos muta ye kolyuck luhn Acn Philistia in pal se inge. In acn Zorah, suc ma sin sruf lal Dan, Manoah ac mutan kial muta we ke sie lupufan luhn God sikyang nusin mutan sac ac fahk lah elac fah oswelah sie wen. Elan karingin tuh ke pihtuctuc lal elan tiac nihm wain kuh kang kutena mongo ma oal. Ac ke Samson el isuslac, elan tiac kal aunsifacl meyen Leum God El sulaclah Samson tuh elan molela Mwet israel liki Mwet Philistia inge. Ohinge, Samson el isuslac ac kapwack. Leum God el akinsewowoyacl ac sang kuh lal in akkeyeyacl. Mwe kasru se inge lutikut in etu in kisacacng tuhlik natusr nusin God, tuh elos nuh mwe sang saok lun God nusin Pahpah ac Ninac. Ma fal Pahpah ac Ninac in kisackunulosyang nusin God, tuh oasr sripac lun God nusin kais sie mwet fin facluh!

Tuesday (12/15) Sifac: Luhngse Luhn God ac Kisac

Kunokon

By LM Tolenoa Kilafwakun

Tuesday December 15 2015
Sifac: Luhngse Luhn God ac Kisac
Mwe Read: 2 Chronicle 30:5-12

LM Tolenoa Kilafwakun

Kulo kaksakin God Fulatlacna lasr ke Moul wowo kut pulakin ac ke karunginyuk Lal nu sesr.Kaksakin kulang lulap lal ke pacl wo El sekin nu sesr in sifil tukeni long ac lutlut ke kahs Lal kahs in moul.

Ngan paing kowos nukewa su wi kut pac ke pacl se inge,pacl lowos in wi long ke kahs lun God yok sripac nu ke moul lom, "Nimet Fuhleack, Fasreacng na," molin oaru lom kom ac tufwah eis kosracni wo lom kac.

Mwe read kasr uh, srumun ke"Kufen Ahlukelah (Passover)" Nga lulalfongi lah kut arulana etu tari lah mac se nge Kufen Ahlukelah ac efu ku in yok akilenyac,ac ma sikyak ngac? Ke sramsram mahtu lun Israel Kufen Ahlukelah se inge, sie Kufa Mutal nu sin God, in sang acsmakinye molela nu sin Wounse se ke tulik ac kosro nutin mwet Israel nukewa in acn Egypt (Exodus 12:12).  Akwuki sin Leum God tu Kufen Ahlukelah in tufah orek ke len ahk 14 ke malem se omeet ke calendar lun Hebrew, malem Aviv/Nisan..su pa ke malem (March). Tusruktu ke sripen supus lun mwet Tol ahknasnasyeyuklah oayapa supus lun mwet fasreni nu Jerusalem, oinge Tokosra Hezekiah ac mwet pwacpa lal tu insesela in ahkfasrye Kufen Ahlukelah ke malem se ak luo, malem Iyyar/ziv su pa ke (April-May).  In oana ke fahk in mwe read u Tokosra Hezekiah el supahlik kahs nu fin acn Jerusalem ac Judah nofon elos in tuku nu ke Temple in Jerusalem in oru Kufen Alukelah nu sin Leum God lun Israel in fahl nu ke Masap. El sapkin mwetu in tuku, Elos in tia likkeke oana mwet mahtu lalosah su tia paye nu sn God lalos. Elos in tuku nu ke Temple Jerusalem yen God El oralla in mutal ne yok elos in alu nu sel we.Leum God lan mu tia sifil kaskusrak selos men El God kulang ac pakoten se. Elos fin ahkos tuku oru Kufen Ahlukela lalos nu sin God ac Alu nu sel.Leum God El ac fah tia fasr lukelos
Kut long ke me read u lah kutu mwet u tiana inse engan insom ke pang lun tokosra nu ke ahkfulactyeyen Kufen Ahlukelah, tusruktu oasr pac mwet. Inse engan in akos pang lun God in som. 

Nu ke Kufen Ahlukelah.

Kufen Ahlukelah orek in ahkfulatye Leum God ac oayapa in esam ku asmakinye pacl se Leum God El tu uniyac Wounse nukewa sin mwet ac kosro nujews lun Egypt.ac Rl fasr ahlukela mwet Israel tia oru kutena ma nu selos.Su El tu sapkin elos in ahkfulatye len se inge in sie len in Kufa Mutal nu selos acfilin tulik nukewa natulos fasru uh in ahkfulatye ne tok (Exodus12: 12-14).

Leum God El molela Israel ac aksukosokyelosla liki moul in keok lalos in ac Egypt, ke elos tu oru sie mwe akuhl ke Sran Kosro nu ke motonoah in loom selos inmolelah wounse nukewa ke mwet ac kosro natulos ac kololosla yen mesis uh su elos pula ma uppa pus ke fufasryusr lalos, pus pac pacl elos torkaskas lain God.  Ne oinge Leum God El karungin wo moul lalos nu ke elos suun Fahl in Wuleacng (Fahl Canaan).
 
Christ Wen kulo sefanna nutin God El oayapa sang Srahl mosrwella motonoah in loom sesr u, ahksukosokye kutllah likikeok lasr ke ma koluk lun Fahlu.oinge El kolkut pac yen mesis u misenge, kut pulakin pac ma uppac puspus fungul moul in lulalfongi lasr,a El tia fuleak in kol kut ne ke sie pac Fahl in Wuleang Jerusalem Sasu, City Mutal Sin God (Fwackyuk 21:2).

Kulo kaksakin God Fulat lasr ke kahs in moul lal.kut eis ke pacl se inge.yok sripa ac mwe ahkinsewowoye moul.

Kulo malahp. Tkilafwakun

Monday (12/14) Sifac: Sriyucklac Nuhke Sie Srihpac

Kunokon 

By Dcns Tulpe Dizon

Monday December 14 2015
Sifac: Sriyucklac Nuhke Sie Srihpac
Mwe Read: Levit 20:7,8,22-24

Dcns Tulpe Dizon

Kulo kaksakin Leum God lasr ke moul lasr na kewa ac in pain kowos pac mwet nukewa. Kahs lun God nu sel Moses in tafeang nusin tulik nutin Israel pa inge. Leum God el ke akkalemye nu selos in arulana akos masap lal nukewa ac elos in sifana akmutal yelos ke sripen El sifana, El mutal. El oayapa akkalemye lah ke El ac usalosla nu in acn Canaan el ac fwa tia sisoloslac. Acn sie inge ac fwa sie acn kasrup fohk we. Tusruk el kaelos tulik nutin Israel in tia etai facsin lalos., El fahk pa mu nga Leum God ac nga srikowoslac tari liki inmasrlon mutunfacl nukewa saya.

Kalmen mwe read se inge pa ELos nukewa su Leum God el srelah el akmutlyalos a sripen sriyuklac lalos pa elos ma lun God mukenfana ac tia kutena God saya.Kaksakin kas lun Leum God lasr suc el acse na sesr in ahkmoulye moul lasr fwin fwalu se inge.

