Friday (7/31) Sifac: Fufahsryusr In Kalem

Kunokon

By Lipan Welly

Friday July 31 2015
Sifac: Fufahsryusr In Kalem
Mwe Read: Psalm 89:11-18

I

Lipan Welly

n oana pacl nukewa in wi mwet nukewa in sifil oru kaksak yohk lasr nu sin LEUM GOD fulatlacna, ke moul lasr ac pacl na wowo El use kut in eis ke Kahs in Kol Lal. Paing mwet nukewa.

In Psalm 89 oasr pac pray soko kuh ngusr na lulap se nusin God Elan liacng fwil natul tokosra David su tuh utuklac nuke mutunfacl saya. Akkalemyeyuk in verse 19 nuke 37 ke psalm soko inge Wulela Lun God Nu sel David. Inge na mwet se tuh simuslah psalm soko inge eoksrai lah God El mulkunlah Wulela El tuh oralah nusel tokosra David su kalem pac ke verse 38 ac 39. In verse 46 mwet sim se inge siyuk pac lah e lusac kac LEUM GOD, Elac wiklac lukel. Putaka mulat lom uh fah firir oana sie e? Mwet sim se inge sifil pac ngisre sin God Elan tiana mulkunla ke akkolukyeyuk ac selnga iyuk el sin mwet pegan (v50).

Psalm soko inge tuh simisyuklac ke pulan pacl se tulik nutin Israel inge tuh muta Babylon (ca 587-538 BC). Mwet sim se inge kisensiyuk kin lah efin paye Wulela Lun God nusel tokosra David, ac efu ku mwet lal tuh mutah in keok. Laye God ke pacl se inge? Kut readi ac lutltut kac fahsru ke month luo somlah ke forlah lun tulik nutin Israel (Northern Kingdom) ac Judah (Southern Kingdom) liki LEUM GOD. Elos oru sukusok lalos ke pacl na loeloes. Ke mongfisarsr Lun God nu selos El tuh supalah mwet palu Lal in kifus mwet inge ke pacl pacna leoloes. Elos tuh srungah lohng ma mwet palu inge tuh sapkin. Inge na psalm soko inge akkalemye muta in keok lalos ac ngusr na lulap lalos nu sin God.

Ke ikaklah lun mwe lutlut lasr na misenge uh (v11-14), pusra na lulap ac yohk fahkak lah God pa oralah ma nukewa (v12). Ku lun God sifil pac kalweniyuk ke (v13). Ku se Lun God inge tia ma oreklac ke ma sutuu uh ma suwohs ac nununku pwaye (v14). Lungse ac oaru lun God nusin mwet Lal arulacna taklac wo ke Wuleang Matu mutawaek ke Genesis ac nuke book lal Malachi. God El arulacna lungse mwet lal yohk ac pakoten lal tia tui in pacl nukewa.

Verse 15-18 akkalemye lupan engan yohk nusin mwet su alu ac akfullactyel su fahsr ac moulkin kalem kulang lun God (v15). Mwet uh engan ke len nufon ac kaksakin wolacna Lal (v16). V18 orani king lun Israel ac God. Efin kut readi na psalm soko inge e takunlah arulacna kalem wulela inmasrlol tokosra David ac LEUM GOD. Kut e liye lah Psalm soko inge simlac na yohk nuke Wulela se inge.

Mwe lutlut se inge ikus kut in liye Mutal Lun God (v18) ac kalem kulang Lal (v15). Kut mwet lulalfongi nukewa enenu in moul kin pac kalem kulang se inge. Ke mwet uh e liye moul lasr uh elos enenu in liye kalem kulang se inge. Sifil foloklac nuke month tari ah lah mwet palu Micah pa use mwe lutlut ke Sunday ekasr ah fwasru. God El sang kalem ac ku nusel elan fahk kahs ku Lal nusin mwet Israel. Tia eklac nusers misenge, kut enenu God Ngun Mutal in us kulansap lasr nusin God Papa. Wangin kalem lasr sifacna, enenu na in tuku yurun LEUM GOD fulatlacna. Efin tuku yurun God mwwe na e oasr Lungse in pacl nukewa regardless of the situation we are in. Meyen God Wen El misa ke sripen Lungse Lal nusesr kewa. Kut e akkola in pacl nukewa in nunak munas nusin mwet ke sripen El nunak munas nusesr nofon ke ma koluk lasr. Pa inge fufasryusr in kalem uh, su verse na wowo se na sesr misenge in sang akkaesmakinye kut nofon ke Lungse Yohk Lal nuser. Paing mwet nukewa ac tia tui in pray ke mwet lasr Kosrae ac mwet nukewa.

Thursday (7/30) Sifac: Mwet Lango Lasr El Arulana Ku

Kunokon

By Victor Melander

Thursday July 30 2015
Sifac: Mwet Lango Lasr El Arulana Ku
Mwe Read: Jeremiah 50:28-34

Victor Melander

Jeremiah 50: 28-34
28 " Pusralos su kaenglac ac yulac liki fwal Babylon, in fwakak in Zion foloksak Lun Jehovah. 29 Pangnoni nuhsie mwet pus lain Babylon, elos nu kewah su kufusye mwe pusr; oru nien aktuktuk raunelac lainul; nikmwet lelac kutena mwet we in kahenglac: moli nu sel fwal nu ke orekma lal; fwal nu ke mah nukewa ma el orala, oru nu sel; tu el fulang lain Jehovah, lain EL su Mutal in Israel. 30 Ke ma inge mwe fuhs lal fwa igori enganek lal, ac mwet mweun lal nu kewah fwa akmisyeyuk in len sac. Jehovah EL fwak. 31 Liye, ‘NGA lain kom, O kom mwet fuhlang, LEUM, Jehovah lun mwet mweun, EL fwak; “tu len lom summu,” pal NGA fwa liyekomlac.’ 32 Ac el su fulang fwa tugkulkul ac igori, ac wangin sie ac fwa sruklulak, ac NGA fwa tanak sie e in siti lal, su fwa kanglaloslac nukewah su apnullac. 33 Ouinge Jehovah lun un mwet mweun EL fwak, “Tulig natul Israel ac tulig natul Judah tukeni akkemkatuyeyuk; ac elos nukewa su wiseloslac mwet sruo srukelosi ku; elos srangesr fwueloslac. 34 LEUM LANGO lalos EL ku; LEUM LUN mweun pah INEL: paye EL fwa fwakak ma lalos, tu ln ku in sung monglac nu sin fwalu, ac tukasru nu sin mwet Babylon”

Pwengwo nusuwos kewah suh pangon GOD EL PAPA seh tumwewos ac Jesus El Mwet Lango se lowos. Paing kowos kewa. Nga lungse pac sang kulo, met, nu sin GOD ac Jesus Christ, ac kowos nukewa. Kunukon lasr nu mesengi uh, sifwil pac tuku in akesmakinye kut. Ke ouiyesr nu Sel Jesus Christ, lac kut panglol Leum, Leum; aksol ku lukeke Ellul.

Ngah tia sislac pahl luk ke sram sram kel togosra Nebuchadnezzar. Nga etu lac kowos orulana kaliyah sramsram matu tari ke Bible u. Nga lungse uskut mwe nuke way lasr mesengi u. In srumun ke lupan lungse LUN GOD nu sesr. Oana mwet Israel, kut lukkekei GOD kutu pal uh, neh oinge Lungse Lun GOD tia tui. Kut kalem keh John 3: 16, 17 “Tu GOD EL lungse fwalu ouinge, tu EL ase Mwen sefwana isusla Natul, tu el su lulalfongel fwa tia tulac, ac el fwa es moul ma patpat. Tu GOD EL tia supamu Mwen Natul nu in fwalu in nununku fwalu ac tu falu in moul Kel.” Kut long pah ku LAL lah wangin ku kapuran na SEL. Pah fwak kalem ke fus 34 ke Jeremiah sapta 50 an. Ac Isaiah 59: 1 “Liye, poun LEUM tia akfutotoyeyuklac, tu in koflanu in luhngo…” Nga muh pah inge mah nga ku in fwak ke mwe kunokun lasr u.

Kulo na ma lulap ke pahl wowo lasr ke mwe luti na wowo se inge. GOD ac Jesus Christ Lungse kom.

Wednesday (7/29) Sifac: Lungse Kawil Lun God

Kunokon 

By LM Skipper Ittu

Wednesday July 29 2015
Sifac: Lungse Kawil Lun God
Mwe Read: Isaiah 54:1-8

LM Skipper Ittu

Leum God Elan kaksakinyuk fin faclu nofon. Sifac se lasr nuke Wednesday inge fahk muh "Lungse Kawil Lun God"; oasr in Isaiah 54-18. Scripture se inge srumun ke wulela lun God ke city Jerusalem lah elac ma uh sie city pwengpweng, finne utukwelik koanon acn we ke sruoh Babylon. Jerusalem el oana sie mutan, suc tuh wangin tulik natu meet; tusruk, tok, el kuh in on sasa ke engan meyen ac fah puhs tulik natul. Oinge, lohm nuknuk ac kalkal sel ac fah akyokyeyuk. Elan tia sangeng tuh ac fah tia sifwil akmwekinyuk el. Pwaye God el tuh sisulla ke kitin pal ke sripen kasrkasrak lal ke ma koluk lal; tuh, inge ke sripen lungse kawil lal, el sifwil eisal. Kasreyuk kut ke scripture se inge in etu ke lungse pwaye lun Leum God. Tusruk, kut in oayapa etu pac lah oasr sie pal lungse kawil lal ac fah safla!

Tuesday (7/28) Sifac: Lutiyuk Ke Ma ac Wo Nu Sesr Sifacna

Kunokon

By LM Kilafwakun Tolenoa

Tuesday July 28 2015
Sifac: Lutiyuk Ke Ma ac Wo Nu Sesr Sifacna
Mwe Read: Isaiah 48:12-19

