Monday (11/30) Sifac: Arulacna Wo

Kunokon

By Deaconese Tulpe Dizon

Monday November 30 2015
Sifac: Arulacna Wo
Mwe Read: Genesis 1:28-31;2:1-3

Deaconese Tulpe Dizon

Kulo ac Kaksakin Leum God Fulatlana lasr suc lungse Lal wi kut ne ke pal se inge suc pa kut pulakin ke moul wolana lasr fin fwalu se inge.Ac pain kowos mwet e nukewa. Sifa lasr na ke Monday (Nov.30,2015) suc tuku na sesr in luti kut ac fwak oinge "Arulana Wo." Kas lun God na sesr painge suc akkuteye in book lun Genesis 1: 28 nuke 31 ac sifil tahfelah nuke Genesis 2 : 1 nuke 3. Ke me read se lasr inge, suc sruhmuhn ke len ahkohnkohsr ke orekma lun God ke pal se El srike in lumahlah kusrao ac fwalu ac oayapa ma nukewa loac. In oana ke Bible uh akkalemye uh, ke len se inge pa El oraclah kain in ma orahkrahk nukewa. Tukun El orala ma inge El liye tuh arulana wo. Oinge El fwak, Inge kut ac fwa oru mwet uh. Na sikyak oana kena lal ac El orala mwet uh in luhmahl ac sap tuh mwet uh in tufwa leumi won yen engyeng uh. Ik in kof uh ac oaypa ma orahkrahk nukewa fin mahsrihk ac fokin sahk elos in mongo kac.God El liye tu arulana wo ma nukewa El oraclah suc pa kalmen sifa se lasr inge.Ma na kewa El ahksafyela ke len ohnkohsr ac ke len se ahkitkohsr El mongla liki orekma Lal ac ahkmuhtahlye len se inge.

Misenge, yohk nukanlah ke Ma Sap ak Akosr. Oana ke yok sripen lwen Sabbath, orekma lasr ke lwen onkosr saya u yok sripa ye mutun God. El use lwen onkosr kut in oru ma kunasr ac mwe kafofo lasr ac sap kin lwen sie fanna kut in sang nusel. Kut mwet Christian etu insriasr la pang lun Lal nusesr pa in eis mongla ke lwen Sabbath ac in akmutalye. Fwal kut in oraclah orekma lasr, mongla ac insewowo kin ke lwen safla oana ke Jesus El oru ke safla ma kunal tari.  Len se ma El moulyak pa Sanri (Matthew 28) na weacng Mwet Tuma Lutlut elos akfasrye alu lalos (Orekma 20:7; 1 Corinthians 16:2) suc ma alu lasr uh wi akfulatye ne misenge.

Deaconese Tulpe Dizon

Sanri (11/29) Sifac: Mwet Luti Wiacl Paul

Kunokon

By LM Quartus Esau

Sunday November 29 2015
Sifac: Mwet Luti Wiacl Paul
Mwe Read: Orekma 18:1-11, 18-21

LM Quartus Esau

Paing kowos nukewa ke Inen Leum lasr Jesus Christ. Meet liki nga oru kasru srisrik luk nuke me lutlut se inge, nga kaksakin kulang yoklana lun Leum God ma kut srakna pulakin neke pacl se inge. Nga seko pacl u meet liki lisr, ngan wi orala pusrek in fwak Happy Thanksgiving nu suwos nukewa. Kuloh nusin God ke ma nukewa ac finsrak tu kasru Lal in tiac tui nusesr nukewa.

In me read se inge, Paul el oasr Corinth. In acn Corinth, el osun nusin sie sianyacn. Aquilla el sie mwet Jew suc yok lulalfongi lal ke God, ac mutan kiacl, Priscilla. Elos mwet orekma ke lohm nuknuk. Oasr etu lal Paul ke orekma se inge, pwanwang el tu muta yorolos ac kasrelos. Paul el sislah pacl yok lal in luti ke Pweng Wo ke Jesus Christ nusin mwet Jew ac mwet Greek in kifasulos in wela lulalfongi. In pacl se inge Silas ac Timothy tuku Macedonia me nu yorol. El oru luti lal ke Iwen Lolngok lun mwet Jew ke lwen Sabbath nukewa. Mwet Jew in acn Corinth laenul Paul ac fwak ma koluk kacl. Oinge el fwasr lukelos ac som nu yurin mwet Gentiles. Titius Justus el sie mwet Gentile. Paul el muta yorol ac oru luti lal. El luti ac fwak la Jesus pa Christ. Crispus el sie mwet kol ke Iwen Lolngok. Ke sripen lulalfongi lal yok ke Jesus Christ, el baptaislac wi mwet in lohm sel.

Paul el fwasr liki acn Corinth ac som nu Cenchreae welul Aquila ac Priscilla. Ke sripen oasr sie olela ku ma Paul el orala nusin God, meet liki el mukuiyak liki acn we, el sang mangsrasrla insifacl, in akilen olela se inge. El oayak ac som nu Ephesus.

Ke Paul ac mwet luti wiacl sun acn Ephesus, el fwasr lukelos ac som nu Iwen Lolngok ac luti we. Pus mwet ma siyuk elan mutana yorolos, tusruk el srangesr. El fwasr lukelos ac som nu Caesarea; Caesarea lac nu Jerusalem ac folok ne Antioch in Syria.