Saturday (12/12) Sifac: Mwe Kisac Wolacna

Kunokon

By Lucilla Solomon Talley

Saturday December 12 2015
Sifac: Mwe Kisac Wolacna
Mwe Read: 1 John 4:9-16

Lucilla S. Talley

Wangin mwe kihsac yohk oacna mwe kihsac Wolana se sin God nusin mwet uh inge. Mwe kihsac se inge pa kut kalem kac la pa Wen Sefanna nutin God suc Leum Jesus Christ. Ke sripen God El lungse kut met pacnacng El supama Wen se Natul inge in molikutlac mwet uh in ku pac in ilyack nu in Tohkohsrai lal. Ilyak se inge pa akkalemyeyuck ke Pwen Wo se suc ma akfasryellah nunak munas lun ma koluk lasr, insewowo ac engan ke sripen akkeyeyuckla lasr wi pulakin ma insewowo ac lung kulang sin God me.


Ma inge nukewa akfasryeyucklac ke sripen lungse lun God. Oinge Leum God El kena tuh kut mwet uh in moukin lungse paye lasr nusin sie sin sie ac lulafongi lasr ke mwe kihsac wonala se inge in pacye ac suwoslana. Tuh Leum God El ac fah muta in kuht ac lungse Lal ac fah akpacyeyuck in kut.  Ke ma inge, ma suwos lun kais sie sin sie e tiana kuh aksuwokyekutla ye mutun God. Tusruk ke sripen lulalfongi ke Leum Jesus Christ la El pa Wen nutin God, pa e use moul ma patpat.

Na ke sripen lungse lun God nusesr pacnacng kut enenu in akkalemye lungse lasr nusin sie sin sie.  Kut in tia fwak mukena a kut in akfasrye pa e kalem ke kut in moulkin met na in akfwasryellah mwet nukewa in wi pulakin pac.

Lucilla Solomon Talley

Friday (12/11) Sifac: Mwe Kisac Ke Luhlahlfongi

Kunokon

By Lipan Welly

Friday December 11 2015
Sifac: Mwe Kisac Ke Luhlahlfongi
Mwe Raed: Hebrew 11:4-16

Lipan Welly

Sifil wi mwet nukewa in kaksakin LEUM GOD lasr ke lungse kawil Lal su El akkalemye ke Wen Sefanna Natul. Jesus Christ, El mukena pa kut enenu in akfulactye ac lulalfongi in moul lasr. Paing mwet nukewa ke pacl se inge ac lela tuh God Ngun Mutal Elan kol kut ke Kahs in Kol Lal nu sesr kais sie. Merry Christmas ac Happy New Year nu sin mwet nukewa.

Leta se nu sin mwet Hebrew inge tuh simla nu sin sie un mwet Christian su yokyokelik alein nu selos, pwanang oasr sensen mu elos ac fuhleak lulalfongi lalos. Mwet se ma simusla leta se inge tuh srike in akkeyalos ke lulalfongi lalos, ke ma inge el fahkak lah Jesus Christ pa fahkak safla ke luman God, ac el mukena pa fahkulak pwaye (Tukakinyen Leta Nu Sin Mwet Hebrew).

Mwe lutlut se inge sramsram kin kutu mwet matu lasr meet ah ke lulalfongi yohk lalos ke LEUM GOD. Kalmen lulalfongi pa kuht etu suwohs ke ma su kut finsrak nu kac, ac oasr mwe akpwayeye lasr ke ma su kut tiac ku in liye (Heb 11:1). Ke sripen lulalfongi lun mwet matu lasr meet ah, God El insewowo kaclos (Heb 11:2). Misenge kut ku in oana mwet matu lasr meet ah ac eis mwe insewowo yurin LEUM GOD ke lulalfongi lasr in El mukena.

Ke sripen lulalfongi lal, Abel el tuh oru sie mwe kisa nu sin God su wo liki mwe kisa lal Cain. Ke sripen lulalfongi lal, God El insewowo sel ac oakalla mu el sie mwet suwoswos, mweyen God El insewowo ke mwe sang lal ah. Ke sripen lulalfongi lal, Abel el ne misa, ma el oru uh srakna kaskas nu sesr (Heb 11:4).

Ke sripen lulalfongi lal Enoch, oru el tia pula misa, a utukyak el nu yurin GOD. Wangin mwet ku in konalak, mweyen God El usaclack nu lung. Ma Simusla uh fahk mu meet liki utukyak Enoch nu lucng, el tuh akinsewowo God (Heb 11:5).Wangin mwet ku in akinsewowoye God fin wangin lulalfongi lalos. Tuh kutena mwet su tuku in alu nu sin God, el enenu in lulalfongi lah pwaye oasr God moul se, ac El oru wo nu selos su sokol (Heb 11:6).

Lulalfongi lal Noah pa oru elan lohng kas in sensenkakin lun God nu sel ke ma ac tuku tok, su el tia ku in liye. El akos God ac orala oak soko, su el ac sou lal moulla kac. Ke sripen ma el oru inge, Noah el akkalemye lah faclu koluk, ac el pa sie su aksuwosyeyuk yurin God ke sripen lulalfongi lal (Heb 11:7).

Lulalfongi lal Abraham pa oru el akos ke God El tuh panglol elan som nu in sie facl su God El tuh wuleacng mu El ac sang nu sel. El tuh som liki facl sel ac tia etu lah el ac som nu ya (Heb 11:8). Lulalfongi lal Abraham pa oru elan tuh ekla papa se el finne arulacna matuoh, ac Sarah el mutan talap se. El tuh lulalfongi God lah El ac oru ma El wulela kac (Heb 11:11)

Mwet inge nukewa lulalfongi nwe ke na elos misa, a elos tiana eis ma God El wulela kac (Heb 11:13a). Verse se inge sifil akkesmakinye kut mwet lulalfongi uh lah kut mwet fahsr nu facluh se inge, ac LEUM GOD El akolla tari acn nu sin mwet nukewa su lulalfongi in Wen Sefanna Natul, Jesus Christ. God El lungse mwet nukewa in lulalfongi in Wen natul Jesus Christ ac eis moul ma patpat.

Me lutlut se inge sifil tuku in luti kut ke lulafongi lasr uh. Kut in tiac fuleak ac kut in wi lutlut ke mwet lulalfongi matu lasr ke Bible natusr uh. Elos finne tiac liye mah oasr met uh, elos tia tui in lulafongi na ke LEUM GOD ac akos ma El fahk nuselos. Sifil akkesmakinye kut lah kut nukewa akwot nuke moul ma patpat su El akoo nusin mwet lulalfongi nukewa. Sifil srui kaksakin LEUM GOD ke mwe lutlut El use nusesr nukewa kut in tia tui in sang nukewa lulalfongi lasr nusin Wen Sefanna Natul Jesus Christ su pa inkacnek soko fanna nuke moul ma patpat. Sifil paing mwet nukewa ac God Bless.

Thursday (12/10) Sifac: Mwe Kisac Fohnlah

Kunokon

By Victor Melander

Thursday December 10 2015
Sifac: Mwe Kisac Fohnlah
Mwe Read: Rome 12:1-8

Victor Melander

Nga lungse sifwil pac srike lac, oana nga ku in sifwil pac acknunakye kowos ke mwe read lasr u. Kut liye Paul el mutawack ke sapta se inge (Chapter 12) ke "KE MA INGE" akesmakinye kut la tia ke kut lulalfoni tari kut in muta na ke luhmah se kut muta ke meet a su ma kut oru lungse lun fwalu. El kacfwe kut tu kut in aollah moul lasr u na ke moul mutal su GOD EL pangon kut nuke u. 