LM Kilafwakun Tolenoa

Ngan sifwil pac eis pacl u in kaksakin God Pahpah ke moul wowo su El sekin nu sesr kais sie. Kulo ac Kaksakin E mutacl Lal ke Lung Kulacng Lal kut pulakin in en nukewa ke moul in mwet lasr kais sie ke, oaru Lal, ke pahkoten Lal, ac ke Lungse Kawil Lal nu sesr.
Kulo ac kaksakunul ma lulahp, ke El tia tui in ahkacsmakye kut len nukewa ke kahs in moul Lal, in ahkwoye kut,ahksuwosye moul lasr, ac in ahk mutaclye kut nu ke
Sie moul in insewowo yorol ke pacl se tok...
Polo kahs se El ase in ahknunakye kut ke Tuesday July 28 2015 fahk oinge: "Lutiyuk ke ma ac wo nu sesr sifacna." Nga lulalfongi lah kut arulana kalem ke kalmen
Polo kahs se ingan,lah mac kalmac nu sik ac kom, kusen siyuk se,.... lah efu, kut in luti ma ac wo nu sesr sifacna?? Kut nukewa etu ac kalem pac kac lah,men sie mwet fin kuflah liki ma wo ac oru ma koluk,.....el enenu kasru,el enenu in lutiyuk el ke ma su el tia akilen ku ma su el munas kac. Men sie mwet fin Tahknelik wo el ac
Kosracni ke ma Wo!!, Na el fin Tahknelik ke koluk el ac Kosracni ke ma koluk nu sel, Mwe Read se nge sikyk ke pacl se Israel muta in Sroo (Exile)in acn Babylon, ke
Sripen elos fahsr liki inkacnek lalos nu sin Leum God. Oasr ip Tolu pa ke mwe read se nge,...1, Ku ac Fulact lun Leum God,.....2,Leum God El shulacllah Cyrus lan mwet Kohl Lal......3, Leum God El Luti Israel Ke ma su ac Wo nuselos....
1,Ku ac Fulact lun Leum God.......Nga mukefanna pa Leum God, nga pa emeet ac nga pa eetok. Nga Pa oracllah Faclu, ac oracllah mwet u in muta Fac.Ke Ku Luk, Nga ahsroelik kusrao, nga pa nununku faht ,mahlem ittu u, ac El pac pa karungin moul ac nununku misac ac moul, wacngin sie god saya ku in kisrung Ku ac Fulaht lun Leum God..El orekmakin Ku Lal in akmusraellah Cyrus...
2 ,Leum God El shulacllah Cyrus lan Mwet Kohl Lal......Cyrus el finne mwet Pegan, Lseum God El ac sang Tokosranu sel,El ac tufwah welul in Tokosai .lal,ahkwoyacl
Ac ahkinsewowoye tokosrai lal ke sripen mission se lal Cyrus in uslah Israel liki Sroo lalos ac in sifil ahwoyelah Temple lun God in Jerusalem....ke pacl se mwet pahlu Isaiah el tu palye ac ahkkalemye nu sin Israel plan lun Leum God nu sel Cyrus inge, Isaiah el akkalemye Lungse Lun Leum God nu sel Cyrus, su tu pacnacng
In mwe Luut nu sin Israel ke sripen Cyrus el mwet Pegan su mwet lokoalok lun Israel.Mwet Pahlu lun God tu palye kahs lun Leum God ke wacngin nunkeyac ke pacl loes su akkalemye la tukun yah 200 sikyak oana ma ahkkalemyeyuk sin mwet pahlu uh.
3, Leum God El luti Israel ke ma su ac wo nu selos......Pushren Leum God El fahk oinge ke verse 17 an," God Mutacl lun Israel, God su molikowoslah, Nga pa Leum God lowos, Su lingse Luti kowos ke ma su ac wo nu suwos sifacnna, ac in khol ko2os nu ke inkacnek ma fahl kowos in fahsr kac.""
1,.....kowos funu lohang nu ke masap luk, mwe insewowo lukun kahkma oacna soko Infacl ma tia wi muhnlac.
(Elos funu loacng nu ke masap lun God.....insewowo lun God oasr in pacl nukewa yorolos)
2......kutangla lukun tuku nu faclos oana Noa tok weacn uh.
( Kutanglah sin God oan ye mutahlos in pacl nukewa )
3,.....Filin tulik nutuwos uh lukun arulana puslac oacna puhk uh ac nga lukun oru elos in tia wi kunausyuklac
( Kapkapack lalaos ac molelah lun Leum God welulos ke len nukewa)

Mwe nunak lasr ke mwe Read u ase nu sesr kut in liye ac nunku ke nunak ac orekma lun Israel in pacl shoo lah elos Filacng kin lah elos mwet shollac nu sin God Fulact,
Elos mwet in City Mutahl Jerusalem yen ma Temple Mutahl lun God oan we..Elos filacngkin facsin lalos u mu elos mwet lun God....tusruk tia paye lulalfongi lalos inge ke sripen elos tiana sang pacl laos u nu sin Leum God ke paye ac suwos. Elos oru na lungse lalos sifana in lain akwuk lalos nu sin God. Kusen siyuk se,???
Lah kut pula mu kut secure, men kut pula mu kut fahsr wi Alu ke Sanri nukewa, nga member lun Etawi ac Church, Nga mwet ke sie community na eteyuk ke moul
In Lulalfongi uh...mwe pakomuta nu sin su nunku oinge, Men pa inge ma mwet Israel inge nunku in pacl shoo." Wacngin ma ku in ahkfototoye kupasr lasr nu sin Leum God, sahyen HEARTS, MINDS,and SOUL.."Lungse Leum God ke KU lom kewa, ke NUNKOM kewa ac ke NGUNUUM kewa. Lela kut in shuuk meet Tokosrai
Lal len nukewa in khol kut ac in Oracllah Sulalah lasr in pacl nukewa kut in mu ku in wi ipeisi ke insewowo lun Leum God Lasr ke lusen moul lasr...
.
Kulo kaksakin God Fulaht Lasr ke mwe lutlut wo El Ase in ahksuwosye moul lasr nu sel ke kais sie len ke moul lasr....kulo malulahp.

Monday (7/27) Sifac: Ma Koluk Lasr Sifacna Fahkkutyak

Kunokon

By Deaconese Tulpe Danny

Monday July 27 2015
Sifac: Ma Koluk Lasr Sifacna Fahkkutyak
Mwe Read: Isaiah 59:1-14

Deaconese Tulpe Danny

In oana pal na kewa sang kulo kaksakin El suc Fulatlana ke El sruokyac moul lasr nukewa ne ke pal se inge.
Monday: "Ma koluk lasr sifacna fahkkutyak." Book: Isaiah 59: 1-14
Kas lal met palu Isaiah nu sin tulik nutin Israel pa inge su el srike in tafuh nu selos lah ma koluk lalos uh pa panang Leum God El tia topuk pre lalos uh. Kutu sin ma koluk inge pa akmas, sulallal, kikiap, ac sesuwos.
Ke sripen ma koluk lalos inge panang elos liksreni na akilanack lah pa inge sripa se oru Leum God El tia moleloslac liki el su akkeokyalos. Oinge elos tuku nu ye mutun God ac sifacna fahk lah orekma lalos uh koluk a "Ma koluk lasr sifana fahkkutyak" su pa kalmen sifa se lasr inge.
Mwe lutlut nu sesr uh pa kut in etu lah matwan ma koluk lasr uh pa God El ac tia long mwe siyuk lasr uh.

Deaconese Tulpe Danny

Sanri (7/26) Sifac:Leum God El Insewowo In Fahkak Pakoten

Kunokon

By LM Quartus Esau

Sunday July 26 2015
Sifac:Leum God El Insewowo In Fahkak Pakoten
Mwe Read: Micah 7:14-20

LM Quartus Esau

Yok engan ac kaksak luk in sifil wi kowos ke me lutlut lasr nuke Sunday, July 26. Ac meet liki ngac tufwa oruh kasruh srisrik luk nuke sifac se inge, nga lungse sifil orala kulo ac srui luk nusin God ke kulang Lal ma kut srakna pulakin neke pacl se inge. Kut finne se-asmak in moul lasr kutu pacl, a kulang Lal nusesr tiacna wanginlac. Finsrak Kahs Moul Lal ma El acse nusesr ke ao se inge in ku in mokle kut nuke me finsrak ma oasr yorosr ke moul in lulalfongi lasr ke Leum Jesus Christ.

Koal in oana ke sifac lasr nuke me lutlut ke Sunday, July 26 an akkalemye u, “Leum God El Insewowo In Fahkak Pakoten”. Me read se inge pa aksafye Unit ak 2 ke Quarter se inge (4th) suc aksafye pac kahs in palu lal Mwet Palu Micah nusin mwet Israel ac Judah.

Ke kohtoh sac, kut long kusen mulat, kusen sufan, kusen sensenkakin ma Mwet Palu Micah el oru nusin Mwet Israel ac Judah ke sripen moul koluk lalos ye mutun Leum God. El palye ke kaiyuk ma ac putati nu fwalos elos fin tiac forla liki oiyac koluk lalos inge. Misenge, ke me read lasr u, Mwet Palu Micah el pang nusin God in suk kasru, in kasru mwet lal. Ke ip se meet kutu liki mwe read lasr u, Micah el akkalemye la, wanginlac finsrak lal ke sripen wanginlac mwet wo. Mwet nukewa orek ma koluk. Finne mwet ma srulun wo ac lulalfongiyuck, oasr pac koluk lalos.

Oinge, Micah el pray nusin God ac kafe ke kasru Lal nusin mwet Israel (v.14). El fwak la mwet inge elos mwet sollac Lal (Exodus 19:5) ac elos enenu karinginyuck Lal nuselos. Petsac se ma Micah el srike in elakin ke muta mukaimtacl lun mwet inge pa, mwet inge elos muta ke acn ma yok sracl we, mwet u masrinsracl, finne ma na fal elos in tiac pulakin masrinsracl ke sripen acn raunelosyak mut ke me mongo. Oinge el ngisre Leum God Elan sang elos in sifil pulakin sukosok ac moul mislac ma elos tu pulakin sie pacl ah, ke elos muta in acn Bashan ac Gilead.

Top lun God nuke pusren pray soko lal Micah inge pa kalem in verse 15-17 an. God El fwak mu “15 Oana in len in illac lom liki fwal Egypt, Nga fwa fwakak nu selos ma sakuruk. 16Mutunfwalu fwa liye a fwa mekin ke ku lalos nukewa; elos fwa filiyac paulos fwin oalulos; srelos fwa silongkas. 17Elos fwa lou kutkut oana soko serpent; oana ma mwurakrak lun fwalu elos fwa tuku rarrar liki acn srik selos; elos fwa tuku wi sangeng keyum.” (Bible Mutal – Older Version).

Ma sakuruk ac usrnguck puspus Leum God El oru meet liki illac, ke illac, ac tukun illac lun tulig nutin Israel ke srouh lalos in fwal Egypt. Na panwang El fwak mu, in oana ke Nga tu kasre kowos in som liki keok lowos Egypt, Nga ac oayapac kasre kowos. Mutunfwal nukewa ac fwa akpusisaclyeyuck sin Leum God. Ku lalos ac fwa tiac ku in kihsrucng pakoten lun God nusin mwet Lal. Ac ke sripen Leum God El ac kasru mwet Lal, pwanwang mutunfwal inge nukewa ac akpusiselyeyuck ac elos ac fwa rarrar ke sangeng.

Ke Verse 18-20, Micah el akkalemye ke lupan Pakoten yok lun Mwet Lango se inge suc payena in pacl nukewa nuke Kas Lal. In verse 18 el siyuk la “Suc sie God oana Kom, suc nunak munas nuke ma koluk…” (Bible Mutal – Older Version). Micah el akilen fwak lun God nuke ma usrnguk ma El ac fwa oru, ma ac oana ke El tu oru ke elos tifoklac liki srouh lalos Egypt (7:15), panwang El siyuk, “Suc sie God oana Kom?...”

Verse ak 19 akkalemye ke sifwa lasr u. Finne lupa ka ma koluk ma mwet Israel ac Judah orala, tusruktu pakoten lun Leum God yoklana pwanang El akola in nunak munas nuselos. El God mutal se suc oru nununku nuke ma koluk, tusruk El Insewowo in Fahkak Pakoten Lal.