Kuht kuh in akilen lupan moniyuck lun Mwet Kulansap lun God inge, la finne lainyuck, srungacyuck, akkolukyeyuck, ku finne akkeokyeyuck, elos kafeang na in luti Pweng Wo se inge, nu yen loeslana fwalu. Misenge, Pweng Wo ke Jesus Christ oasr yorosr, ac fuka oru luk kom ke ip kunacsr in wi fwakelik ac usaclihk Pweng Wo ke Jesus Christ?

Ke sripen kut ac aksafye Quarter se meet ke Fwasr Akluo lal Paul, nga engan in srike takunlah fwasr se inge. Fin oasr kasru, fwa akkalemye. Fwasr Ak 2 lal Paul

Antioch in Syria nu Derbe; Derbe nu Lystra; Lystra nu Iconium; Iconium nu Antioch in Pisidia; Antioch in Pisidia nu Troas; Troas nu Neapolis; Neapolis nu Philippi; Philippi nu Apolonia; Apolonia nu Thessalonica; Thessalonica nu Berea; Berea nu Athens; Athens nu Corinth; Corinth nu Cenchreae; Cenchreae nu Ephesus; Ephesus nu Caesarea; Caesarea nu Jerusalem; Jerusalem nu Antioch in Syria.

Saturday (11/28) Sifac: Apollos El Kapkapack In Luti

Kunokon

By Deaconese Niokong Tara

Saturday November 28 2015
Sifac: Apollos El Kapkapack In Luti
Mwe Read: Orekma 18:24-28
 

Deaconese Niokong Yukiwo

Nga engan in fwak pac kulo lulap luk nu sin God fulat lasr ke moul lasr, ā ke pal wo lasr kut wi pa lutlut ke kas lal.  Sifwa nu ke Saturday uh, Apollus el Kapkapak in Luti. Mwe read Orekma 18: 24-28.

Apollus el sie sin mwet luti ma welul Paul in fwakak ke kas lun God, Apollus el oru luti lal fwin ān Efisis, fwak lac el arlana etu ke ma simisla ke Leum Jesus meyen lutiyuk el ke inkanek lun Leum, oinge el arlana oaru in luti nusin mwet lulalfongi we.   Orekma 18:26. Luo mwet lulalfongi long ke luti lal, elos esacl nu yorolos, a sifil akkalemye suwos ke kas lun God nu sel.

Oinge Apollus el sulala elan som nu Achaia, ke el sun an we, el akkeyelos su lulalfongi tari ke kas lun God, a el lain mwet Jew su sramsram in lain ma paye el orekmakin kas ma simisla in akpayeye la Jesus pa Christ.

A ma nu sesr ka u kut in oru fwakak lasr ke kas lun God. Orekmakin kas in ma simisla in akpaye la kut lulalfongi ke Christ.

Deaconese Niokong Yukiwo

Friday (11/27) Sifac: Lutiyuc Ke Ohiyac Lom

Kunokon

By Kenye T. Belcourt

Friday November 27 2015
Sifac: Lutiyuc Ke Ohiyac Lom
Mwe Read: Exodus 33:12-18

Kenye T. Belcourt

Lungse kaksakin God ke ma nukewa meet liki ngac fwa tafella me lutlut lasr u.
Me read se inge akalemye ke pal se God el sapkin Moses elan kolla tulig Israel liki Finol Sinai nuke fwal in Wuleang. Ke sripen seakos ac likeke lun met inge panang Moses el tia fuleak in pray ac kafwe kalos nu sin God. El siyuk tu lungse ac pakoten lal in welulos ac karunganulosyang in fwufwasryasr lalos u.

El oayapa fwak oinge, luti nu sik tu nga ku in kulansupekom ac oru na ma ac akinsewowoye kom u. Ac lela nu sik in liye kalem wolana lom su ac akalemye la kom oasr yorosr. Tukin ma inge Leum God el wulela in wi met lal ke sripen lungse yok lal nu sel Moses ac el arulana insewowo ke ma nukewa ma el oru u. Ac lela nu sesr in oru ma lungse lun God, tu paye ela fwa wi kut ac kol kut in Oiyac nukewa.

Thursday (11/26) Sifac: Kuneyucki In Luti

Kunokon

By Hanna Alokoa

Thursday November 26 2015
Sifac: Kuneyucki In Luti
Mwe Read: Matthew 28:16-20

Hanna Alokoa

Paing Kowos Nukewa ke Inen Leum lasr Jesus Christ.

Sifac se ke Thursday inge fahk mu Kuneyucki In Luti; suc asr in Mathew 28:16-20

Tukin Leum Jesus El misac ac sifil moulyak, El sapkin nusin met tumal lutlut singucul sie elos in fasrelik nu mutunfaclu nofon and luti nusin metu in akos ke lungse lun Leum God. El fahk mu, elos in som a oru tu elos suc long ke Kas Lun God in met tumal lutlut ac in babtaiseloslac ke Inen Papa, Wen, ac Ngun Mutal. Ac Leum Jesus El a fah asr yorolos in pal e nukewa..