Kut in oru ma Lungse lun GOD ac in oru pac kulansap lasr in oana ke Jesus El fwak ke Mat 25 suc fwak mu, kut in tia nunku kasr sifwana kut tia nunku muh kut fulat, tu kut in sang KAS LUN GOD in pa us moul lasr uh. Paul el akkalemye pac lac kut enenu in ah porongoi sie sin sie. In wangin nunak fulat sesr. Nuke kulansap lasr u kut in kalem ke lac oasr kain in kunokon puspus. El pupulykin na sie monun mwet se la oasr mano sefana ah oasr ip pukanten kac. Kutu kunokonn pa in mwet Paluh ac Mwet Luti ku kaifwe pa inge kutu konokon su GOD EL ase nusesr u.

Wednesday (12/9) Sifac:Mwe Kisac Ke Luhngse

Kunokon

By Dcns Havelyn Tosie

Wednesday December 9 2015
Sifac:Mwe Kisac Ke Luhngse
Mwe read: Mark 12:28-34a

Dcns Havelyn Tosie

Sifwil wi kowos in kaksakin akwuk a kolyuk lun El su Fulatlana nu sesr kais sie - Mwe lutlut lasr u sikyak ke week safla lun Leum in an Jerusalem a kutu an apkuran. Mwe rid u akkalemye ke asiyuki lun mwet puspus nu sin Leum ke ma sap se ma yok omeet. Verses 29 nuke 34, Pusren Jesus nu selos(Sadducees), El fwakak nu selos ke Lungse, sie selos akilen top lun Leum, panang el kalukyang in siyuk ke ma sap se inge, Pusren Jesus el fwk ouinge, in verses 29-31; "Kom fwa lungse Leum God lom ke insiom kewa a ke ngunum kewa a ke nunkom kewa a ke ku lom kewa, a ma sap se akluo, kom fwa lungse met tulan lom oana kom lungsum sifwana"; likina kom kisakin ma oasr yurum a wangin lungse. God El lungkulang a El lungse kut nukewa oana ke el supama wen saok se fanna natul tuku in luman mwet in molikutla liki misa, fal tu kut in asang lungse lasr nu sin God ke pulan pal in engan a akfulat se inge, ma inge nukewa fwakak ke Lungse.

Monday (12/7) Sifac: Mwe Kisac Moul

Kunokon

By Virginia R. Kilafwasru

Monday December 7 2015
Sifac: Mwe Kisac Moul
Mwe Read: Psalm 40:1-8

Virginia R. Kilafwasru

Kihsen Psalm in kaksak lal King David pa inge. El akkalemye lah wangin sie oana Leum God. Wolana lal yoklacna, el koflahna in sruhmuhnlah nohfohn kesripen arlulana puhs. 

David el onkakin in fwak la ke pal el puhtatyang nuh in ongaiya, suc el tia kuh in sifana molellah kac, elac fwa tia tui in tuhpan kasruh kuh molelah sin Leum God mukena. El lalalfongi yohk lah efin ne puhtahkah lusen pacl se elac tuhpan, el lalalfongi suwohs lah ke pal luhn god, el afwa molellah. Ohinge el akkalemye lah elos nukewa suc lalalfongi ke God moul se inge, ac tia wi alu kuh oruh kutena lalalfongi sutuu sahyac, elos ac arulana insewowo.

In psalm soko lal david inge, el oayapa fwak lah leum god el tia enenuh kihsac ke ma orahkrahk kuh oana sie ohiyac sahyac kesripen jesus christ, wen nuhtin God Fulat, el tuhkuh ac sackuhnlah tari inkanek lasr nuh yurin God Papa. El pa mwe kihsac moul se sramsram kihnyuck inge…na elos na suc sulaclah se in ahkos, lungse ac lalalfongi ke molelah luhn sin Jesus Christ Wen sie fanna nutin God, suc misac ac moulyak tari, pa ac eis ke moul ma patpat!

Lela nuhsesr in tia pihlesruh molelah se inge. Kut nukewa enenuh in seko pal wo ma god el ase nuhsesr. Kut in tia long mukena, uh kut in tuyak akfasrye kulansap lasr nusin God ac oyacpac in moul kihn akwuck ac koko lal nusesr suc ma simlac ke Bible uh. Kut in ahkfototo yekuht nuhsin Leum, ac in wi lalalfongi ke mwe kihsac moul se utuckuh tari nuhsesr inge.

Virginia R. Kilafwasru

Sanri (12/6) Sifac: Sie Len In Monglac

Kunokon

By Rev. Takeo Likiaksa

Sunday December 6 2015
Sifac: Sie Len In Monglac
Mwe Read: Exodus 20:8-11; 31:12-16

Rev. Takeo Likiaksa

Len in mongla se inge pa Sabbath lun mwet Israel, oana ke fwack in Exodus 31: 16 an – “ Ke ma inge mwet Israel in karungunacng len se inge in akfulatye, tu akilenyen sie wuleang nwe tok.” Ac pa inge Sacnri lun mwet Christian. Tu len se inge sriyukla in mongla ac alu. Leum God el sapkin len se inge nu sin mwetu in eis mongla lalos ke orekma nukewa ma elos oru. Kut ku in akilen wo ac nunak lun Leum God ke mwetu uh in srela sie len in week in mongla ac alu nu sel.

Oasr sripa luo llun Leum God ke len in mongla se inge pa: (1) Sie len in mongla ac (2) a in esam ma Leum God el oru nu sin mwet uh. Kut mwetu uh enenu in eis pal in mongla lasr. In len inge oana ke len lal Moses, Leum God el akesmakye kut la finne kafofo, kut enenu in eis pacl lasr in mongla ac esam orekma wowo ma Leum God El oru nu sesr.

Saturday (12/5) Sifac: Orekma, Tuhfah Monglac

Kunokon

By Dcns Niokong Yukiwo

Saturday December 5 2015
Sifac: Orekma, Tuhfah Monglac
Mwe Read: Exodus 16:22-26

Dcns Niokong Yukiwo

Nga kulo ke moul lasr, kulo ke lungse lun God, a karinginyuk lal nusesr, a ke mwe lutlut tuku in kasre kut ke moul lasr.

Mwe read se inge fwak ke pacl se tulik nutin Israel elos fufasryesr yen mesis, elos pulakin masrinsral, a torkaskas nu sel Moses ke mwe mongo nalos, ke God el long el tia engan selos, tusruk el sang mwe mongo nalos me lututang nukewa, elos pangon mwe mongo se inge manna.

Moses el sapkin nu selos elos in sifani quart luo nj sin kais sie ke len, len se ak onkosr elos in sifani sunun len luo quart 4 nu sin mwet se, meyen len se ak itkosr wangin mwet a tufwa illa nu nien aktuktuk in sukok mongo meyen len mutal nusin Leum God.

Moses el sap elos in akmolyela mongo ka, ma lula kā elos in fulia nu ke len se tok a, meyen elos a mongla tia oru kutena orekma, len se akitkosr sriukla nu sin Leum God sie len mutal. Ke sripen God El oracllah Sabbath in akilen ma El oracllah pacnacng kut mwet lulalfongi uh enenu pac in oasr len in sabbath se lasr in acsang akfulat lasr pac nusin El suc ma oracllah ma nukewa. Kut fin akos ma inge, kut e tufwa pulakin pac mwe insewowo sin God me.