Micah el aksafye palu lal in akkalemye payena lun God nuke kahs Lal. Kas Lal suc El wulela nusel Jacob ac Abraham. El ac karingulos. El ac God lalos. Kacl Abraham, mwet fwin fwalu ac akinsewowoyeyuck. Wulela lun God nukewa akpayeyuck nusel Jacob ac Abraham. Tukun year puspus, Mary, ninac kiacl Jesus el akkalemye kahs lal Mwet Palu Micah in verse ak 20 inge (Luke 1:54, 55).

Payena la wangin kisrungyen pakoten lun God nusin mwet Lal. Finne Wen sefanna, finne saok Sel, El fwakak pakoten Lal nusesr mwet u ke ma koluk lasr, in kisackin Wen se inge fin sakseng.

Nga lulalfongi la me lutlut se inge oasr yorosr kewa in akilen la pakoten lun God nusesr u yoklacna ke sripen El kena kut nukewa in mau welul pacl se tok. Nga in sifana akwoye moul luk ac finsrakkin pakoten lun God in tiac alikiyuclac.

Kuloh nusin God ke me lutlut wowo ma fwal in lutiyuc ke moul in srike luk u.

Saturday (7/25) Sifac: Nga Fah Nget Nu Sin Leum God

Kunokon 

By  Deaconese Niokong Yukiwo

Saturday July 25 2015
Sifac: Nga Fah Nget Nu Sin Leum God
Mwe Read: Micah 7:7-11

Deaconese Niokong Yukiwo

Nga lungse pah in wi fwahk kulo ma lulap luk nu sin God fwuhlatlahna ke moul luk, a in wi pah kaksakin ah kulo nuh sel ke ma nukwewa, el wi kut ah karunginyuhk lal nuh sesr kais sie.

Micah mwet pahluh el lie kutu ma koluk a sikyak nuh sin mwet Israel ke sruhpen elos tia akos sap luhn Leum God nuh selos. Micah mwet pahluh el fwahk kuhtuh ma mwet Israel oruh arlana koluk. Fwahk ke Micah 3:2-4

Ma koluk luhlahp elos oru inge, elos likekelana in oruh ke luhngse lalos sifwahna, meyen mwet paluh kikiap lalos fwahk, ah fwah wangin mwe oingaiyah, kowos ah muhta na in misla

Micah mwet pahluh el akilen ma ah fwa sikyak nuh sin mwet lal Leum God el ah fwah nget lah liki mwet lal.

Tuhsruktuh mwet pahluh Micah el fwahk oasr na fwinsrak se luhk, nga fwah nget nuh sin Leum God, ah tuhpan Leum God, meyen nga etuh lah Leum God luk el fwa wiyuh, el fwah moliyuhlah.

Ke mwet lokoalok lalos lie ma koluk sikyak nuh selos, elos fwahk, kuh piah sruhk God se lalos u kuht a fwah lie ke ah kuhtang yuhklah elos, a lolongyuhki elos u. A mwet pahluh Micah el fwak fwinne oinge, enenuh kuhtin muhteng kasrkuhsrak luhn Leum God, ke kitin pahn, meyen kuht orekma koluk lainuhl.

Tuhsruktuh ke saflah iyen ma koluk nuh selos, Leum God el eislah mwe oingaiya, ah moleloslah, ke mwet lokolaolok lalos elos lie elos mikinlah.

Micah mwet palu el sun kuh lie fwinsrak se lal a, fwak muh Leum God el ah fwa moleloslah, elos a fwa sifil musaela pot lalos, a mwet lalos fwa folokweni. Na ma Leum God el lungse sesr u pa kut in oru ma sumwos a pahye.

Deaconese Niokong Yukiwo

Thursday (7/23) Sifwa: Kowos Sheep Nutik

Kunokon

By Deaconese Havelyn Tosie

Thursday 7/23/15
Sifwa: Kowos Sheep Nutik
Ezikiel 34: 23-31

Deaconese Havelyn Tosie

Kulo kaksakin God Fulatlana lasr ke ma wolana puspus ma El tia tui in wi kut ka ke lusen moul lasr, kut pulakin mwe insewowo puhs su el nuna wulela nu sin met Lal... Mwe rid se inge tafwema pana koanon len luo meet an...su Ezikiel met Palu, a kut kalem ka mu el sie su yoklana lalalfongi la...su Leum God el fwak oinge, " Nga a fwa nununku sheep nutik u a tia lela in sifwil akkolukyeyuk elos." Leum God el oayapa fwak mu El a fwa sang sie tokosra lalos in oana David...kut kalem ke moul lal David la el met fuka se ke lusen leadership lal..A Leum God el tafwela pa in fwak la El a fwa God lalos. A EL a fwa Met Sheperd wowo lalos, El oayapa fwak kalem in mwe Rid u ke sie wulela in misla yorolos tu in wangin mwe lokoalok nu selos. A El a fwa lusla kosro sulallal nukewa ma muta fin an u, tu sheep natul in muta ku in ima u, a oayape El a fwa akinsewowoyalos a oru elos in muta raunela fin eol mutal Sel. El a fwa oayapa sang af in akinsewowoyalos ke pal elos enenu a sahk in ima we a fwa isus fahko. Ma ingan kewa akkalemye ke wulela kuh su ma Leum God El nuna wulela ka nu selos a El a fwa tia fwasr lukwelos ...Kas ingan ma nu selos inpal soh a tia ekla nu sesr misenge...

Wednesday (7/22) Sifac:Leum God El ac Fah Liyaung Sheep Natul

Kunokon 

By LM Skipper Ittu

Wednesday July 22 2015
Sifac:Leum God El ac Fah Liyaung Sheep Natul
Mwe Read: Ezekiel 34:7-16

LM Skipper Ittu

Paing kowos pac kewa! Sifac se lasr inge fahk muh "Leum God El ac Fah Liyaung Sheep Natul ", oasr in Ezekiel 34: 7-16. Kuhsen palu lal Ezekiel nusin Mwet Kol lun Mwet Judah, suc panang tuh Mwet Judah in sruhuh Babylon, pa inge. Lah Leum God El finne sang nununku nusin Mwet Shepherd lalos (Tokosra Jehiachin ); tusruk, El a fah l iyaung sheep natul (Mwet Judah). Ezekiel el tahfwelah in fahk lah kosro lemnak uh uniya sheep inge ac kangulosla meyen wangin Mwet Shepherd lalos. Oayapa Mwet Shepherd inge tiana srike in konauk sheep kainglac uh. Oinge, Leum God Fulatlana, El arulana toasr sin Mwet Shepherd inge, ac El ac fah eisla sheep natul uh ac sifana liyalosyang. El ac fah kololosla nuke fineol, infal srisrik, ac yen tupasrpasr folfol insroa Israel ac kitalos we. Leum God sifana El ac fah Mwet Shepherd wowo lalos. Ac El ac fah folokunulosme, suc tuhlac, ac pwelah kinet kaclos ac akkeyelosla liki mas lalos; tusruk, El ac fah nununkaclos suc fact ac kuh. Mwe luti se inge kasrekut, Mwet Kol yokna, in kol sheep natusr (Mwet Christian) wo, ac kut in Mwet Shepherd wowo nusin sheep nukewa, yok kut in suk in folokunma elos su tuhla kuhc tafonglac!