Kut in wi pac tafelah kulansap se inge oana ke Leum Jesus El sapkin.

Wednesday (11/25) Sifac: Lahlmetmet Sin God

Kunokon

By LM Skipper Ittu

Wednesday November 25 2015
Sifac: Lahlmetmet Sin God
Mwe Read: Soakas 16:19-24

LM Skipper Ittu

Sifwil paing kowos mwet tumasr, wiasr, ac natusr Kosrae ac acn sayac, ke Inen God Fulat. Sifac se lasr nuke Wednesday se inge pa "Lahlmwetmet Sin God," oasr in Soakas 16:19-24. Sifac se inge sie sin soakas tausin tolu lal Tokosra Soloman, suc tokosra nusin Mwet Israel ke lusen yac 40. Ke soakas se inge, Soloman el luti Mwet Israel inge in etu lah wo elos in inse pusissal ac sukasrup liki elos in inse fulat ac kasrup kin ma elos pihsralah. Elos in loacng nuke ma lutiyuk elos kac, suc sang wo ohiyac ac engan nuke moul lalos. Elos in lahlmwetmet ac eis kahlem ke etauk lalos ke kahs luhn God. Ke lahlmwetmet lalos sin God, elos ac etu in nunkaclah ma uh meet liki elos kaskas. Tuh kahs kulang el emem oana honey, ac kahs tia kulang fihsacack nunkacn mwet uh. Lutiyuk kut in suk lalmwetmet pwaye, suc tuku mukena sin God. Tuh lalmwetmet pwaye el pusisal, loacng nuke akwuk, sang etauk nuke moul, nunkaclah fah kahskahs, ac kulang.

Tuesday (11/24) Sifac: Muhta Yurin God

Kunokon

By LM Driskell Jack

Tuesday November 24 2015
Sifac: Muhta Yurin God
Mwe Read: Psalm 27:4,5,8,9, 11-14

LM Driskell Jack

Kaksakin GOD Papa Tumasr ke moul lasr. Ac ke wik in Thanksgiving se inge, arulana pus ma kut enenu in kaksakin GOD Papa Tumasr kac; yok liki nukewa ke kut moul sun len se inge. Len misenge uh, Tuesday, November 24, 2015, ahse nu sesr sie mwe lutlut na mwowo ke sifac se inge: ‘Muhta Yurin God’.

Psalm se inge, el kuhsen prue soko lal David. Oasr Psalm 150 pa simla luin BIBLE Mutal natusr uh. Ac 73 sin Psalm inge ma simla ke nunak ac kaksak lal David, su pa sie Tokosra in pal se ma an Israel and Juda tuhkehni ke kacringinyuk lun United Kingdom. Tokosra Saul pa Tokosra se omeet lun United Kingdom ke luhsen yeac 40, na Tokosra David ke lusen yeac 40, na Tokosra Soloman ke lusen yeac 40. Tokolos, United Kingdom fahsrelik, su pa kalem ke an Israel (Northern Kingdom) ac Juda (Southern Kingdom).

Kuhsensiyuk se ma oasr ke pal se inge uh pa: Ku David el sumusla Psalm soko inge ngac? Kutu motkwe muh el sumusla meet liki el Tokosra la ac ke pal el ahkuhlen ma kuhsrungul. Kutu motkwe nuke pal se ma Papa ac Nina kiyel pangla sin GOD Papa. A kutu motkwe muh el sun matweh matu lal, ac el esamak kacsru puspus lun GOD Papa nu sel. Ma inge nukewa paye sikyak, tuhsruktu, mwo ke kut som nuke ma Simusla in liye la meac akkalemyeyuk kac.

Ma Simusla akkalemye la ke sie sin meun ma David el lain Mwet Philistia el arulana totola (2 Samuel 21: 15). Ma Simusla akkalemye pac la “A David el fahk nu sin God, “Nga orala ma koluk yohk se. Nunak munas, sisla koluk luk. Ma na lalfon se pa nga orala”(1 Chronicle 21:8). David el ahkuhlen la el nwe totola ac yok ma koluk ku suhfal ma el orella, tuhsruktu, GOD Papa el srak lungse el; ac wehlul ke sripen paye inse ahuhliyak lal tuhkin el orella ma suhfal. Elos mwet Israel elos ahkuhlen pac yok sripaiyel David,…, ac Elos fahk, “Kom pa mwe finsrak lun Israel, ac kut tia lungse kom in wanginla”(2 Samuel 21:17).