Dcns Niokong Yukiwo

Friday (12/4) Sifac: Monglac Nwe Tok Ma Pahtpaht

Kunokon

By Lipan Welly

Friday December 4 2015
Sifac: Monglac Nwe Tok Ma Pahtpaht
Mwe Read: Fwackyuck 14:12,13; 21:1-5

Lipan Welly

Book se inge, Revelation, el srumun kuh tukahkuhnlah ke ma fackyuck nusel John ke pal se el muta in sroh-oh lal in tuka se pangpang Patmos. Ke pacl se inge upac ahkkohs kuh akeokyeyacn mwet Chritstian sin mwet kol lun Rome kuh Romans ke sripen lulalfongi lalos ke Jesus Christ, Leum lasr.

Fahk lah, ke utucklac John, el mukena muta ke tuka se inge, Patmos, na Jesus el acsang nusel ke sie aruruma, ac sapkin nusel tuh elan sumusla kewa ma sik kuh ma el liye inge ke scroll ac supaclik nusin churches 7 in acn Asia Minor. Churches 7 ingen pa Ephesus, Smyrna,Pergamuna, Thytira, Sardis, Philadelphia, ac Laodicea. Kanon aruhruhma se lal John inge pa sikyak ke mwe read lasr misenge uh.

Ke chapter 14:12 ac 13 el akkalemye lah enenu in "asr muteng kuh mongfisrasr yurin mwet lun GOd, aok elos suc akos ma sap lun God i=ac inse pacye nusin Jesus." Kuht fin wek kuhtlac muh kuht sie selos mwet Lal kuht enenu in acsang kewa insiacsr nusel ac kulansap ke paye a in tiac mwe na luhma ye mutun mwet uh.

Ke pal se pana inge, sie pusra sifil tuku nusel fak oinge, "insewowo mwet suc misac ingelac ke sripen elos oaru in fasr tukun Leum. Aok paye Elos fwa insewowo ke elos monglac liki orekma upac lalos, meyen orekma lalos ac welulos na."

Leum el akinsewowo yelos suc muta in kohs lalos nuke elos monglac ke sripen fakack lalos ke Leum lasr Jesus Christ. Tu fokin orekma lalos inge ac tiac wanginlac a ac welulos na nuke foloko lun Leum ke len in nununku.

Chapter 21:1-5 el srumun ke Jerusalem sasuc kuh facluh sasuc se suc kut nukewa muta finsraki in wi ilyak nu we. El fak lah oatui lun kusrao sasuc se inge El oacna sie mutan akola in osun nusin mukul tumal ke pal in marut uh. Fuka wolacna iyac ke sie acn kuh city sasuc naweyucklac in wolacna la suc yuc la uh sasuc nu sin nukewa. Ac God sifana El ac fa muta yorolosmwet lal ac elac fa God lalos nutok ma pahtpaht. Ac El ac fah wacyac pac eslah kewa mwe keok, ahsor kuh tung lalos mweyen ma nukewa met ah ac fa tiac wi ilyak nu in city sasuc kuh Jerusalem sasuc se inge.

Tu El suc fulatlacna suc muta fin throne lal El fak "Inge Nga oru ma nukewa sasuc. Tu ma nukewa in city sasuc se inge ac fa wangin eteyac met. Oinge El sapkin nusel John tu elan sumusla ma inge meyen kas inge kas paye ac fal in lulalfongiyuck".

Tuku nusesr in sifil akkeye kuht ke lulalfongi lasr uh, tu kuht in sifil acsmak ke oiyen kulansap lasr uh tuh kuht tiac oru ma inge nusesr sifana a kuht akwot nuke sie Jerusalem sasuc suc Leum lasr el akoo sane kuht tuh el na suc acsang moul lal Nusel fah wi pulakin monglac nwe tok ma pahtpaht se suc El olela nusesr ke city sasuc kuh Jerusalem sasuc se ingo.

Thursday (12/3) Sifac: Monglac Wihliyucklac

Kunokon

By Hanna Alokoa

Thursday December 3 2015
Sifac: Monglac Wihliyucklac
Mwe Read: Hebrew 4:1-11

Hanna Alokoa

Mwe read se inge srumun ke Monglac se ma Leum God El wulelah nusin tulik natul kut met lal. Ke saflaiyen kulansap lun met lal, Leum God El wululela nusesr Mongla su ma kut a kuin konack yorol mukena.

Kut esam fufasryesr lun tulik nutin Israel in pal somlah. Ke sripen seakos lalos panang Leum God El fahk oinge, " Nga tu kasrkusrak selos a orala wulela na ku luk: Elos a fah tiana utyak nuin facl se ma nga akoo in sang mongla nu selos we." Elos long tusruk wangin sripa nuselos ke sripen elos tiana lulalfongi; panang elos tiana wi ilyak nuke Mongla se ma wuliyukyang nuselos.

Tukin year puspus, Leum God El sifil kaskas ke mongla se inge in kas lal David: "Kowos fin long pusren God misenge, kowos in tia akupaye insiowos." Fahk ke mwe read u mu funu Joshua el sang mongla se ma God El wulela ka inge nuselos in pal lal, lukun tiana sulpa srumunyuk mongla se inge ke pal tok.

"Misenge" Leum God el fahk mu kowos fin long pusral, kowos in tia akupaye insiowos. Leum God El eis mongla lal liki orekma lal nukewa ke len se akitkosr, tukin El aksafyel orekma Lal ke El orala falu tari.

In len nukewa in moul lasr, kut oru kulansap lasr nusin God. Tukin orekma lasr nukewa safla ke kulansap lasr nusel, kut eis mongla yorol etu la, tia ke ku lasr ku etu lasr pa oru kut aksafyela ma kunasr, tusruk God mukena. Lulalfongi lasr mu El in ma nukewa pa a use Mongla se ma sramsramkinyuk inge. Kut fin filyac lulalfongi lasr in El in orekma lasr nukewa, kut a eis mongla lasr yorol oapana ke El eis mongla lal ke len se akitkosr.

Wednesday (12/2) Sifac: Konacack Yurin God Sie Nien Wihklac

Kunokon

By LM Skipper Ittu

Wednesday December 2 2015
Sifac: Konacack Yurin God Sie Nien Wihklac
Mwe Read: Psalm 62:1, 2, 5-9

LM Skipper Ittu

Sifwil paing kowos nukewa ke Inen Leum lasr Jesus Christ; Sifen mwe luti se inge pa "Konacack Yurin God Sie Nien Wihlac," oasr in Psalm 62:1-2, 5-9. Kuhsahl Tokosra David pa inge ke karinginyuk wo lun Leum God nuh sel. David el fahk lah el muteng ac tupan molela sin Leum God mukena. Tuh Leum God mukena pa el lulalfongi, ac El eot kuh, Mwet Lango, tower fulat, mwe loeyuk kulana, ac nien wihlac lal. Ohinge, David el tia kuh in kutangyucklac, ac Mwet Israel inge in lulalfongi Leum God pal e nukewa. Elos in fahkwacng mwe fosrnga lalos nukewa nusin God, tuh El mukena nien molela lalos. Tuh wangin kuh luhn mwet uh (lah mwet kol kuh mwet kulansap) in kihsrucng kuh luhn God. Oinge, elos mulala ac suhkawihl oana mongin mwet se. 

Mwe kasru se inge lutikut in tupan Leum God in ma nukewa kuht oru. El mukena nien wihklac ac molela lasr. Tuh kahsrup, wal, kuh, pwengpweng ac tia molikutlac, a lulalfongi lasr wi orekma oaru lasr nuh sel mukena pa kuh in ase molela nuh sesr!!!