Tuesday (7/21) Sifac: Sheep Nutik Uh Fahsrelik

Kunokon 

By LM Driskell Jack

Tuesday, July 21, 2015
Sifac: Sheep Nutik Uh Fahsrelik
Mwe Read: Ezekiel 34:1-6

Greetings to you All!,
Ngan eis pacl uh in kaksakin GOD Fulat lasr meet liki ma nukewa ma kut finsrakin kut in akfahsrye ke len misenge uh. In sifwil ahkuhlen lupan ‘lung-kulang ac pakoten’ lun GOD Papa Tumasr; lac tia ke ma mwo kut kais sie orella, uh mah tuku ke lupan LUNGSE kawil Lal nu sesr nukewa. Lungse kawil lun GOD Papa Tumasr pac pa pwenang kut kuh in macno in wi ahkuhlen ke len lun Mwet lasr Utwe ke wik misenge uh.
Mwet lasr Utwe tu luhkun fahsrelik kuh luhkun suhn pac ouiyac uhpac liki uhpac, tusruktu, GOD Papa Tumasr El arulana pakoten in kacsru Mwet lasr. Pa pac kut ahkuhlen ke sie mwe lutlut na mwowo nu sesr ke len misenge uh. Ke sripen lungse yok lun GOD Papa Tumasr nu sin tulik natul ma tu som Juda ac muta in srouh fihn an Babylon ke lusen yeac itngaoul; elos tuh arulana nukacnulosla pac ke sripen ma uhpac ma sik nu selos ke koluk lun Mwet kol lalos. Tu ke sripen lungkulang ac packoten lun GOD Papa Tumasr, pwenang El tuhlohkonak sie Mwet in ehkin sie wal lun Mwet Tol fulat ac ouyapc Mwel Palu. Pa kut lutlut kac ke mwet se pangpang Ezekiel.
Ezekiel el sie Mwet na yok lulalfongi la sin GOD Papa Tumasr. Pacl se ma el oru palu lal, GOD Papa El akkalemye nu sel la pa inge sie pacl na uhpac ma tulik natul tuhlac ac sracngacsr lohngkas. Ouiyac se meet ma Ezekiel el orekmakin ke palu lal pa orekmakinyen (vision); in srumon ma uh nu sin mwet uh ke sramsram in srohlacla sie petsa in kalem ke ma el sramsram kac. Ak luo, El orekmakin ku ma GOD Papa El ahsang nu sel in muta ke ma suwos, efin nwe uhpac ma sik yehmutal. Ak tolu, in sramsram suwos nu sin mwet uh in lohng ke ma sapkinyuk, efin nwe uhpac insiyalos, kut kehkehkacwaclos. Pa kalem ke mwe read se ke Ezekiel 2:5, su fahk ouinge, "Elos finne lohng kom ku tia, elos ac etu lah oasr sie mwet palu muta inmasrlolos."
Ezekiel el tu sie sin Mwet palu fwin an Jerusalem ke yeac (586 BC), meet-liki isusla lun Leum. Sramsram yok ke palu lal Ezekiel; ma nu selos mwet Jews (ku tulik nutin GOD) ma wi muta in sruoh in an Babylon ac ouyapac selos ma srak oasr fwin an Jerusalem. Sramsram ke Mwet Palu Ezikiel, el oana sramsram ma kut lutlut kac kel Mwet Palu Jeremiah. Elos pa luo sin Mwet Palu ma ehkin pac wal lun Mwet Tol Fulat (High Priest). Fahk in Ezikiel 1:1, la “Ke len aklimekosr in malem akakosr in yac aktolngoul, nga Ezekiel, sie mwet tol, wen natul Buzi, wi mwet Jew ma sruoh su muta sisken Infacl Chebar in ac Babylonia. Kusrao ikakla ac nga liye sie aruruma ke God.” Ezekiel el yeac 30 mahtwac ke el tuhlokyak yurin GOD Papa in sie sin Mwet Palu nu sin Mwet Jews suh muta in sruoh fihn an Babylon, a ouyapac oasr selos srak oasr fihn an Jerusalem. Pa kalem ke pacl lal Ezekiel, mwet palu ke yeac ma el oru palu lal (586 BC ); el kaclwehni nu sin mwet Jews ke lusen yeac onkosr la elos fihn tia oru ma lungse lun GOD Papa, elos ac suhn ohngaiya.
Mwe pakomuta ngan tahfu la elos putatyang nu ke ohngaiya ke sripen ma koluk lalos. Na pa mwe nunak se nu sesr misenge, Tuesday, July 21, 2015, akkalemye la saflaiyac, tulik nutin GOD ke srouh se inge fahsrelik. Kutu selos muta Jerusalem, kutu uhtukla nu Babylon ac kutu selos waclik kais sie an wehan Juda ac Samaria. Pa inge kacnon mwe lutlut nu sesr misenge. Pa akkalemyeyuk ke Ezekiel 34:1-6. (Nunak munas liye kais sie pohlo ahkuhteyac ke kais sie fus ke mwe lutlut se inge.)
Fahk in Ezekiel 34:1-6, Mwet Palu Ezekiel el sramsram nu sin tulik nutin GOD nukewa, kutu muta fwin an Samaria ac kutu fwin an Juda. Mwe fahk lal ke pohlo sramsram se inge uh, ma nu selos ma ehkin Mwet Kol ke muhtunfal luo Samaria ac Judah. Oasr ahkuhlen lal Ezekiel muh tulik nutin GOD elos fahsrelik ke sripen koluk karinginyelos sin Mwet Kol lalos. Ezekiel el akkalemye la orekma lun Mwet Kol lalos inge elos tiana sahokla enenu lun mwet ma elos kol kuh karingin. El akkalemye la orekma lun Mwet kol inge, elos ahkulen enenu lalos sifacna, ah mwet ma elos enenu in kacsru, tiana kohnweyukyak kacsru ma elos suk.
(34:1): In Ezekiel 34, fus se; GOD Papa el sramsram nu sel Mwet Palu Ezekiel. Fus se inge akkalemye la GOD Papa el sramsram nu sel Ezekilel ke sripen yok lulalfongi lal ac ouiye sel orekma lal. Kut etu la Mwet nukewa ma suhn ouiyac se inge, arulana eis insewowo la GOD Papa Tumasr el ahkuhlenos in sang konokon na uhtuftuf nu selos. Fuhkac mwolanaiyac in sik ouiyac se inge nu sesr kais sie.
(34:2):In Ezekiel 34, fus ak luo an akkalemye la elos nwe ehkin Mwet Shepherd, tusruktu, inge GOD Papa el ahkohla in sang kaciyuk nu selos fal nuke ma suhfacl ma elos puhtatyang nukac.
In oana ke fahk lal Ezekiel ke sapta 34, fus 2 an, el fahk ouinge, “Kom, mwet sukawil moul la, fahkak kas in palu lain mwet kol lun Israel. Kaskas nu selos ac fahk kas ma nga, LEUM GOD Fulatlana, fahk nu selos inge: We nu suwos, kowos mwet shepherd lun Israel! Kowos sifacna karinginkowosyang, ac tia karingin sheep uh. Siyuk se ma oasr inge pa, kuh tia ma kuhnen Mwet Sheperd se in lihachang sheep natul? Kut etuh muh pa inge se ma Jesus el akkalemye nu sel Peter in 1 Peter 5:2, “tuh kowos in liyaung un mwet lulalfongi su God El asot nu inpouwos, oana sie shepherd el liyaung un sheep natul. Kowos in tia srangesr, a kowos in insewowo in oru, mweyen pa inge ma God El lungse. Oru orekma lowos, tia tuh in moul nu suwos, a ke lungse na lowos in kulansap.”
(34:3): In Ezekiel 34, fus ak tolu an, akkalemye la Shepherd inge numla milk, ac nukum nuknuk ma orekla ke unen sheep, ac uni sheep ma wo oemeet uh ac kang ikwa kac. A kowos tiana liyaung sheep uh:
Ke fus ak tolu an, akkalemye la Mwet Kol lalos inge eis enenu lalos ac mwe insewowo nuke mwe mongo, num, ku ma elos in nukum; ac elos lihkuhnsac ela enenu lun mwet wiyelos. Oana ke simla ke Ezekiel 34:3, “Kowos numla milk, ac nukum nuknuk ma orekla ke unen sheep, ac uni sheep ma wo oemeet uh ac kang ikwa kac. A kowos tiana liyaung sheep uh.” Mwet Shepherd inge tiana kacringin sheep natulos. Mwe insewowo nukewa ma elos enenu in sang kacsru mwet ma oan in kacringinyuk lalos, elos tiana kacsru. Akkalemye pac la Mwet kol ku Priest ma kuh in kacsru in kasla ke ouiyac suhfacl inge; elos tiana oru ip kuhnwalos. Ma inge arulana loes liki finsrak yok ke Lungse kawil lun GOD Papa nu sesr, meyen El ke na tuh kut in ahkacsruhi ac in oru mwo nu sin Mwet lili ac lulu.
(34:4): In Ezekiel 34, fus ak ahkosr an, “Kowos tiana karingin sheep ma munas, ku akkeyala ma mas uh, ku pwelah can kinet kaclos. Kowos tia folokunma ma som liki un sheep uh, ku suk ma tuhlah uh. Kowos tia oru ma inge, a kowos oralos arulana koluk.”
Fus se ak ahkosr inge akkalemye la Mwet kol lalos nwe ahkuhlen selos ma munas; wangin pacna ma elos oru ku suk in sang kacsrelos. Oana ke akkalemyeyuk in Zechariah 11:16, “Nga filiya mwet shepherd se in taran un sheep nutik, tusruktu el tiana kasru sheep su apkuran in kunausyukla ah, ac tia pacna suk sheep ma tuhlac kac ah, ku unwala sheep ma kinet uh, kut kite ma ku kac uh. A el kang ikwen sheep fact oemeet uh, ac olela falkalos kewa.”
(34:5): In Ezekiel 34: fus ak limekosr an, “ Ke sripen wangin shepherd lun sheep uh, oru elos fahselik nu in acn puspis, ac kosro lemnak uh onelosi ac kangulosla.” Finsrak uh pa in oasr shepherd se (ku Mwet Kol se). Mwet Kol se enenu in lihac ang mwet lal (oana ke shepherd se el lihac ang sheep) natul. Ma lun shepherd se in karingin mwet lal (oana ke shepherd se el lihac ang kosro lemnak uh in tia uniya sheep ac kangalos la.)
(34:6): In Ezekiel 34: fus ak onkosr an, fahk muh “Na sheep nutik uh som nu yen fulat fin inging uh ac nu fineol uh. Elos fahsrelik nu in acn nukewa fin faclu, ac wangin mwet srike in som sokolos, ku konalosyak.” Ke sripen wangin sherpherd ma oru orekma la in suwos ac paye, pwenang sheep uh kacingnwelik nu yen ma kosro lemnak uh som nu weh. Ouiyac inge sik pac nu sesr mwet uh; kut ahkuhlen pac la pacl ma Mwet kol lasr uh tia oru kol lalos in fal nuke ma kut mwet uh oasr kac; orella pac inmacsrlon mwet uh in muhsalehlik. Oana fahk se in 1 Timothy 1:6, su fahk ouinge, “Kutu mwet uh forla liki ma inge ac kufla nu ke kaskas lusrongten.”
KONOKON
Kacpuhn mwe lutlut se inge pah kut Mwet Kol in oru kol lasr nu sin Mwet uh in oana sie shepherd mwowo su lihac ang sheep natul. In sohkohlos ma tuhlac, ac fohlokonolos mwe nuke kacringinyuk mwo ac paye. Elos ma kucnet (wounded) kuh oana mwet suhpacrla, ku sehsrufongyak; ma lacsr mwet kol in suk inkacnek ma ah ku in fohlohkonolos mwe nu yurin GOD Papa Tumasr. In oana ke Jesus el tu siyuk sel Peter la el lungse el, Peter, el tohpohkol ac fahk, In akasmakinye kut la kut fihn tia oru kolyuk lasr in mwo, mwet ma kut kacringin uh ac muhsahlelik ac fahsrelik nuke an elos fah suhlela in som nuke lungse lalos sifacna. Pa kaclmeyen fahk se lun Leum (Jesus) su El akkalemye in gospel lal Matthew muh el pakomuta Mwet uh. Sripac yok lal an pa akkalemyeyuk in Matthew 9:36, "Ke el liye un mwet puspis el arulana pakomutalos, mweyen elos fosrnga ac tia ku in kasrelos sifacna, oana sheep su wangin mwet sropo la."
Kulo ma lulap nu sin GOD Papa Tumasr ke sie mwe lutlut mwowo ke nga ehkin sie mwet kol ac ouyapac ehkin sie Papa. Mwe lutlut uh arulana tehsisr nuke ma oan yeh mutacsr in sifil lohacng nuke kol ac kacringinyuk lasr nu sin tulik natusr, wiyesr, ac nukewa ma oan ye kol (leadership) lasr.
 

LM Driskell J. Jack

Kosrae Seattle Congregational Church

23254 25th Avenue South

Des Moines, WA 98198
(206)946-0947, (206)592-1736

alukosraeseattle@gmail.com

Monday (7/20) Sifac: Nga Lulalfongi Na Lungse Pwaye Lom

Kunokon 

By Robert Kilafwasru

Monday Jul 20 2015
Sifac: Nga Lulalfongi Na Lungse Pwaye Lom
Mwe Read: Psalm 13

Robert Kilafwasru

Pain kowos nukewa ke kulang lun God suc fulactlacna ac wolacna in pacl e nukewa. Sifa se ke Monday, July 20, 2015, fahk muh “Nga Lulalfongi Na Lungse Pwaye Lom.”
Mwe read se inge asr ke Psalm 13. Psalm soko inge kalem mu ma lal King David, kisen prue lal pa inge ke el muta in fosrngah lal. El prue nusin God ac siuk tu Leum God elin sa topuk prue lal. In prue lal David, el siuk sin God lah putaka elac muteng me keok nusel?, putaka elac inse toasr ke len ac fong?, putaka met lokoalok la ac kutanglullah? , ac putaka Leum God elac mulkunullah?. Kisen siuk lal David inge akkalemye lusen pacl el sano top lun Leum God nusel. Finne el sano ke lusen pacl se, el ac tiac fuleak in lulafongi top lun God meyen lungse lun God tiac kuh in wacnginlac. Pa kalem ke sifa lasr uh suc fahk muh “ Nga Lulalfongi Lungse Na Lungse Pwaye Lom.” Lulafongi lal David yurin God arulacna yohk. El ne pulakin fosrnga lal, el tiac tui in prue ac siuk kasru yurin God ac etu tu God elac fah sang molella nusel.
Mwe read se inge kasre kut in etu lah God pa nunuku pacl lasr uh. Ke pacl fosrngah ac pacl upac nusesr kut enenu in tu ku in lulalfongi lasr sin God. Sikaleni in prue ac tiac totolah in sano top lun God. God El wolacna in pacl nukewa a lungse kawil lal fah aon na tok, ac Kut mwet uh in lulalfongi na ke lungse paye se inge pacl nukewa.

RKILAFWASRU

Sunday (7/19) Sifac: Nununku Suwohs, Kulang, ac Pusisacl

Kunokon

By Rev. Takeo Likiaksa

Sunday July 19 2015 

Sifac: Nununku Suwohs, Kulang, ac Pusisacl

Mwe Read: Micah 6:3-8

Rev. Takeo Likiaksa

Oasr na kusen siyuk lun Leum God ke oru lun Mwet Israel, elos su Leum God sulala in mwet lal. Elos som lukel oru ke mwe read uh Leum God el oru kusen siyuk ke sripa ma oru elos in forla.