(v. 4): Ouiya se ma Mwet Israel fahk kel David inge, pa David el ahkuhlen ke kacsru yok lun GOD Papa nu sel. Pa el akkalemye ke fus ak ahkosr, “Nga siyuk sin LEUM GOD ke ma se, Ac ma sefanna nga lungsik: Tuh nga in muta in lohm sin Leum GOD in moul luk nufon, In liye kasrpen wolana lal, Ac in siyuk ke koko lal” (Psalm 27:4).
(v. 5): Fahk se lal David inge akkalemye na paye finsrak lal in muta ye lulinpoh-kuh lun GOD Papa, meyen el ahkuhlen la fihn tia ke kacsru lun GOD Papa nu sel, el luhkun sun ongaiya tari. Pa kalem ke (v.5),

“In pacl in ongoiya, El fah lisringyuyak; El fah karinginyu in Tempul lal Ac oru tuh nga in moulla fin sie eot fulat”(Psalm 27:5). Ke David el ahkulenak na paye ke karinginyuk lun GOD Papa, pwenang, el arulana suk pa in el pa muhsacehak Tempul Lal, mwet uh in kuh in alu ac akfulatyel. In oana ke Zecharaiah el tu fahk, “Ac fuka lupan wo ac oasku lun acn sac! Mwet fusr ac fah kapak ac fokokoi ke wheat ac wain we” (Zecharaiah 9:17). Kut ouyapac esam kel Joash (sie sin fuhteh lal David) el tuh wukla lom Tempul ke luhsen yeac 6 ke pacl se ma mwet lohkaclok lal sohkol.

(v. 8): “Ke kom fahk, “Fahsru ac alu nu sik,” Na nga topuk, “Aok, LEUM GOD, nga ac fahsrot”(Psalm 27:8). David el arulana oaru in oru alu lal nu sin GOD Papa ke sripen el ahkulen lupan pakoten lun GOD Papa nu sel. Pwenang, pal el tia ku in som nu in lom sin GOD Papa in oru alu lal, el prue a fahk, “Long, O God, ke pal nga tung, tia ke tung ac keok lun insiyuk uh mukena, tu kom ku pac in lipsre ke suhpar lun puhsrek.” Ouinge, David el ahkulen la pal nukewa ma el faksuhfi in prue nu sin GOD Papa, el ahkuhlen top nuke mwe siyuk lal.

(v. 9): “Nimet wikinkomla likiyu! Nikmet kasrkusrak sik; Nikmet supwala mwet kulansap lom liki kom. Kom nunu mwet kasru luk; Nikmet fahsr likiyu ku sisyula, O God, Mwet Lango luk” (Psalm 27:9). Inge David el kapsra pal se ma kut wangin liki karinginyuk lun Nina ac Papa Tumasr la ouiyac se inge oana ke kut tuhfacla liki GOD Papa Tumasr in kusrao. Oasr muhkacimtal la se ac oasr nukanla lasr, pwenang el prue ac siyuk sin GOD Papa in tia wukla luhkel ku in tia kasrkusrak sel.
(v. 10): “Sahp papa tumuk ac nina kiuk elos ku in sisyula, Tusruktu LEUM GOD El fah karinginyu”(Psalm 27:10). Ke pal se ma Nina kiyacsr ac Papa tumasr wangin yoros, GOD Papa el karingin kut.

(v. 11): “LEUM GOD, luti nu sik ma kom lungsum tuh nga in oru, Ac kolyu ke inkanek wo lom, Mweyen pus mwet lokoalok luk”(Psalm 27:11). David el ahkulen lupan kacsru yok lun GOD Papa nu sel. El etu la fihn tia ke kacsru lun GOD Papa nu sel, el luhkun sun ongaiya ke Mwet lohkalok lal. El ouyapc ahkuhlenak la pal nukewa el oru ma lungse lun GOD Papa; mwe insewowo ac mwo ouiyac sik nu sel ac sucu lal.

(v. 12): ‘”Nikmet sisyula nu inpoun mwet lokoalok luk Su lainyu ke kas kikiap ac kas in aksangeng”(Psalm 27:12). David el prue ac siyuk tu GOD Papa elan tia ngetla luhkel meyen arulana oasr mwet srungal, ehfin nwe wangin ma el oru koluk nu selos.
(v. 13): “Nga etu tuh nga fah moul ac liye Woiyen LEUM GOD in moul se inge”(Psalm 27:13). David el etu la oasr ma elya el sun ke moul se inge, tuhsruktu, el asmak in etu la el fihn fahsr ke inkanek lun GOD Papa, el ac fah kutangla ma puspus ma fongulul.

(v. 14): “Lulalfongi in LEUM GOD. Lulalfongi, ac tia fuhleak. Lulalfongi na in LEUM GOD”(Psalm 27:14). Fus se inge akkalemye lupan lulalfongi lal David ke sripen yok kacsru lun GOD Papa nu sel. Lulalfongi lal David arulana ku ke sripen el etu la nwe oasr mwet lohkaclok lal, GOD Papa el welul in kacrungul ke pal mwo ac pal koluk.

KONOKON: Mwe lutlut se inge akkalemyeyuk nu sesr ke soko prue lal David su puhlakin lungkulang ac pakoten lun GOD Papa nu sel. David el tuh akmusra la nuke Tokosra lun an Israel ac Juda ke el yeac 16. Tusruktu, el tia muhta ke siyac in Tokosra lal nwe ke el sun yeac 30. Ke pal se ma Tokosra Saul el karingin Mwet Israel ac Juda, el srike pac elan unilyac David. David el etu la sok muhkena pa sripa lal Tokosra Saul. Ke el Tokosra lun Israel ac Juda, sie natul (Absalom) tu suk pa in lohkaclok nu sel. Pa inge kutu ma sik nu sel David su el kutangla; tia na suk in uhpac nu selos ma kacsel ku suk in unilyac. Kutangla lal uh sik ke sripen el kupacsryang nu sin GOD Papa in muta in karinginyuk lal. El akkalemye la pus pal el puhla pac la tia fuhsacsr nu sel, tuh el srike in muhta na ke lulin poh kuh lun GOD Papa. Pa akkalemyeyuk in (Eoksra 3:24-25), “LEUM GOD mukena pa oasr yuruk uh; ke ma inge El na pa mwe finsrak luk. LEUM GOD El wo nu sin mwet nukewa su lulalfongi in El.”