Tuesday (12/1) Sifac: Len In Ahknacsnacs

Kunokon

By LM Tolenoa Kilafwakun

Tuesday December 1 2015
Sifac: Len In Ahknacsnacs
Mwe Read: Leviticus 16:29-34

LM Tolenoa Kilafwakun

Kuloh kaksakin God fulat ke oaru lal in karihngin wo moul lasr nuke kut sun len se omeet ke Malem saflah ke year nge, Decembee 01,2015. Ac ke kulacng lal in lwelah kut in sie sin sie in lutlut ke kahs lal, kahs moul. Kuloh kaksakin luhng kuhlacng lal nuesr, ac lelah E mutal lal in akmutalyeyuk ac akfulatyeyuk. Nga engan in paing kowos pac nukewa suc akolah in wikut ke mwe kasru lasr nuh misenge, Tuesday Dec 01,2015.

Mwe lutlut u sikyak ke pacl se Israel fufasryusr yen mwesis u sisken eol Sainai. Suc ke pacl se nge, Leum God el sang nusel Moses akwuk kuh masap nuke...mwe sang ac mwe kihsac, masap ke ma suc nasnas ac tiac nasnas, masap ke moul mutahl ac alu mutahl, akmusralah lal Aaron ac wen natul nuke mwet tol, na akwuck nuke akfulactyen "Len in Eelah ma koluk".

Chapter 16:1-28 srumun ke akwuck nuke "sie len in eelah ma koluk"
Verse 29-34 akwuck nuke akfulatyen "len in eelah ma koluk" suc pa mwe kahsru lasr nu misenge uh. Leum God el sang akwuck inge nusel Moses lan fahkack nusin Israel, ac elos in oru oacna ke Leum God el sapkin. Ke len ak 10 ke Malem ak 7 calendar lun Hebrew, Malem Tishri/Ethanim, misenge pa kalem ke Malem September and October. Leum God el fahk mu mwet Israel ac mwet sac inmahsrlolos fah lalo ac tiac oru kutena orekma. Mwen len sacn in fah sie len na mutahl ac in aknasnasmukena pa in orek ke len se inge in aknasnasyelah ma koluk nukewa lalos.

Mwet tol fulat se ma akmusralah tari fahl nuke ohiyac lalos pa ac kol alu in aknasnas u. El ac fah nokomacng nuknuk lun mwet tol..NUKNUK EPHOD-Exodus 39:1-7 ac oru oiyac in aknasnas ke lohm nuknuk u, loang u, mwet tol u, ac mwet nukewa. Oiya lun aknasnas inge ac fah akfahsryeyuk ke pacl se ke year se in ku in aknasnasyelah Israel liki ma koluk nukewa lalos. Akwuk inge oreklac na tukun wen 2 natul Aaron misac, ke sripen elos tu orek kisac nusin leum God ke E (fire) ma tiac mutahl.Leviticus 12:1. Ma nukewa koluk lal Nedab ac Abhiu.Leviticus 10:1,2

Mwe nunak yok ke mwe lutlut se inge. "In akilen len se inge lah yurin God el fahk ke verse 31 an muh " sie len na mutal, sie len ma elos in lalo ac tiacoru kutena orekma. Men len se ibge len in pahng nusin God lan nunak munas ke ma koluk lalos, panang mwet u enenu in lalo,akmutalyelos,pahsrlah jusin God fulat mwen, met tol fulat el oru alu in aknasnas in kafwe nusin God Fulat ke nunak munas tu elos in ku in nasnasla ke ma koluk nukewa lalos ye mutun Leum God.Men God el ke elos in mutahl ye mutahl men el God mutahl se.. Leviticus 11:44,45

Kulo kaksakin God fulat ac wen kuloh sefanna natul suc ruku kisac kin manol in aknasnasyelah ma koluk lasr mwet uh ke pacl sefanna in akfalye pavl nukewa...Hebrew 10:10

Kuloh ma lulap ke mwe lutlut wo tuku in akkeyekut ac in aksuwosye moul in lulalfongi lasr nusel.

"Merry Christmas and Happy New Year"
T.Kilafwakun

Monday (11/30) Sifac: Arulacna Wo

Kunokon

By Deaconese Tulpe Dizon

Monday November 30 2015
Sifac: Arulacna Wo
Mwe Read: Genesis 1:28-31;2:1-3

Deaconese Tulpe Dizon

Kulo ac Kaksakin Leum God Fulatlana lasr suc lungse Lal wi kut ne ke pal se inge suc pa kut pulakin ke moul wolana lasr fin fwalu se inge.Ac pain kowos mwet e nukewa. Sifa lasr na ke Monday (Nov.30,2015) suc tuku na sesr in luti kut ac fwak oinge "Arulana Wo." Kas lun God na sesr painge suc akkuteye in book lun Genesis 1: 28 nuke 31 ac sifil tahfelah nuke Genesis 2 : 1 nuke 3. Ke me read se lasr inge, suc sruhmuhn ke len ahkohnkohsr ke orekma lun God ke pal se El srike in lumahlah kusrao ac fwalu ac oayapa ma nukewa loac. In oana ke Bible uh akkalemye uh, ke len se inge pa El oraclah kain in ma orahkrahk nukewa. Tukun El orala ma inge El liye tuh arulana wo. Oinge El fwak, Inge kut ac fwa oru mwet uh. Na sikyak oana kena lal ac El orala mwet uh in luhmahl ac sap tuh mwet uh in tufwa leumi won yen engyeng uh. Ik in kof uh ac oaypa ma orahkrahk nukewa fin mahsrihk ac fokin sahk elos in mongo kac.God El liye tu arulana wo ma nukewa El oraclah suc pa kalmen sifa se lasr inge.Ma na kewa El ahksafyela ke len ohnkohsr ac ke len se ahkitkohsr El mongla liki orekma Lal ac ahkmuhtahlye len se inge.

Misenge, yohk nukanlah ke Ma Sap ak Akosr. Oana ke yok sripen lwen Sabbath, orekma lasr ke lwen onkosr saya u yok sripa ye mutun God. El use lwen onkosr kut in oru ma kunasr ac mwe kafofo lasr ac sap kin lwen sie fanna kut in sang nusel. Kut mwet Christian etu insriasr la pang lun Lal nusesr pa in eis mongla ke lwen Sabbath ac in akmutalye. Fwal kut in oraclah orekma lasr, mongla ac insewowo kin ke lwen safla oana ke Jesus El oru ke safla ma kunal tari.  Len se ma El moulyak pa Sanri (Matthew 28) na weacng Mwet Tuma Lutlut elos akfasrye alu lalos (Orekma 20:7; 1 Corinthians 16:2) suc ma alu lasr uh wi akfulatye ne misenge.

Deaconese Tulpe Dizon

Sanri (11/29) Sifac: Mwet Luti Wiacl Paul

Kunokon

By LM Quartus Esau

Sunday November 29 2015
Sifac: Mwet Luti Wiacl Paul
Mwe Read: Orekma 18:1-11, 18-21

LM Quartus Esau

Paing kowos nukewa ke Inen Leum lasr Jesus Christ. Meet liki nga oru kasru srisrik luk nuke me lutlut se inge, nga kaksakin kulang yoklana lun Leum God ma kut srakna pulakin neke pacl se inge. Nga seko pacl u meet liki lisr, ngan wi orala pusrek in fwak Happy Thanksgiving nu suwos nukewa. Kuloh nusin God ke ma nukewa ac finsrak tu kasru Lal in tiac tui nusesr nukewa.