Elos tuh muta in kos Egypt, ac Leum God el supalla Moses, Aaron ac Miriam in kasrelos. Leum God el oayapa akesmakyaclos ke Balak, tokosra Moab, el tuh ke Balaam elan selngawelos, a Balaam el forla akinsewowoye mwet lal. Ke pacna usrnguk lun God, oru donkey soko in sramsram nu sel Balaam ac oru Balaam elan akilen tafongla lal. (Oekyuk 22:1ff)

Ouiya inge oru mwet uh in akilanacack insekus lalos in akilen kulang ac karunginyuk lun God nu selos. Nunak lalos inge forla ac siyuk lah mea elos ku in oru in akkalmeye srui lalos nu sin God. Su pa pacna inge ma fal kut mwet uh in oru nu sin God. Top nuke kusen siyuk lalos pa kalem ke fus 8 ac text lun mwe lutlut se inge.

In oeang pacna, 1 Samuel 15: 22 fahk, “Pia kac ma God El lungse uh – akosten, ku mwe sang ku mwe kisa? Liye, akos wo liki mwe kisa, ac porongo wo liki sheep fact.” Ma God el enenu sesr uh pa nununku suwos, kulang ac pusisal.

Jesus el fahk kalem ke Mark 12: 30 – “Ac kom fah lungse Leum God lom ke insiom kewa, ac ke nunkom kewa, ac ke ku lom kewa. Pa inge masap se met, ac masap se akluo ‘kom fah lungse mwet tulal lom oana ke kom lungse kom sifacna.’Wangin pac sie masap yok liki ma luo inge.” Mark 12:31.

Ma nu sesr uh pa ke sifac lasr uh – enenu in suwos nununku lasr, kut enenu in kulang ac in akpusisacye nunak ac orekma lasr. Suk God ac alu nu sel in pacl e nukewa. God el tia enenu mwe kasrup lasr meyen ma Lal el ase in kasre kut. Wo kut in Alu nu sel ac akos ma sap lal nukewa.

Saturday (7/18) Sifac:Kom Akinsewowoye Mwet Lokoalok Luk

Kunokon
By Deaconese Niokong Yukiwo

Saturday July 18 2015

Sifac:Kom Akinsewowoye Mwet Lokoalok Luk 

Mwe Read: Oekyuk 23:1-12

Deaconese Niokong Yukiwo

Nga lungse in fwahk puhsren kulo luk nu sin Leum God. Fuhlahtlahna lasr, ke karuhngin yuhk lal nuh sesr nukewa, a ke moul lasr kais sie. Me lutlut se inge fwakak ke fwahlah lun tulig nuhtin Israel liki fwineol sanai, elos fwasr sun an Moab a tulokinya loom nuknuk selos we.

Ke togosra Balak lun an Moab, a mwet kol elos long elos arlana sangen a fosrna, ke srupen elos long lah elos meun ella mwet Amor a eislah ahn selos. Oinge togosra Balak el supahla kuhtuh sin mwet lal in siuhk sel Balaam mwet pahluh elan tuhkuh nu yorol a selingawiyah mwet lokoalok lal, mwet Israel. Ke Balaam el tuku nu yorol togosra, Balaam el sap togosra elan atoahk 7 loang mwekisa use 7 cow mukul, ah 7 sheep mukul, ke elos oruh kisa u, Balaam el fwak nuh sel togosra, nga a sano lah mea Leum God el a fwahk.

Kahs lun Leum God nu sel Balaam elan fwahk nu sel togosra Balak lun Moab. Nga a selngawi fuhkah elos su Leum God el tia selngawi? Kuh fwahk kahs in luhslah, Leum God el fwin tia fwak? Nga ku in tu fwin eot fuhlaht a lielos, elos sie muhtuhn fwal. Akinsewowo ye yuhk yok liki muhtuhn fwahl sahyah. Tulig nutin Israel elos arlana puhs tia kuh oaholahlah. Lelah len sahflah luk in oana len saflah luhn sie mwet lun God.

Togosra Balak el fwak nu sel Balaam, mea se kom oru nu sik inge, nga uskom e in selngawia mwet lokoalok luhk a kom. Akinsewowo ye los muhkena, na Balaam el fwak, ma na Leum God luhk el sap nga in fwak uh pa nga fwahk uh.

Nuh sesr in pahl inge lelah kuht in tia kahskahs soah nuh sin mwet kuhlansap luhn Leum God, kuh mwet sulkahkin kahs luhn Leum God. Kuh luti ke ma simisla ke Bible uh, kuht fwin kahskahs kuh suhfan mwet fwakahk ke kahs lun Leum God, selnga lun Leum God a fwa tuhkuh nuh sesr. Fwinsrak mwe lutlut u in mwe luti nuh sesr ah in tia mwe akloesyelik nuhnak lasr kais sie.

Deaconese Niokong Yukiwo

Friday (7/17) Sifac: Fahk Na Ma Nga ac Sap Kom In Fahk Uh

Kunokon 

By Lipan Welly

Friday July 17 2015

Sifac: Fahk Na Ma Nga ac Sap Kom In Fahk Uh 

Mwe Read: Oekyuk 22:31-38

Lipan Welly

In oana pacl nukewa kulo kaksakin LEUM GOD Fulatlacna lasr ke moul wowo lasr kewa. Arulacna enenu na in srui kaksakin LEUM GOD ke pacl nukewa ke EL supama WEN sefanna natul in moli kutlac. Sie pacl tok in oana ke On 290 ke book in on Kosrae fahk: kut nofon mwet lulalfongi e fwa tu ye mutun Leum ac wi lupufan on. Enenu na in pa inge nunak lasr ac finsrak lasr in pacl nukewa. Pukanten acn in muta in lohm sin Papa tumuk, ac nga ac som in akoo acn suwos. Funu tia ouinge nga lukun tia ku in fahk ma inge nu suwos (John 14:2-3). Paing mwet nukewa ke pacl se inge. 

Me lutlut se inge tahfema na mwe lutlut lasr ke Wednesday ac Thursday. In oana ma simlac ke v31 fahk lah God El oru tuh Balaam elan ku in liyauk lipufan sac ke el tu sruok cutlass natul; ac Balaam el faksufi nu infohk uh. Efin kut read i v22 nuke 30 kut e liye lah Balaam el tiana liye ma donkey natul uh liye. Ku usrnguk lun LEUM GOD oru tuh sie mwet eteyuk ku lulalfongi yuk sin tokosra lun acn Moab, elan kofla liye ma an met lukel. Kut ku in liye ke verse inge lah efin donkey natul Balaam ah tia ona infohk ah (v27) lukun oasr ma sikyak nusel. 

Tokosra Balak el muta sanno mwet se ma el lulalfongi emeet in pacl sac, muh pa ku in sang tulokinyac tulik nutin Israel inge: uh donkey soko pa kifus fasr lun mwet se el sanno inge. Balaam el etu lah oasr me kasrup el ku in eis pac ke som lal nu Moab tukun el kasrel tokosra Balak. Inge na kut ku in liye lah tokosra Balak el suk ku lun mwet in kasru enenu se el liye muh elyah na upac nu sel ac mwet lal oana ke v4 fahk. Kut ku pac in liye lah e oasr molo na wowo Balak elac sang nusel Balaam. Sifil pac ke ku na usrnguk lun LEUM GOD, ma oasr sin mwet luo inge: Tokosra Balak ac Balaam oasr in poun donkey soko. Ke God El orallah mwet uh El sang ku nusin mwet uh in karinging ma nukewa fin facluh. Inge na donkey soko inge pa oasr ku lah uh. Ke usrnguck Lal El oru pac tuh donkey soko inge in sramsram v28.

Lipufan sac siyuk sel, “Efu ku kom uni donkey nutum ouinge pacl tolu lac? Nga tuku in tuh kosrekomla, mweyen kom tia enenu in orala fahsr se lom inge v32. A donkey nutum uh liyeyuyak ac kuhfla liki inkanek uh pacl tolu. El funu tia kuhflah, nga lukun unikomi ac molella v33.” GOD El liye ma nukewa oasr in kut uh. Mwe asor na upac ac mwe mwekin pa e sun kut efin kut orekma in lalmwetmwet nusin God. Enenu na kut in fahsr tukun GOD in pacl nukewa ac suk kasru Sel, lulalfongi in El. Efin kut tia EL ku in orekmakin ma orakrak oana ke lungse Lal. Kut etu tari lungse yohk Lal pa kut nofon in eis moul ma pahpaht. 

Lung kulacng Lal sikyak ke El orekmakin donkey soko inge in kifus fahsr lal Balaam. v35 akkalemye lah God El welul pac ke fahsr lal Balaam fahkak na upac lung kulang se inge. LEUM GOD El wi kut nofon in pacl nukewa. Sie pacl su wangin mwet etu, Elac wi mukenna mwet lulalfongi. Inge na lung kulacng Lal oasr nusin mwet nukewa tusruk tu e tui sie pacl. Sifil pacna mwe akkesmakinye kut nofon in tu na ku ke Kahs Lal ac sifil pray God Elan use mwet lasr nukewa nuke koko Lal. Sifil kulo kaksakin LEUM GOD lasr ke moul lasr kewa. Paing mwet nukewa.

Thursday (7/16) Sifac: Oru Na Ma Nga Fahk Nu Sum Uh

Kunokon

By Victor Melander

Thursday July 16 2015

Sifac: Oru Na Ma Nga Fahk Nu Sum Uh

Mwe Read: Oekyuk 22:15-21

Victor Melander

“15. A Balak el sifwilpa supala met fwisrak, pus liki, a fulat lukelos, 16. A elos tuku nu yurol Balaam, a fwak nu sel, Ouinge Balak mwen natul Zippor el fwak, nik kom lela kutena ma in igolkomi, liki tuku nu yuruk, nga siyuk sum. 17. Tu nga fwa akfulatye kom, a kutenu ma kom fwak nu sik nga fwa oru: ke ma inge, fwasru, selngawi mutunfwal se inge keik, nga siyuk sum, 18. Ac Balaam el topuk a fwak nu sin mwet kulansap lal Balak, Balak el fwin ase nu sik loom sel seselanu ke silver ac gold nga koflanu kufla liki KAS sin JEOVAH GOD luk, in oru ma srik liki ku yok liki. 19. Ke ma inge, komwos ouyepa muta inge ofong, ngac siyuk sumwos, tuh nga fwa ku in etu ma JEOVAH EL fwa fwak pa nu sik. 20. Ac GOD EL tuku nu yurol Balaam ke ac fwak nu sel, mwet inge fwin tuku suli kom tuyuk, welulos som, ac kas sena su NGA fwak nu sum, kom fwa oru. 21. Ac Balaam el tuyak ke lututang, ac fuliyac me muta fwin kosro ass natul, ac wi mwet fwisrak lun Moab som. “ 

Sifan konukon lasr na mesengi: “Oru Mah NGA Fwahk Nu Sum Uh.” Ngan paing kowos pac met liki mah nah kewa, ke kulang ac ke packoten LUN GOD ac Jesus Christ nu suhwos kewa, Ac nga engan in we kowos pah mesengi ke sie mwe luti su nga etu lah nga tia fwal in we srumun ke sripen KAS mutal ac Suwos LUN GOD. Nga fwinsrak tu ngun lal Balaam in tia apkuran na yuruk sie pahl.