Kulo kaksakin GOD Papa ke mwe lutlut mwo tuku in akasmakinye kut in Muhta na Yurin LEUM GOD lasr ke pacl mwo ac ke pacl koluk.

LM Driskell J. Jack
Kosrae-Seattle Congregational Church
alukosraeseattle@gmail.com

Monday (11/23) Sifac: Lutlut Sin God

Kunokon

by Deaconese Sepe Kilafwasru

Monday November 23 2015
Sifac: Lutlut Sin God
Mwe Read: Psalm 25:8-12,20, 21

Deaconese Sepe Kilafwasru

Psalm soko inge Psalm lal David, sie Prue in siyuk a kafwe ke kolyuk lun God, ke inkanel in loango lun God a siyuk ke nunak munas lun God.

David el sie suc pulakin elya, a keok yok ke oru lun met lokoalok lal, su suk in ak-kolukyal ac in esla moul lal.
David el lalmetmet ac arulana asmak in etu la inkanek sefanna ma a sang kasru nu sel pa in nget su sin God ac siyuk ke kasru Lal.
God El oana sie met luti mwo nu sesr. El sumwos, El nasnas, El paye in pal nukewa acEl mutal. Kut fin etu na paye God ac etu ouiya Lal, kut ku in sifwana lumekutlac lah kut loesla nu ke ouiya lun God. Kut met koluk, kut met se-asmak in ouiya lasr. Kut enenu in sifanna ak-pusisalye kut ye mutun Leum God in suk kasru sel, na El tufwa ku in akkalemye ac luti kut ke ouiya ku inkanek wo in fasr ka.

Psalm soko inge kafwekut in suala in fasr ke inkanek lun God, meyen El sumwos a mwo. El luti met koluk ke inkanek wo elos in fasr kac, El kol mwet inse pusisal nu ke inkanek paye. El lotelos ke ma lungse Lal, El kololos su karunganang ma sap Lal, ac El nunakmunas ke ma koluk lalos.

Leum God mukena pa met shepherd mwo se ma ku in luti kut a kol kut nu ke moul in finsrak lasr., ta kut fwa ku in wi usrui moul ma patpat, su kut nukewa finsrak nu kac.


Deaconess Sepe Kilafwasru

Sacnri (11/22) Sifac: Kain In Mwet, Kain In Oruh

Kunokon

By Rev. Takeo Likiaksa

Sunday November 22 2015
Sifac: Kain In Mwet, Kain In Oruh
Mwe Read: Orekma 17:1-4,10-12, 22-25, 28

Rev. Takeo Likiaksa

Ke mwe read se inge, Paul el oru luti lal in an Thessalonica. El oru luti lal we ke Sabbath tolu ma el oasr we. Mwet we long ke Messiah ac srak tupan ke pacl el fah tuku. Pa Paul el fahk nu selos lah Christ pacna pa Messiah. El fahkkin la El keok, misa ac sifil moulyak.

Moul lal Paul el sun ongoiya pus, weang pana lah mwet pus sok ke pengpengial, oru elos suk in unilya. Na mwe read uh tafwela in fahk la el som liki an Thessalonica nu Berea. El oru pac luti lal ke Iwen Lolngok lalos ac pus selos lulalfongi.

Paul el akilen lah mwet inge elos alu nu sin god lalos, ac elos engan in porongo luti lal Paul. Elos oayapa arulana oaru in long kahs ma srumunyuk nu selos uh. In an se inge oasr nien alu pus, ac sie sin Iwen Lolngok inge oasr sign se kac, fahk mu nu sin sie god su tia eteyuk. Paul el orekmakin sign se inge in fahkak lah God se ma elos nikin inge pa God moul El pa orala faclu ac ma nukewa fac, ac el God lun kusrao ac faclu. Na ke sripen God pa orala faclu ac ma nukewa fac, el tia enene kut a kut pa enenacl uh. El pa ase moul. Ke forfor lal Paul, el ku in akilen kain in mwet pus su tia oana sie lulalfongi lalos, ku ouiyen moul ku orekma lalos. El akilen pac la tia pac mwet nukewa loacng nuke luti lal. Tu finne ouinge, Paul el kwacfeang na in oru orekma in fahkak lal Ke Christ ku Messiah.

Ke moul lasr uh ut u pac in akilen lah tia mwet nukewa ac oacack nuke mwe luti kut wi sramsramkin uh. Ac tia pac fisrasr ma nukewa. Tu ma inge orek pac nu sin mwet lulalfongi nukewa sahye pac. Tu finne ouinge, kut enenu in tia fulweack ac kut in moniyuk in oru ma kunas etu lah Lerum God el akola pacl nuewa in kasre kut.