In me read se inge, Paul el oasr Corinth. In acn Corinth, el osun nusin sie sianyacn. Aquilla el sie mwet Jew suc yok lulalfongi lal ke God, ac mutan kiacl, Priscilla. Elos mwet orekma ke lohm nuknuk. Oasr etu lal Paul ke orekma se inge, pwanwang el tu muta yorolos ac kasrelos. Paul el sislah pacl yok lal in luti ke Pweng Wo ke Jesus Christ nusin mwet Jew ac mwet Greek in kifasulos in wela lulalfongi. In pacl se inge Silas ac Timothy tuku Macedonia me nu yorol. El oru luti lal ke Iwen Lolngok lun mwet Jew ke lwen Sabbath nukewa. Mwet Jew in acn Corinth laenul Paul ac fwak ma koluk kacl. Oinge el fwasr lukelos ac som nu yurin mwet Gentiles. Titius Justus el sie mwet Gentile. Paul el muta yorol ac oru luti lal. El luti ac fwak la Jesus pa Christ. Crispus el sie mwet kol ke Iwen Lolngok. Ke sripen lulalfongi lal yok ke Jesus Christ, el baptaislac wi mwet in lohm sel.

Paul el fwasr liki acn Corinth ac som nu Cenchreae welul Aquila ac Priscilla. Ke sripen oasr sie olela ku ma Paul el orala nusin God, meet liki el mukuiyak liki acn we, el sang mangsrasrla insifacl, in akilen olela se inge. El oayak ac som nu Ephesus.

Ke Paul ac mwet luti wiacl sun acn Ephesus, el fwasr lukelos ac som nu Iwen Lolngok ac luti we. Pus mwet ma siyuk elan mutana yorolos, tusruk el srangesr. El fwasr lukelos ac som nu Caesarea; Caesarea lac nu Jerusalem ac folok ne Antioch in Syria.

Kuht kuh in akilen lupan moniyuck lun Mwet Kulansap lun God inge, la finne lainyuck, srungacyuck, akkolukyeyuck, ku finne akkeokyeyuck, elos kafeang na in luti Pweng Wo se inge, nu yen loeslana fwalu. Misenge, Pweng Wo ke Jesus Christ oasr yorosr, ac fuka oru luk kom ke ip kunacsr in wi fwakelik ac usaclihk Pweng Wo ke Jesus Christ?

Ke sripen kut ac aksafye Quarter se meet ke Fwasr Akluo lal Paul, nga engan in srike takunlah fwasr se inge. Fin oasr kasru, fwa akkalemye. Fwasr Ak 2 lal Paul

Antioch in Syria nu Derbe; Derbe nu Lystra; Lystra nu Iconium; Iconium nu Antioch in Pisidia; Antioch in Pisidia nu Troas; Troas nu Neapolis; Neapolis nu Philippi; Philippi nu Apolonia; Apolonia nu Thessalonica; Thessalonica nu Berea; Berea nu Athens; Athens nu Corinth; Corinth nu Cenchreae; Cenchreae nu Ephesus; Ephesus nu Caesarea; Caesarea nu Jerusalem; Jerusalem nu Antioch in Syria.

Saturday (11/28) Sifac: Apollos El Kapkapack In Luti

Kunokon

By Deaconese Niokong Tara

Saturday November 28 2015
Sifac: Apollos El Kapkapack In Luti
Mwe Read: Orekma 18:24-28
 

Deaconese Niokong Yukiwo

Nga engan in fwak pac kulo lulap luk nu sin God fulat lasr ke moul lasr, ā ke pal wo lasr kut wi pa lutlut ke kas lal.  Sifwa nu ke Saturday uh, Apollus el Kapkapak in Luti. Mwe read Orekma 18: 24-28.

Apollus el sie sin mwet luti ma welul Paul in fwakak ke kas lun God, Apollus el oru luti lal fwin ān Efisis, fwak lac el arlana etu ke ma simisla ke Leum Jesus meyen lutiyuk el ke inkanek lun Leum, oinge el arlana oaru in luti nusin mwet lulalfongi we.   Orekma 18:26. Luo mwet lulalfongi long ke luti lal, elos esacl nu yorolos, a sifil akkalemye suwos ke kas lun God nu sel.

Oinge Apollus el sulala elan som nu Achaia, ke el sun an we, el akkeyelos su lulalfongi tari ke kas lun God, a el lain mwet Jew su sramsram in lain ma paye el orekmakin kas ma simisla in akpayeye la Jesus pa Christ.

A ma nu sesr ka u kut in oru fwakak lasr ke kas lun God. Orekmakin kas in ma simisla in akpaye la kut lulalfongi ke Christ.

Deaconese Niokong Yukiwo

Friday (11/27) Sifac: Lutiyuc Ke Ohiyac Lom

Kunokon

By Kenye T. Belcourt

Friday November 27 2015
Sifac: Lutiyuc Ke Ohiyac Lom
Mwe Read: Exodus 33:12-18

Kenye T. Belcourt

Lungse kaksakin God ke ma nukewa meet liki ngac fwa tafella me lutlut lasr u.
Me read se inge akalemye ke pal se God el sapkin Moses elan kolla tulig Israel liki Finol Sinai nuke fwal in Wuleang. Ke sripen seakos ac likeke lun met inge panang Moses el tia fuleak in pray ac kafwe kalos nu sin God. El siyuk tu lungse ac pakoten lal in welulos ac karunganulosyang in fwufwasryasr lalos u.

El oayapa fwak oinge, luti nu sik tu nga ku in kulansupekom ac oru na ma ac akinsewowoye kom u. Ac lela nu sik in liye kalem wolana lom su ac akalemye la kom oasr yorosr. Tukin ma inge Leum God el wulela in wi met lal ke sripen lungse yok lal nu sel Moses ac el arulana insewowo ke ma nukewa ma el oru u. Ac lela nu sesr in oru ma lungse lun God, tu paye ela fwa wi kut ac kol kut in Oiyac nukewa.

Thursday (11/26) Sifac: Kuneyucki In Luti

Kunokon

By Hanna Alokoa

Thursday November 26 2015
Sifac: Kuneyucki In Luti
Mwe Read: Matthew 28:16-20

Hanna Alokoa

Paing Kowos Nukewa ke Inen Leum lasr Jesus Christ.

Sifac se ke Thursday inge fahk mu Kuneyucki In Luti; suc asr in Mathew 28:16-20

Tukin Leum Jesus El misac ac sifil moulyak, El sapkin nusin met tumal lutlut singucul sie elos in fasrelik nu mutunfaclu nofon and luti nusin metu in akos ke lungse lun Leum God. El fahk mu, elos in som a oru tu elos suc long ke Kas Lun God in met tumal lutlut ac in babtaiseloslac ke Inen Papa, Wen, ac Ngun Mutal. Ac Leum Jesus El a fah asr yorolos in pal e nukewa..

Kut in wi pac tafelah kulansap se inge oana ke Leum Jesus El sapkin.