(Oh nga aksruksruk)

Moab lahl Lot ac Israel lahl Abraham; ke fwasru lun Israel liki acn Egypt ke kolyuk LUN GOD. Tukun yea 40 ke acn mwesis tukun misa lal Moses, sahslac liki Jordan. Israel mweoni ac kutanglac Togosra lou: Sihon, Togosra lun Amorites ac Og, Togosra lun Bashan. Ke mweun inmasrlon Amarite ac Israel. Israel kutanglah, el eslac acn Amorit lukwel Sihon, mutwoak Heshbon utyak saflac Arnon, Arnon ipin acn Moab, Togosra Sihon esla el lukwel Togosra Balak lun Moab ke pusren katlas, mweun.

In tafwema kunukon ke Wednesday ac Togosra Balak el funu etu KAS LUN GOD na sel Moses, el lukun tia sangeng sin Israel, Deuteronomy 2: 9, 17 “Ac Jeovah EL fwak nu sik, tia akkolukye Moab, ku akukuin yurolos ke mweun; tu NGA fwa tia sot nu sum ipen acn sel tu in ma lom; mweyen Nga sung Ar nu sin tulig natul Lot tu in mwe usru lalos, 17. Jeovah EL kaskas nu sik, ac fwak, 18. Mesengi kom fwa fwasr alukela acn Ar, sisken Moab.”

Balaam el fwak na sellos; nga tia kuh in fwasr sayen mah GOD YHWH ku YAHweh (Jeovah) EL sapkuhn nuh sel. Mwet roso fuluk fwak nu sel Balak la Balaam el srunga welul tal tuku, Mweyen Elohim (GOD) EL fwak muh élan tia som. Balak ack lou élan sap nu sel Balaam. Sap sogo met ac GOD EL fwak nu sel nimet som. Pacl aklou, el long tari sin GOD mu élan tia som. Tu ke sripen yok molo ac ke sripen rapku lal. GOD EL etu nunkel la el mwet rapku se, EL sap élan welultal som tu élan fwak ma GOD EL fwak muekena, 

Kut readi ke fwalac lal; pacl nukewa elac ikaslac oalul in selngawi mwet Israel el forlac akinsewowoyellos, oayapac ass natul forlac kaskas nusel ac lupfan lun GOD akkaran in toglac inkacwel ke katlas natul. Meac kut ku in liye ke kunokun se nge. Mwe luti na sesr in kalem lac kuttu mwet u fwak ke KAS lun GOD in moliyuk na sellos kutu fwak ke ellso lulalfongi lac pang se na sello pa in fwakak ke KAS LUN ‘GOD wangin molo.

Kulo malulap ke pacl na loes se lasr u. Tu etu la GOD ac Jesus Christ lunges kom.

Wednesday (7/15) Sifac: Kahs Ma Leum God El Fahk

Kunokon 

By LM Skipper Ittu

Wednesday July 15 2015

Sifac: Kahs Ma Leum God El Fahk 

Mwe Read: Oekyuk 22:1-14

LM Skipper Ittu

Leum God Elan wi kowos kewa. Kusahl Balaam, sie Mwet Pahluh Midian, nuh sel Tokosra Balak lun acn Moab pa inge. Balak el kena Balaam elan selngawiyac Mwet Israel ke sripen sensen lal selos  panang el suhpwaclah mwet lal wi money nuh sel Balaam. Oinge, ke mwet lal Balak inge motullac yorol Balaam, God el sikyang nuh sel Balaam fahk elan tia selngawi Mwet Israel inge. Ke lotutang tok ah, Balaam el fahk nuh sin mwet lal Balak inge lah Leum God El tia lungse elan welulos, ac Balaam elan tia selngawi Mwet Israel inge. Mwe luti se inge kasrekut in tupan kahs ma Leum God Elac fahk ke kutena ma kut akwot nuh kac. Tuh El kena kut in nget nuh sel meet liki kut akfasrye kutena akoo lasr!

Tuesday (7/14) Sifac : Su Sang Ku In Sramsram Nu Sin Mwet u

Kunokon

By LM Tolenoa Kilafwakun

Tuesday July 14 2015

Sifac : Su Sang Ku In Sramsram Nu Sin Mwet u ??

Book: Exodus 4:10-17

LM Tolenoa Kilafwakun

Kulo kaksakin God Papa ke moul wowo kut pulakin ke week se som, ac ke kulacng lulap Lal El ahkoela sie week sasu su kut sroacng nu kac misenge.

Lela in kaksakinyuk E mutacl Lal ke mwe insewowo puspus, kulang lulahp Lal, ac oaru Lal in shunkuti ye luhulin lungse kawil Lal, ac lisringkutyak liki

Mwe lokoalok, mwe elyah puspus sik misenge...."Lela in Kaksakinyuk E mutacl lom oh God Papa Tumasr Inkusrao Su Leum ac Fulat Lom wacngin kisrungya

Lela Em mutacl lom in akfulatyeyuk ac akmutalyeyuk in Pacle mukewa

Sifac se lasr ke Tuesday July len 14;..."Su sang ku in sramsram nu sin mwet u?" Mwe Read se lasr inge sikyak ke pac se Leum God El sikyang nu sel Moses sisken Eol Sinai ke pacl se Moses el karungin kosro natul Jethro papa tuman mutan kiacl.Leum God El pahnglol Moses lan som molelah Tulik nutin Israel, su pangpang Mwet lun God liki inpoun Mwet Egypt su ahkkosyelos. Ke sripen God Papa 

El liye lupan keok lalos in Fwacl Egypt,El long pusren tung,mwemwelil ac keok lalos su elos pahng nu sin Leum God tu Lan molelosla liki inpoun Mwet Egypt..Exodus 3: 2-9 Leum God El sikyang nu sel Moses ac sramsrwm nu sel, ac fus 10 an Leum God El fahk nu sel Moses lah el ac som nu yorun Tokosra Egypt ac uslah mwet Isral liki Fwacl Egypt..lah mac top lal Moses nu sin Leum God, el fahk oinge..."" Oh Leum God nunak munas nu sik, nga supah in kahs, nga pahtlac in nunkeack ma ngan fahk ac wi nga kahskahs lohlo" Fahkack lal Moses pacnacng Leum God Lan siyuk sel Moses oinge,.."Su oraclah oaclin mwet u?Su oru mwet u in koflah in kahskahs ku in solong kahs? Su oraclah mwet u in liyacten ku kuhn? Ku su sang ku in sramsram nu sin mwet u? Nga, Leum God!. Fahsrot! Nga ac kacsrekom in sramsram ac nga fah fahk ma kon fahk! Moses el sifil kacfwe sin Leum God Lan supwacla siepacna mwet ah, su pacnacng kasrkusrak lun Leum God sel Moses ac fahk nu sel lah Aaron tamulel Levi se wiacl ah, el mwet pah in khas se el ac tuku isun nu sel Moses, su el ac tufah tafu pusracl, Na Leum God El ac tufah kasreltacl in kahskahs ac fahk ma eltacl in oru...

In mwe read u kut akilen lah asr na ahlolo lal Moses,,..1,....el supah in kahs,..2,...su el u ku in som osun yorun Tokosra Egypt ac usllah Tulik nutin Israel liki Facl Egypt,..3,....ac el fin som tu mwet Israel ingan tenna lulalfongel.mu Leum God lun mwet mahtu lalos supacl lan som usahloslah liki acn Egypt.

Mwe nunak ke mwe Read se inge kasrekut in nunku ke oiyac su asr yorosr in len inge, oasr pacna ahlolo lasr ke pacng lun God nu sesr nu ke kulansap nu ke orekma lun God...arlah yok ahlolo ke pacl se pacngonyuk kut nu ke sie moul sasu in ngun........asr pac ahlolo ke pacl se srisrsrisr u tuku nu sesr in wi kulacnsupu Church Lal.kutu sin pusra inge fahk oinge..Nga koflah!! Nga tekku, nga srackna sufal in kulacnsap lun church nga tia ku in sramsram tia ku in ahkuteyac ma sumuslac in Bible mutacl..Nga soenna ku in wi fahkak men nga srack munas ke moul in ikwac luk.. Oasr pac kutu sripac sacyac.

Mwe Read u liksreni na ahkuteyac lah wangin na paye Ku luk sifacna in oraclac sulaclah luk nu ke Ku luk, Kalem luk, ku pacl luk. Men Leum God Pa nununku moul Su lelah nu sesr in pacng nu sel ke ngun Lal in utyak orekma ac sramsram in kut. Leum God El ahse Ngun Mutacl Lal in oan in nga in ahkwoyeyu ac orekma in nga ke talent su El ahse nu sik in fahkack Wolana lun God Papa ac Wen Natul.El ahse Ngun Lal nu in nga ngan mu ku in oru manukewa ke Ku su Christ Leum luk El Ahse nu sik..Philippi 4:13,. Lelah nu sik in kisackinyuyang nu sin God oacna sie mwe kisac moul in wi musai Tokosrai Lal fin Faclu se inge.

Kulo nu sin God Fuhlat ke mwe lutlut wo su El ahse in sifwil ahksuwosye moul lasr ac ahkeye moul in lulalfongi lasr in wi kulansap nu Sel? ?

Monday (7/13) Sifac: Mea Leum God El Enenu?

Kunokon 

By Deaconese Tulpe Dizon

Monday July 13 2015 

Sifac: Mea Leum God El Enenu?

Mwe Read: Deuter. 10:12-22

Deaconese Tulpe Dizon

Lela ngacn wikowos nukewa in wi kaksakin God ke moul lasr nukewa a ke me Lutlut Wo El sifl use na sesr nukewa.

Mwe read se inge sikyak tukun pacl se Moses el tuh fukulya eot tupasrpasr ma masap lun God simla fac. Ke pacl se inge Leum God el sapkin nusel Moses elan sifil taflela luo yot tupasrpasr a orala sie tuptup sak in sang nanack. Ke el orala ma inge, el use nu yurin mwet Israel, na el fwak ma Leum God el enenu selos su pa inge sifa lasr uh. Na pa inge topukyacn kisen siyuck soko inge. Mea Leum God El enenu? Kowos in akflatye Leum God ac oru ma nukewa el sap. Lungse el ac kulansupal ke insiwos nofon ac akos masap lal nukewa. Kowos in kalem kac lah kusrao ac faluh a ma nukewa loac ma lun Leum God. Mutawacack inge lac falah kowos in akos Leum God a tia sifil moul in likeke. Leum God el tia wiwikas, el tia eis me eyeinse ac el karingin tulik mukaimtal, katinmas ac oayapa met sac. Pa inge ma Leum el enenu sin met Israel a tiana ekla nu sesr in oru oapana.