Friday (11/20) Sifwac: “Wolana Lun God

Kunokon

By Dorothy R. William

Friday, November 20, 2015

Sifwac: “Wolana Lun God”  

Mwe Read: Psalm 33:13-22

Dorothy William

Paing Kowos KahsInKol.com Followers! Kulo a Kaksakin God ke Moul lasr a ke pal wo ma El oaki nu sik in wi KahsInKol.com in tafwela kaksak lasr nu Sel.

Psalm soko inge kalweni in kaksakin Wolana lun God nu sesr mwet u. Akkalemye ke ku fulatlana Lal, El akilen munas lasr nukewa, a El akola in nunakmunas nu sesr ke munas lasr, la fuka lupa ku toasriya, El akola na tari in kasrekut kais sie… kut fin a sokol a oayapa in finsrak nuke lungse kawul oana el akkalemye nu sesr mwet u.

Wangin ku oana ku lun God. Kut mwet u fin sulala in Lalalfongel a in sang moul lasr nu Sel ke paye, kut fa moulla ke toksrae Lal. El mukena ku in molikutla liki fos, elya, keok ku ma upa nukewa ma kut mwet u pulakin in moul lasr, kut fin fuleang moul ku finsrak lasr nu Sel.

Kut fin nunku mu kut mwet Christian, ku kut sang kewa enenu lasr nu Sel? Ku kut moulkin moul in mwet Christian oana ke El kena tu kut in moulkin? Kut pulakin munas, fototola in nunak, se muteng, srangesr, ku nunak tafongla ke pal nukewa, kut mulkunla kutu pal u in sang nu Sel, kut nunku mu kut a okanla, kut nunkaak nunak in akmisyekut sifana, panang kofla wanginla ma upa kut pulakin. 

Lela kut in orekmakin mwe lutlut se inge in akkasmakyekut, in sang nu Sel kewa, ke insiasr kewa, kut a fa akilen ku Lal.

Kulo ke nga ku in wi lutlut ke mwe rid se inge.

Wednesday (11/18) Sifac: Me Insewowo Luhn God Nuh Sin Nuhkewa

Kunokon

By Deaconese Havely Tosie

Wednesday November 18 2015
Sifac: Me Insewowo Luhn God Nuh Sin Nuhkewa
Mwe Read: Genesis 12:1-4

Deacon & Deaconese Tosie

Wi kaksakin kulang a akwuk wolana lun God nu sesr, akilen mwe insewowo puspus tia tui nu sesr kais sie...Mwe luti lasr u tuku ke book in Genesis su akkalemye ke pang lun God nu sel Abram, su El sapkin Abram elan tuyak, el a sou lal nukewa in som nuke an su ma Leum God el a fwa sapkin Abram a sou lal in som nu we... 

In fufasryesr lal, Leum el wulela nu sel a fwak oiinge, (1) Nga a fwa akinsewowoye kom a akpusye futa lom, (2) Elos a fwa pengpeng a ekin sie mutunfal lulap, (3) A EL a fwa selngawelos su selngawel, mwe insewowo se inge kalem ke wen nutin God, su ase finsrak nuke moul, su kalem mu wen nutin God el tuku ke tak in sou lal Abram, Pal se inge, matwal Abram el ya 75 matwal a Lot el welul tuyak oana ke sapkinyuk nu selos. Mwe luti u kalmekin ke sie sap lun Leum God nu sel Abram, El pangon kut kais sie nuke orekma, orekma lun God tia sol ke matwa, la kom oasr oya, mea me insewowo ma asr yorosr kais sie, A kut in moulkin akosten nuke sap lun God nu sesr...

Monday (11/16) Sifac: God Suc Oraclah

Kunokon

By Deaconese Tulpe Dizon

Monday November 16 2015
Sifac: God Suc Oraclah
Mwe Read: Deuteronomy 32:1-12

Deaconese Tulpe Dizon

Kakasakin El suc Fulatlana ac suc El pa Use Moul Kawil nusesr mwet uh ac pain kowos nukewa suc suk ke kas Kulana Lun Leum God. Mwe Lutlut lasr na ke Monday (11/16/2015) suc utuckuh na sesr in luti kut ac fwak oinge " God Suc Oraclah" ac ahkuteyucki tuku ke book in Deuteronomy chapter 32 verse 1- 12 an. Mwe read se inge akkalemye ke soko on lal Moses. Suc kas ke on soko inge onkakin God Fulatlana ke ma suc El oraclah.Moses el srike in akkalemye nu sin tulik nutin Israel ke orekma lun God nu selos.El fwak muh Leum God pa Papa Tomowos. El pa orekowoslac ac El pa karingin kowos. El pa molikowosla ac El pa kolkowoslac liki sruh. Mwe read uh luti kut in etu lah God suc oraclah ma nukewa EL fwa oayapa oru oana nu selos suc sokol ac aksol ke ma El sapkin nu selos.