Wednesday (11/25) Sifac: Lahlmetmet Sin God

Kunokon

By LM Skipper Ittu

Wednesday November 25 2015
Sifac: Lahlmetmet Sin God
Mwe Read: Soakas 16:19-24

LM Skipper Ittu

Sifwil paing kowos mwet tumasr, wiasr, ac natusr Kosrae ac acn sayac, ke Inen God Fulat. Sifac se lasr nuke Wednesday se inge pa "Lahlmwetmet Sin God," oasr in Soakas 16:19-24. Sifac se inge sie sin soakas tausin tolu lal Tokosra Soloman, suc tokosra nusin Mwet Israel ke lusen yac 40. Ke soakas se inge, Soloman el luti Mwet Israel inge in etu lah wo elos in inse pusissal ac sukasrup liki elos in inse fulat ac kasrup kin ma elos pihsralah. Elos in loacng nuke ma lutiyuk elos kac, suc sang wo ohiyac ac engan nuke moul lalos. Elos in lahlmwetmet ac eis kahlem ke etauk lalos ke kahs luhn God. Ke lahlmwetmet lalos sin God, elos ac etu in nunkaclah ma uh meet liki elos kaskas. Tuh kahs kulang el emem oana honey, ac kahs tia kulang fihsacack nunkacn mwet uh. Lutiyuk kut in suk lalmwetmet pwaye, suc tuku mukena sin God. Tuh lalmwetmet pwaye el pusisal, loacng nuke akwuk, sang etauk nuke moul, nunkaclah fah kahskahs, ac kulang.

Tuesday (11/24) Sifac: Muhta Yurin God

Kunokon

By LM Driskell Jack

Tuesday November 24 2015
Sifac: Muhta Yurin God
Mwe Read: Psalm 27:4,5,8,9, 11-14

LM Driskell Jack

Kaksakin GOD Papa Tumasr ke moul lasr. Ac ke wik in Thanksgiving se inge, arulana pus ma kut enenu in kaksakin GOD Papa Tumasr kac; yok liki nukewa ke kut moul sun len se inge. Len misenge uh, Tuesday, November 24, 2015, ahse nu sesr sie mwe lutlut na mwowo ke sifac se inge: ‘Muhta Yurin God’.

Psalm se inge, el kuhsen prue soko lal David. Oasr Psalm 150 pa simla luin BIBLE Mutal natusr uh. Ac 73 sin Psalm inge ma simla ke nunak ac kaksak lal David, su pa sie Tokosra in pal se ma an Israel and Juda tuhkehni ke kacringinyuk lun United Kingdom. Tokosra Saul pa Tokosra se omeet lun United Kingdom ke luhsen yeac 40, na Tokosra David ke lusen yeac 40, na Tokosra Soloman ke lusen yeac 40. Tokolos, United Kingdom fahsrelik, su pa kalem ke an Israel (Northern Kingdom) ac Juda (Southern Kingdom).

Kuhsensiyuk se ma oasr ke pal se inge uh pa: Ku David el sumusla Psalm soko inge ngac? Kutu motkwe muh el sumusla meet liki el Tokosra la ac ke pal el ahkuhlen ma kuhsrungul. Kutu motkwe nuke pal se ma Papa ac Nina kiyel pangla sin GOD Papa. A kutu motkwe muh el sun matweh matu lal, ac el esamak kacsru puspus lun GOD Papa nu sel. Ma inge nukewa paye sikyak, tuhsruktu, mwo ke kut som nuke ma Simusla in liye la meac akkalemyeyuk kac.

Ma Simusla akkalemye la ke sie sin meun ma David el lain Mwet Philistia el arulana totola (2 Samuel 21: 15). Ma Simusla akkalemye pac la “A David el fahk nu sin God, “Nga orala ma koluk yohk se. Nunak munas, sisla koluk luk. Ma na lalfon se pa nga orala”(1 Chronicle 21:8). David el ahkuhlen la el nwe totola ac yok ma koluk ku suhfal ma el orella, tuhsruktu, GOD Papa el srak lungse el; ac wehlul ke sripen paye inse ahuhliyak lal tuhkin el orella ma suhfal. Elos mwet Israel elos ahkuhlen pac yok sripaiyel David,…, ac Elos fahk, “Kom pa mwe finsrak lun Israel, ac kut tia lungse kom in wanginla”(2 Samuel 21:17).

(v. 4): Ouiya se ma Mwet Israel fahk kel David inge, pa David el ahkuhlen ke kacsru yok lun GOD Papa nu sel. Pa el akkalemye ke fus ak ahkosr, “Nga siyuk sin LEUM GOD ke ma se, Ac ma sefanna nga lungsik: Tuh nga in muta in lohm sin Leum GOD in moul luk nufon, In liye kasrpen wolana lal, Ac in siyuk ke koko lal” (Psalm 27:4).
(v. 5): Fahk se lal David inge akkalemye na paye finsrak lal in muta ye lulinpoh-kuh lun GOD Papa, meyen el ahkuhlen la fihn tia ke kacsru lun GOD Papa nu sel, el luhkun sun ongaiya tari. Pa kalem ke (v.5),

“In pacl in ongoiya, El fah lisringyuyak; El fah karinginyu in Tempul lal Ac oru tuh nga in moulla fin sie eot fulat”(Psalm 27:5). Ke David el ahkulenak na paye ke karinginyuk lun GOD Papa, pwenang, el arulana suk pa in el pa muhsacehak Tempul Lal, mwet uh in kuh in alu ac akfulatyel. In oana ke Zecharaiah el tu fahk, “Ac fuka lupan wo ac oasku lun acn sac! Mwet fusr ac fah kapak ac fokokoi ke wheat ac wain we” (Zecharaiah 9:17). Kut ouyapac esam kel Joash (sie sin fuhteh lal David) el tuh wukla lom Tempul ke luhsen yeac 6 ke pacl se ma mwet lohkaclok lal sohkol.

(v. 8): “Ke kom fahk, “Fahsru ac alu nu sik,” Na nga topuk, “Aok, LEUM GOD, nga ac fahsrot”(Psalm 27:8). David el arulana oaru in oru alu lal nu sin GOD Papa ke sripen el ahkulen lupan pakoten lun GOD Papa nu sel. Pwenang, pal el tia ku in som nu in lom sin GOD Papa in oru alu lal, el prue a fahk, “Long, O God, ke pal nga tung, tia ke tung ac keok lun insiyuk uh mukena, tu kom ku pac in lipsre ke suhpar lun puhsrek.” Ouinge, David el ahkulen la pal nukewa ma el faksuhfi in prue nu sin GOD Papa, el ahkuhlen top nuke mwe siyuk lal.

(v. 9): “Nimet wikinkomla likiyu! Nikmet kasrkusrak sik; Nikmet supwala mwet kulansap lom liki kom. Kom nunu mwet kasru luk; Nikmet fahsr likiyu ku sisyula, O God, Mwet Lango luk” (Psalm 27:9). Inge David el kapsra pal se ma kut wangin liki karinginyuk lun Nina ac Papa Tumasr la ouiyac se inge oana ke kut tuhfacla liki GOD Papa Tumasr in kusrao. Oasr muhkacimtal la se ac oasr nukanla lasr, pwenang el prue ac siyuk sin GOD Papa in tia wukla luhkel ku in tia kasrkusrak sel.
(v. 10): “Sahp papa tumuk ac nina kiuk elos ku in sisyula, Tusruktu LEUM GOD El fah karinginyu”(Psalm 27:10). Ke pal se ma Nina kiyacsr ac Papa tumasr wangin yoros, GOD Papa el karingin kut.