Sanri (7/12) Sifac: Kukakinyukla Lun Lulalfongi

Kunokon

By LM Quartus Esau

Sunday July 12 2015
Sifac: Kukakinyukla Lun Lulalfongi
Mwe Read: Micah 3:5-12

LM Quartus Esau

Micah Mwet Palu el sramsram suwoswos nusin mwet kol lun mwet Israel ac mwet palu kikiap ma oruh palu lalos in eis molo sin mwet u. Nusin mwet kol inge, el fwak mu payeiyu elos enenu in suk ac lungse ma suwos. Elos enenu in karingin ac patok nununku suwos nusin mwet u. Tiac oinge, a elos oru nununku lalos wiwi lupan mol nu selos, elos lungas Masap in eis moul kac, elos lain ma paye, ma suwos, ac engankin ac lungse ma koluk ac ma kuu. Kalem ke oru lalos nusin mwet munas, mwet sukasrup ac mwet mukaimtacl. Fin oasr mwel lalos ke ma lun mwet sukasrup ku mwet munas inge, elos ac sukna in eslah lalos. Oruh lalos inge tiacna akilen suwos luhn mwet u, a elos oruh kena sripen ku lalos sifana.

Nusin mwet palu kikiap inge, Mwet Palu Micah el sufan oruh lalos ke palu lalos. Elos kiapu mwet u, mwet u in mu engan ke ma elos palye ac moli nuselos. Pa kalem ke palu lalos nusin mwet ma moli nuselos. Elos fahk mu, “Wangin mwe sensen fwa sonolos, Leum God El welulos”. Ac elos suc ma tiac moli palu lalos, elos fwak mu ac oasr mweun nu selos. Micah el akkalemye la ma mwet palu inge fwak u, tiac paye. Meyen acn Israel fokfoklah tari ke sripen koluk lun mwet u, ac mulat lun God akola tari in putati nu fwelos.

Oruh lun mwet palu kutasrik inge pa sifwa lasr u akkalemye u. Ke sripen elos orekmakin ku in palu lalos in eis molo sin mwet u, pwanang Leum God El fwak in verse 6 mu “…ac fwa tiac sifil oasr ku lowos in liye aruruma, ac kowos ac fwa tiac sifil ku in palye kutena ma.” Leum God El ac fwa akwanginyelah ku in palu lun mwet oinge ac pwanang palu lalos ke pacl fasru u ac tiac pwaye. A funu Micah, ke sripen suwos ac paye lal ke orekma in palu lal, panang Leum God El akyokye ku lal, ac asang kalem lal in oru nununku suwos, ac pulaik in srumun ma koluk lun mwet Israel.

Kut finne tiac oruh pahlu, kutu pacl u kut kena srumun ma mwet u lungse long. Finne ac tiac paye tu kena sripen kut suk oi selos, kena sripen kut suk in furok nunak lalos in wi kut lac, kena sripen kut srunga kuf ke sramsram in akukuin lasr, ku kena sripen Satan el pirik nunak lasr, kut kikiap ac kukakunlah lulalfongi lasr ke kikiap lasr.

Kuloh nusin God ke me lutlut wo in akesmakinyeyuc ke oiyen sramsram luk. Nga tu ke ma paye ac fwak ma paye!

Saturday (7/11) Sifac: We Nu Selos Su Amei Lain God

Kunokon

By Deaconese Niokong Y. Tara 

Saturday July 11 2015
Sifac: We Nu Selos Su Amei Lain God
Mwe Read: Isaiah 45:5-13

Deaconese Niokong Tara

Ma se mwet in fwahk kaksak a kulo nuh sin Leum God fwuhlaht lahna ke kuhlahng lal a karungin yuhk lal nuh sesr kais sie, ah yohk nuh ke moul lasr nuhkewa.

Nuh ke mwe lutlut se inge, fwakahk ke kuhtuh kahs lun Leum God nuh sel mwet pahluh Isaiah ke mwet lal. Meyen mwet lal inge elos srahkna oasr in sruoh, ke sripen seahkos lalos, ke pahl lal togosra Nebuchadnezzar, elos pang nuh sin Leum God elan kahsrelos. Oinge Leum God el srisrngilya Cyrus tuh elan togosra in kuhtanglah muhtuhn fwahl pispis. Leum God el fwahk, nga fwa sot ma mwo suh oan in lukmah, nga fwah pahngon kom ke inem, a srisrngi komi in kasrel Israel mwet kuhlahnsap luhk, muhtuhn fwal se suh nga sulahlah.

Nga fwah sot nuh sum sahnak, kuh ma kom enenuk an, kom fwinne tiah etwe yuh, nga oruh ma inge in kahlem sin met nuhkewa fin fwaluh lah nga pa Leum God wangin sie God sahyuhk. Nga orahlah kahlem a losr, nga use kwewana, mwe insewowo a mwe ongaiyah, nga fwah oru tuh suwoswos inpuhtati oana aftuh fwahluh fwah eis. Nga Leum God pafwahk ma inge Rome 9:20-21 na Leum God el fwahk, suh kom an kuh kom in kaskas lain God?

Kuh sie ahluh orekla ke fwohk kle kuh in siuhk sin mwet se ma oralla ah, efuh kom oreyuhlah ange? Kuht etuh lah aluh sah tia kuh in kahskahs. In oiyah se pahna inge, upah sie mwet in kuhsensiuh ke ma Leum God el orahlah. Leum God, God muhtahl luhn Israel, el luhmah la ma a fwa tuhkuh, kuh ma asikyak inge, wangin suwos lom in kuhsen siuk kuh in fwak ma ngun oruh.

Nga pa orahla fwahluh, a orahla mwet uh in muhta fwah, ke kuh luhk, nga ahsrelik kusrao, nga pa nuhnunkuh fwaht, malem a itu. Nga sifwana puhrakuhlak Cyrus elan mukuilah in ahk fwahsrye puhapa luhk, ah in ahksuwosye ma tahfonglah. Tia ke kuh lal, a kuh luhk sifwahna, nga sang nuh sel. Elan sifwil muhsahella Jirusalem City luhk, a ahksukosohk yelah mwet luhk suh muhta in sruoh.
Leum God sifwana fwak ma inge, ah ma nuh sesr, kuh kuht akos kahs luhn Leum God, nuh sesruh, kuh kuht amei nuh sel ah kunahoslah ma God el akiah nuh sesr? Mattu 19:6.

Painge sie ma kuht kuhnahoslah uh ke ma Leum God el oakiah. Lelah kuht in sang nuh sin God elan nuhnak munas nuh sesr

Deaconese Niokong Yukiwo Tara

Friday (7/10) Sifac: Eteyuk Ke Fokin Orekma Lalos

Kunokon

By Lipan Welly

Friday July 10 2015
Sifac: Eteyuk Ke Fokin Orekma Lalos
Mwe Read: Matthew 7:15-20

Lipan Welly

Sifil pac wi mwet nukewa in oru pac kaksak lasr nusin LEUM GOD Fulatlacna ke moul wowo lasr kewa. Nunak munas pray kesr nofon ke pacl nukewa tuh LEUM GOD lasr elan wi kut in pacl nukewa ke Kas in Kol Lal nusesr. El tia oana mwet luti Ma Sap uh; a El luti ke ku yohk ma oasr in El sifacna (Matt 7:29).

Meet liki orekla faclu, Kas El nuna oasr yurin God, ac El oapana God. Kas se inge El oasr yurin God meet liki mutaweyen faclu (John 1:1-2). Ma nukewa ma simlac in Bible natusr uh pah God. Efin kut nofon tia liye oana ke fahk se inge na e wangin Fokin Orekma Lasr uh. Bible natusr uh pah God su kut nofon etu tari lah El mukena pa e use moul ma pahtpaht uh. Efin kut tia sang nunak lasr ac insiasr nuke moul ma pahtpaht se inge in pacl nukewa na e wangin Fokin Orekma Lasr uh. Kut nofon efin tia ikacslah Ngun Mutal Elan pa oru orekma ku kulansap lasr uh na e wangin Fokin Orekma Lasr uh. LEUM GOD El enenu in tuku meet liki ma nukewa in pacl nukewa.

Mwe lutlut se inge luti nusesr lah Kas lun God efin wangin kuh sriklac etu lasr kac kut e putatyang nuke kikiap lun mwet palu in pacl nukewa. Liyekowosyang (v15) liki mwet palu kikiap. Elos ac tuku nu yuruwos oana luman sheep, a nunak lalos oana luman wolf lemnak. Elos e arulacna fakpap ke liye lasr uh tusruktu nunak kuh insielos oana kosro lemnak ma forofor in kuhnaoslah ma oan ke inkenek lalos. Sulahlel ac kikiap lalos elos srike in okanlah tusruktu fahko lalos sifacna fahkelos yahk na. Soko sak wo fah oswe fahko wo, ac soko sak koluk el ac oswe fahko koluk (v17). Soko sak wo koflana oswe fahko koluk, ac soko sak koluk tia ku in oswe fahko wo (v18). Wangin sie sesr ku in oswe fahko wo efin kut tia moul kin Kas lun God len nukewa ke moul lasr.

Ac Jesus El fahk nu sel, “Kom fah lungse LEUM GOD lom ke insiom kewa, ke ngunum kewa, ac ke nunkom kewa. Pa inge ma sap se ma yohk oemeet ac yohk sripa oemeet. Ma sap se akluo yohk sripa oapana ma se meet an: Kom fah lungse mwet tulan lom oana kom lungse kom sifacna (Matt 22:37-39). Arulacna kalem lah efa wangin sie pacl e oasr fahko ke orekma lasr uh efin kut tia moul kin ma sap se inge. Ma na kewa kut oru uh enenu in ma nu sin LEUM GOD. Kut nofon mwet lulalfongi uh kut oana Kas lun God kuh Bible se nusin mwet nukewa in loom sesr, sou lasr ku nuselos su tia muta ke moul in lulalfongi. Kut moul kin ma Kas lun God luti nusesr. Kut tia fahk mukena uh kut oru.

Lungse el mongfisrasr ac kulang; lungse el tia sok, lungse el tia sifacna konkin, el tia inse fulat; lungse el tia oru ma sufal, el tia nunku kacl sifacna, el tia sa in mulat, el tia oakla ma koluk orek nu sel. Lungse el tia engan ke ma koluk, a el engan ke ma pwaye. Lungse el tiana fuhleak; el lulalfongi ac finsrak ac muteng in pacl nukewa (1 Corinth 13:4-8). A fahko lun Ngun pa lungse engan, misla, mongfisrasr, kulang, orekma wo, oaru, pusisel, sifacna leum fac (Gal 5: 22).

Lungse pa yohk sripac emeet (Col 3:14). Efin kut tia moulkin lungse su pah oru LEUM GOD El supacma Wen sefanna natul in misac kesr nofon efa wangin fahko ke orekma lasr. Jesus El fahk nusin mwet tamul lutlut lahl lah mwet uh e Etacl ke sripen elos lungse sie sin sie. Lungse lasr uh e yohkelik in pacl nukewa efin kut tuku nu yurin LEUM God in pacl nukewa ac readi ac moul kin Kas Lahl. El mukena pah e use moul in lungse ac fahko lun Ngun Mutal nusesr. Mwe lutlut na wowo in sifil akesmakinye kut nofon lah kut nofon fototo lac ac LEUM GOD mukena pah ku in aksuwosye kut nofon: mwet nukewa orekma koluk, ac elos nukewa tia sun lupan wolana se ma God El akoo nu selos (Rom 3: 23). Sifil kaksakin LEUM GOD ke pacl na wowo lasr kewa ac paing mwet nukewa.