Saturday (11/14) Sifac: Paul ac Silas Kahinglac

Kunokon

By Deaconese Niokong Yukiwo

Saturday November 14 2015
Sifac: Paul ac Silas Kahinglac
Mwe Read: Orekma 16:25-40

Deaconese Niokong Yukiwo

Ma se meet in fwak kulo ma lulap nu sin God fulatlana lasr ke moul lasr, a oayapa ke karinginyuk lal. Sifwa nu ke Saturday, Paul a Saelus kaingla. Mwe read Orekma 16:25-40

Paul a Saelus, srakna luti ke Leum Jesus, tukin elos kapuri in presin, ke infulwen fong, elos on a pray, kaksakin Leum God. In kitin pal a na kusrusr na upa se skiyak in presin, osrakak pelung in presin. Srungul nikewa ikakla, chains ma kapri mwet kapur uh patatla lukwelos.

Ke sie mwet liaang presin el lie lac srungul nukewa ikakla, el nunku mu mwet kapir u kaengla, el fwacack katlas natul a in sifana unily, na paul el kasla, nimet sifwana unikomi, kut pa na inge, mwet sanlie ma sikyak a el arlana sangeng, a siuk seltal mea nga fwa oru tuc nga fwa moliukla, eltla fwak, lulalfongi ke en Leum Jesus na kom fwa moul, kom a mwet in loom sum.

In ao sacna el esaltal nu in loom sel a olla kinet kaltal a, sang mwe mongo naltal, el a mwet in loom sel elos arlana engan meyen elos lulalfongi a baptaisla ke inen Leum Jesus.

Ke lotu fokac mwet kol lun mwet Rome sapla in ikakla elos, tuh Paul el fwak, tia ku in oingan, wangin ma koluk kut orala, kowos sringil kut ye mutun mwetu, na inge kowos supwekutlac in lukma? Mwet ingan sifana tuku tule kutla. Ke elos long ma Paul el fwak inge elos arlana sensen sin mwetu, mwet fulat inge elos som a taltal koluk nu sel Paul a Saelus, oinge elos tulal tal lac elos som.

Paul a Saelus som liki presin nu yurin mwet lulalfongi a sifilsang kas in ak kuh.

Kulo,

Deaconese Niokong Yukiwo

Friday (11/13) Sifac: Paul ac Silas In Presin

Kunokon

By Kenye T. Belcourt

Friday November 13 2015
Sifac: Paul ac Silas In Presin
Mwe Read: Orekma 16:16-24

Kenye T. Belcourt

Kaksakin Leum God ke moul luk meet liki nga fwa tafela me lutlut lasr nuke Friday.

Me read se inge luti ke fwufwasyasr lal Paul ac Silas nu Philippi, sie siti lun met Rome in acn Macedonia in fwakelik ke Peng Wo ke Jesus Christ. Akkalemyela ke elos muta we, oasr sie mutan kos su oasr ngun fokfok yorol, el oru palye lal ac met u moli nu sin leum lal. Ke Paul ac Silas liye ma inge, elos sapkin tu Ngun lun God in akkeyela mutan se inge liki ngun fokfok u. Ke sripa se inge, sruu Paul ac Silas utuckyak nu ye mutun met Fulat Rome in nununkeyuk eltal. Met leum inge nununkaclos ac fwak tu elos met Jew ac elos lain ma sap Rome. Elos sap in sringsring eltal, sisacu nuknuk lalos, kapiri elos ac sisiyang nu in prison. Ke pal se Paul ac Silas muta in prison inge, elos pray ac on ke on in alu nu sin God su akkalemye ke lalalfongi yok ac lungse paye lalos nu sin Leum God. Me luti se Inge akkeyekut in tu na ku ke lalalfongi lasr u fwinne pal upa ku wo in moul lasr u.

Kulo.

Thursday (11/12) Sifac: Molin Fahsr Tohkoh

Kunokon

By Victor Melander

Thursday November 12 2015
Sifac: Molin Fahsr Tohkoh
Mwe Read: Matthew 8:18-22

Victor Melander

Sripe na yok fuhkac se sruhok kom oru kom koflac in Kuhlacnsuhpuh Leum lom u? Kafofo, sacngeng? Tokin Jesus El misac, El fwak na sel Ananias fwin acn Damascus, fwak na sel el an som na yorul Saul el pray, ke sripen sacngeng lal el srunga som, Orekma 9:11. Ku facsin? Kohl kut mwe na ke mwe read lasr na mesengi u.

Tukin Jesus El akkeyala mwet mas nukewa. El fwak na sin mwet tuma lutlut Lal in som na lufahl ngia. Sie sin mwet tuma lutlut Lal fwak na Sel “Leum, lela ngan som meet ac pikunya papa tumuk ah.” Jesus El fahk. “Fahsr tukuk, ac lela mwet misa in sifacna; pikunya mwet misa lalos.”

Fwin kom pa Jesus El topuk na se oinge u mea kom ac oru? Ke pal Lal Jesus fwin fwalu, facsin lun mwet Jews sia na liki facsin lasr mesengi u. Ke facsin lasr ke mwet misa lasr u. Pukpuki, tatamas, fwasrelik. Na ke facsin lun Jews ke pal Lal Jesus. Ke mwet misa lalos, oasr ip lou ke pukpuki lun misa u. Ke kut long ku luti ke facsin lalos sap oasr inmasrlon year lou (2) ke pukpuki se meet ac pukpuki aklou. Pukpuki se meet mwet misa lalos itukyang na ke inkulyuk lun sucu u. Ke tukin mwet misa kupan srilac. Elos oru pukpuki ke ip aklou. Painge pal se Jesus El fwak na sin sie mwet tuma lutlut se Lal. “Lela mwet misa in sifacna pikunyac mwet misa lalos.” Facsin lalos oasr box se elos pangon box in sri, Elos ac orani sri ke mwet misa sang na loac. Ke lulalfonge lalos elos lulalfongi mu ke oiyac se inge pal in aknasnas se ke mwet misa u.
 