(v. 11): “LEUM GOD, luti nu sik ma kom lungsum tuh nga in oru, Ac kolyu ke inkanek wo lom, Mweyen pus mwet lokoalok luk”(Psalm 27:11). David el ahkulen lupan kacsru yok lun GOD Papa nu sel. El etu la fihn tia ke kacsru lun GOD Papa nu sel, el luhkun sun ongaiya ke Mwet lohkalok lal. El ouyapc ahkuhlenak la pal nukewa el oru ma lungse lun GOD Papa; mwe insewowo ac mwo ouiyac sik nu sel ac sucu lal.

(v. 12): ‘”Nikmet sisyula nu inpoun mwet lokoalok luk Su lainyu ke kas kikiap ac kas in aksangeng”(Psalm 27:12). David el prue ac siyuk tu GOD Papa elan tia ngetla luhkel meyen arulana oasr mwet srungal, ehfin nwe wangin ma el oru koluk nu selos.
(v. 13): “Nga etu tuh nga fah moul ac liye Woiyen LEUM GOD in moul se inge”(Psalm 27:13). David el etu la oasr ma elya el sun ke moul se inge, tuhsruktu, el asmak in etu la el fihn fahsr ke inkanek lun GOD Papa, el ac fah kutangla ma puspus ma fongulul.

(v. 14): “Lulalfongi in LEUM GOD. Lulalfongi, ac tia fuhleak. Lulalfongi na in LEUM GOD”(Psalm 27:14). Fus se inge akkalemye lupan lulalfongi lal David ke sripen yok kacsru lun GOD Papa nu sel. Lulalfongi lal David arulana ku ke sripen el etu la nwe oasr mwet lohkaclok lal, GOD Papa el welul in kacrungul ke pal mwo ac pal koluk.

KONOKON: Mwe lutlut se inge akkalemyeyuk nu sesr ke soko prue lal David su puhlakin lungkulang ac pakoten lun GOD Papa nu sel. David el tuh akmusra la nuke Tokosra lun an Israel ac Juda ke el yeac 16. Tusruktu, el tia muhta ke siyac in Tokosra lal nwe ke el sun yeac 30. Ke pal se ma Tokosra Saul el karingin Mwet Israel ac Juda, el srike pac elan unilyac David. David el etu la sok muhkena pa sripa lal Tokosra Saul. Ke el Tokosra lun Israel ac Juda, sie natul (Absalom) tu suk pa in lohkaclok nu sel. Pa inge kutu ma sik nu sel David su el kutangla; tia na suk in uhpac nu selos ma kacsel ku suk in unilyac. Kutangla lal uh sik ke sripen el kupacsryang nu sin GOD Papa in muta in karinginyuk lal. El akkalemye la pus pal el puhla pac la tia fuhsacsr nu sel, tuh el srike in muhta na ke lulin poh kuh lun GOD Papa. Pa akkalemyeyuk in (Eoksra 3:24-25), “LEUM GOD mukena pa oasr yuruk uh; ke ma inge El na pa mwe finsrak luk. LEUM GOD El wo nu sin mwet nukewa su lulalfongi in El.”

Kulo kaksakin GOD Papa ke mwe lutlut mwo tuku in akasmakinye kut in Muhta na Yurin LEUM GOD lasr ke pacl mwo ac ke pacl koluk.

LM Driskell J. Jack
Kosrae-Seattle Congregational Church
alukosraeseattle@gmail.com

Monday (11/23) Sifac: Lutlut Sin God

Kunokon

by Deaconese Sepe Kilafwasru

Monday November 23 2015
Sifac: Lutlut Sin God
Mwe Read: Psalm 25:8-12,20, 21

Deaconese Sepe Kilafwasru

Psalm soko inge Psalm lal David, sie Prue in siyuk a kafwe ke kolyuk lun God, ke inkanel in loango lun God a siyuk ke nunak munas lun God.

David el sie suc pulakin elya, a keok yok ke oru lun met lokoalok lal, su suk in ak-kolukyal ac in esla moul lal.
David el lalmetmet ac arulana asmak in etu la inkanek sefanna ma a sang kasru nu sel pa in nget su sin God ac siyuk ke kasru Lal.
God El oana sie met luti mwo nu sesr. El sumwos, El nasnas, El paye in pal nukewa acEl mutal. Kut fin etu na paye God ac etu ouiya Lal, kut ku in sifwana lumekutlac lah kut loesla nu ke ouiya lun God. Kut met koluk, kut met se-asmak in ouiya lasr. Kut enenu in sifanna ak-pusisalye kut ye mutun Leum God in suk kasru sel, na El tufwa ku in akkalemye ac luti kut ke ouiya ku inkanek wo in fasr ka.

Psalm soko inge kafwekut in suala in fasr ke inkanek lun God, meyen El sumwos a mwo. El luti met koluk ke inkanek wo elos in fasr kac, El kol mwet inse pusisal nu ke inkanek paye. El lotelos ke ma lungse Lal, El kololos su karunganang ma sap Lal, ac El nunakmunas ke ma koluk lalos.

Leum God mukena pa met shepherd mwo se ma ku in luti kut a kol kut nu ke moul in finsrak lasr., ta kut fwa ku in wi usrui moul ma patpat, su kut nukewa finsrak nu kac.


Deaconess Sepe Kilafwasru

Sacnri (11/22) Sifac: Kain In Mwet, Kain In Oruh

Kunokon

By Rev. Takeo Likiaksa

Sunday November 22 2015
Sifac: Kain In Mwet, Kain In Oruh
Mwe Read: Orekma 17:1-4,10-12, 22-25, 28

Rev. Takeo Likiaksa

Ke mwe read se inge, Paul el oru luti lal in an Thessalonica. El oru luti lal we ke Sabbath tolu ma el oasr we. Mwet we long ke Messiah ac srak tupan ke pacl el fah tuku. Pa Paul el fahk nu selos lah Christ pacna pa Messiah. El fahkkin la El keok, misa ac sifil moulyak.

Moul lal Paul el sun ongoiya pus, weang pana lah mwet pus sok ke pengpengial, oru elos suk in unilya. Na mwe read uh tafwela in fahk la el som liki an Thessalonica nu Berea. El oru pac luti lal ke Iwen Lolngok lalos ac pus selos lulalfongi.

Paul el akilen lah mwet inge elos alu nu sin god lalos, ac elos engan in porongo luti lal Paul. Elos oayapa arulana oaru in long kahs ma srumunyuk nu selos uh. In an se inge oasr nien alu pus, ac sie sin Iwen Lolngok inge oasr sign se kac, fahk mu nu sin sie god su tia eteyuk. Paul el orekmakin sign se inge in fahkak lah God se ma elos nikin inge pa God moul El pa orala faclu ac ma nukewa fac, ac el God lun kusrao ac faclu. Na ke sripen God pa orala faclu ac ma nukewa fac, el tia enene kut a kut pa enenacl uh. El pa ase moul. Ke forfor lal Paul, el ku in akilen kain in mwet pus su tia oana sie lulalfongi lalos, ku ouiyen moul ku orekma lalos. El akilen pac la tia pac mwet nukewa loacng nuke luti lal. Tu finne ouinge, Paul el kwacfeang na in oru orekma in fahkak lal Ke Christ ku Messiah.

Ke moul lasr uh ut u pac in akilen lah tia mwet nukewa ac oacack nuke mwe luti kut wi sramsramkin uh. Ac tia pac fisrasr ma nukewa. Tu ma inge orek pac nu sin mwet lulalfongi nukewa sahye pac. Tu finne ouinge, kut enenu in tia fulweack ac kut in moniyuk in oru ma kunas etu lah Lerum God el akola pacl nuewa in kasre kut.