Thursday (7/9) Sifac: Fufasryusr in Suwohs, Orekma Suwohswos, Kaskas Pwaye

Kunokon

By Victor Melander

Thursday July 9 2015
Sifac: Fufasryusr in Suwohs, Orekma Suwohswos, Kaskas Pwaye
Mwe Read: Psalm 15

Victor Melander

“1. LEUM GOD, ku su fal inutyak in lohm SUM in alu nu SUM? Su ac ku in alu nu SUM fin acn Zion, eol mutal SUM? 2. EL su akos GOD in ma nukewa ac oru ma suwohs pacl e nukewa. El kaskas suwohs ac pwaye. 3. Ac el tia fahk kas in akkolukye mwet ngia. El tia oru ma sufal nusin mwet kwuk lal ku lesriki mwet tulan lal. 4. El kwase mwet su GOD EL srunga, ac el akfulatye mwet su akos LEUM GOD. El akfalye wulela lal pacl nukewa, finne arulana upa. 5. El sang mani lal in kasru mwet, ac tia eis laesla kac, ac el tia lela mwet in moli nu sel tuh élan fahk kas kikiap lain mwet wangin mwata. El su oru ouinge, el ac fah arulana oakwuk ac tia mukuikui.”

Ke kulang ac packoten LUN GOD nga kaksakonul ke EL fuliyac moul lasr ne mesengi kut kuh in swifwilpac oasun ke kunokun mesengi u, Psalm sogo inge ikacklac ke siyuk lukwac: Su fal in ilyak ac illac in lohm SUM su ku in alu nu SUM fin acn mutal SUM?

Suwos luk sifana tia ku usyu na in acn mutal LUN GOD. Mweyen suwos luk sifana oana sie ipinuknuk fokfok se. Jesus El pah inkanek suwos ac moul paye, Wangin mwet ku in ilyak nusin GOD fin tia Kacl Jesus.


Mesenge kut fwin mwutko mu kut in srike mah fwack ke fus 2 -5 sap kut kuh pana in tia orallac mweye wangin mwet suwos ku wo. Pwasis kut orulana enenu Jesus. El mukena ku in aknasnas yekutlac ac oru kut in apkuran nu sin GOD pal nakewa.

Kulo na ma lulap ke pal lasr u. Etu la GOD ac Jesus Christ lunge kom. Porongo Kas LAL ac akos.

Wednesday (7/8) Sifac: Orekma In Akfulatye Leum God

Kunokon

By LM Skipper Ittu

Wednesday July 8 2015
Sifac: Orekma In Akfulatye Leum God
Mwe Read: 2 Chronicle 19:4-10

LM Skipper Ittu

Sifwil paing kowos nukewa; Sifac lasr ke Wednesday se inge pa "Orekma In Akfulatye Leum God," suc Luo (II) Chronicle 19: 4-10 fahkwack kac. Pusracl Jehoshaphat (Tokosra Akakosr lun Mwet Judah) pa inge. El kafwe Mwet Judah in folokuh nu sin Leum God lun Pahpah tumalos. Oinge, el srisrngiyac Mwet Nununku ke kais sie siti Judah ac sapkin tuh elos in nununku ke suwohs ac ke kuh lun God. Elos in tia kutasrik, wiwikacs, kuh eis molin nununku lalos ke eyeinse. Oinge, Tokosra Jehoshaphat el srisrngiyac Mwet Livaie, Mwet Tol, ac Sifen Sou, in Mwet Nununku ke pal oasr lainyen Masap lun Leum God ac amei inmasrlon mwet. Tuh orekma (nununku) lalos nukewa in akfulatye Leum God muken a. Mwe luti se inge kasre kut in orekmakin nununku suwos in pal e nukewa. Tuh kutena nununku kut oraclah in ma ke lungse lasr in aksuwosyeloslac suc tafonglac, a kut in tia oru ke nunak in srunga lasr. Ke kut oru oinge, kut akfulatye Leum God!

Tuesday (7/7) Sifac: Palu Kikiap Ke Misla

Kunokon

By Tolennoa Kilafwakun

Tuesday July 7 2015
Sifac: Palu Kikiap Ke Misla
Mwe Read: Ezekiel 13:15-20

LM Tolennoa Kilafwakun

Ngan eis pacl se nge in ohrala pusren kulo ac kaksak lasr nu sin God Papa Tumasr ke moul wowo kut pulakin ac ke pacl wo su El sekin nu sesr in tukeni alutluti ke kahs mutacl
Lal, kahs in acsmak, ac kahs in moul.

In sifil pac fahk sifac lasr u, Palu Kikiap ke Misla, Mwet Palu Ezekiel el sie sin mwet Sruoh sin Babylon meet liki musalla lun acn Jerusalem ke year 586 B.C., Sramsram lal ku palu
Lal inge ma nu sin mwet Jew su muta in sruoh (Babylonia) ac nuselos su srack muta Jerusalem. Ezekiel el sie mwet na yok lulalfongi la ac el oayapa sa in nunkeak mau wo.El
Oayapa sie mwet Tol, su arulana yok nunak la ke Tempul mutacl lun God Papa ac mwet u, su el kena tu mwet u in moulkin moul nasnas ac mutacl ye mutun God Papa.

Micah 3:5.......mwet luk u kiacpweyuklac sin mwet palu se wuleacng nu sin mwet ma moli nu selos u mu "ac oasr misla"; a elos ahksangengye mwet ma tia moli nu selos u mu ac oasr meun..
Ezekiel chapter 13 Leum God El kaskas nu sel mwet palu Ezekiel lan som fackang nu sin mwet palu lun Israel su sifacna kineuk kahs in palu lalos elan ku in tahfela pusren God Papa ac fahk oi ge nu selos....We, nu sin mwet palu lalfon ingacn! Elos sifacna oralla nunak in ahkkeyelos ac kineuk aruruma lalos su tia ma sin Leom God. Aruruma lalos u tia paye. Kahs in palu lalos u kikiap. Elos fahk mu elos fahkak kahs luk su tia paye nga tia supalos. Elos nunku mu kahs in palu lalos u ac ahkpayeyuk. Meyen kahs lalos u tia paye.

Ac aruruma lalos u kikiap nga ac laenulos, Nga ahkola ngan kalyahelos. Mwet palu elos kiacpu mwet luk ke elos fahk mu""ma nukewa ac wona, su tia paye tiana wo"".in panacng.  Mwet u in etoack pot na munas ke sripen palu kikiap lun mwet palu lun Israel. Oinge Leum God El ke mwet palu Ezekiel lan ahkkalemye nu sin mwet palu lun Israel lah El ac tufwa rakunlah pot u in uniac mwet nukewa ma orekma ke pot u wi mwet palu ma tu fahk mu manukewa in Jerusalem wona su kalem mu tiana paye wo.
 
Leum God El oayapa sapkin Ezekiel lan lain pac Mutan Palu su Twacni Mwe Lolpo ac Shushu Nuknuk Inutnut lun mwet u su pacnacng in oru in oasr Ku lalos fin moul lun mwet ngiac. Elos ke in oasr Ku lalos nufin moul lun mwet lun God in pacl soo. Ac elos in orekmakin Ku se inge in akinsewowoyelos sifana..elos pilesru Leum God ke orekma koluk lalos.  Yemutun mwet u in moul nu selos ke me insewowo na srik lupah su kalem ke,....kutusrik barley ac ipin bread na ekasr. Ke verse 19 elos uniya mwet su tia fahl in misa, ac sruokya moul lun mwet su tia fahl in moul. Elos oru oinge panang kiacpwela pac mwet u in lulalfongelos...chapter 13:19b., vese 20 Leum God Fulatlana El fahk oinge..."Nga srunga me lhlpo kowos oralla in nununku moul ac misac lun sie mwet. Nga ac saclah liki pouwos ac ahksukosokyela mwet su tu muta ye Ku lowos.
 
Mwe lutlut u ase sie petsac na wowo ac kalem nusesr in liye ke moul lun mwet lun God in pacl soo.God Papa El asang sie Kunokon nz utuftuf nu sin mwet su El sulala in tafu pusren Leum God nu sin mwet u in pacl soo. Ke sripen mwet in pacl soo akilen ac respecti mwet sulosolah (mwet palu lun God) inge, oinge el su koluklana (unholy spirit) eliksreni na suk kupasr pac lal in orekmakin pac mwet palu su pa kalem ke Ezekiel chapter 13 verse 6 ac 7 sulpac verse 18 an,ahkkalemye lah kutu sin mwet palu u tia ma srisrisr Sin God Papa a elos orekmakin pac ku lalos in esla moul lun mwet suwoswos lun Leum God in me ahkinsewowoyelos sifanna.
 
Misenge kut enenu in loacng ahkwoye nu ke moul in kulansap lasr ke sripen kut mwet kupasryang tari nu ke moul in mwet lulalfongi lun God Papa.el su koluklana el ingena liksreni na suk inkanek lal, lan kiacpekutlac utyak muta in kut orekma kin kut oana sie mwet palu kikiap. luo Thes. Luo verse 4 fahk oinge,..el su koluklana ac fah lain ma nukewa
 
Ma mwet u pangon ma mutacl ac alu nu kac, ac el ac fah sifacna ahkfulactyacl, ac fahk mu el ku liki kutena ngun ac god saya.el ac oayapa utyak ac muta in Tempul lun God a fahk mu el pa God. Lela kut in arulana karunginkutyang ahkwoyac wi Pray ac Pang nu sin God Papa ke Ngun Lal in Kol kut ke sulala lasr, ke fufasryusr lasr, ac ke inkanek lasr len nukewa. Kut in ku pac in suk Ngun lun God in nekkutlac oana ke text lasr u ahkkalemye u... Micah 3:8 Ac funnu nga Leum God El nekyulla ke Ngun ac Ku Lal . Ac ase nu sik in kalem ke nununku suwos. Ac pulaik in fahk nu sin mwet Israel lah mac am koluk lalos..
 
Kulo ke God Papa El ase nunak lasr ke me lutlut u in ahk nunakye kut lah fuka moul in lulalfongi luk u, ac fuka orekmakinya sik..Lah nga moul in ngun ku nga moul in ikwa, ke nga sie mwet kusakinyuyang nu ke moul in akupasri luk nu sin Christ. Ngan ku in eis Ngun lun God in nekyula ke Ku lun Christ Leum lasr in lisringyuyak liki oiyac nukewa ma ac tuku fungul yu ke moul in lulalfongi luk ac ngan ku in moulkin suwoswos in karungin inkanek luk, ke moul in kulansap luk, ku sulala luk nu sin Leum God ke paye ac nasnas.
 
Kulo kaksakin God Fulat lasr ke melutlut wowo su El ase in aksamakyekut ac karungin kulansap lasr kais sie nu sel...kulo malulap insewowo lun El su Fulatlana in wi kut karungin
Kut ahkpulaikye kut ac akkeyekut ke usyen kulansap lasr nu Sel...

Kulo ma lulahp
Tolenoa Kilafwakun
4801Wrightsboro RD
Grovetown GA 30813
tkilafwakun@gmail.com