Tusruk tu kut etu la Sral Jesus mukena pa ku in aknasnas ye la moul lasr u.

Wednesday (11/11) Sifac: Inse Kuhlacng Luhn God

Kunokon 

By LM Skipper Ittu

Wednesday November 11 2015
Sifac: Inse Kuhlacng Luhn God
Mwe Read: Ezekiel 36:22-30

LM Skipper Ittu

Ezekiel el srumun ke inse kuhlacng luhn Leum God nuh sin tuhlik nutin Israel, finne El lela acn Babylon in kalyeilos ac onelah kutu selos. Mwe keok inge sikyak ke sripen Mwet Israel inge tiac aksol ac tiac sunakunul. Tusruktu, ke inse kuhlacng luhn God, El supwacloslac nuke acn sahyac in moullac. Ezekiel elan fahk nuh selos lah Leum God Elac sifwil folokunoloslac nuh Israel, tiac ke sripen wo lalos, a ke sripen na lungse pwaye lal. Tuh God Elac folokunoloslac ac aknasnasyeloslac ke sripen El nunak munas ke ma koluk lalos ac eislah nofon god situhuh lalos. El oayacpac ekullah inse likwekwe lalos ac sang inse sasuc. Ac Nguhn Muhtahl Lal fah muhta insiaclos. Oinge, Israel elac sifwil isus fahko puhs ac kuhi. Elac fah esam tahfonglac lal ac mwekin kac. Kasrekut misenge in wi etuh ke luhngse kawihl luhn God. Kuht oacwaclah mwet misac tari ke pacl se na kuht oraclah sie ma koluk. Tusruktu, ke luhngse pwaye lal, a tiac ke kutena orekma wo lasr, El nunak munas nuh sesr ac eis kuht nuh yorol!

Tuesday (11/10) Sifac: Wangin Saflaiyen Kasrpen Wolana Lun Christ

Kunokon

By LM Tolenoa Kilafwakun

Tuesday November 10 2015
Sifac: Wangin Saflaiyen Kasrpen Wolana Lun Christ
Mwe Read: Ephesus 3:7-12

LM Tolennoa Kilafwakun

Ngan orallah pac paing luk nu suwos nukewa suc ma ac wiyuc ke mwe lutlut se inge.Kulo kaksakin God fulat lasr ma se meet ke moul wowo ac ke lung kulacng ac pakoten lal nusesr in sifil pac supwacma kahs in moul in mwe akinsewowoye moul, ac akkeye moul in lulalfongi. " kaksakin God fulatlacna tuh paye lung kulang lal oan ma patpat".

Sifac se lasr nu misenge Inge fahk ohinge " wangin saflahiyen kasrpen wolacna lun Christ". Yok sripac iyen me lutlut se inge fakak ke leum God el orekmakunul Paul in sang sie kunohkohn na toasr nusel lan fahkak ke lungkulacng lun God ke Jesus Christ suc ma e akwoye pac mwet sayen mwet Jew kuh mwet Jentiles.

Ke Chapter 3:1 Paul el fahkack lah el sie met kapir lun Jesus Christ ke sripen mwet sayen meet Jew kuh meet Jentiles. El akkalemye lah el kisackihn moul lal nusin Leum God in fahkack ke pwacpa lukmac lun leum God. Suc tiac eteyuk meet, ac inge kalem ac sikyak ke misac ac moulyak lun leum lasr Jesus Christ wen kuloh sefanna nutin God. Ac ma lukmac se inge pa ke Chapt 3:6 " kewana meet Jew ac meet Jentiles tukeni ipeis ke mwe insewowo lun Leum God ke sripen wosasuc, elos lahn mahno se fanna, elos tukeni ipeis ke wulelah lun God ma akpayeiyuk ke Christ Jesus".

Paul el akilen luhng kulacng lun Leum God ac kuh suc Leum God el sang nusel in kasrel ac karunganuhl ke kulacnsap lal. Suc el oacyacpac akihlen pac lah el finne sasuc in kulacnsap lal kuh el finne srihk omeet sin mwet lun God nukewa-Leum God el sang kunohkohn se inge elan polong suc arulacna yok srihpac ac sacohk. Elan sulkackuhnelik peng WO ke kasrpen wolacna lun Christ suc wangin eteyen sahflahiyac. "Leum God el sang nusel lan kuh in tafelah nusin mwet Jentiles ke molelah lun Christ lah ma nusin kewana mwet Jew ac mwet Jentiles". Rome 6:10 akkalemye lah Christ el misac kunahoslah kuh lun ma koluk ke pacl sefanna suc ma na ne tyok. Kalmeyac pa Christ el misac pacl sefanna in molelah ma koluk lun meet facluh pacl nukewa nuke moul ma patpat yurin Leum God suc wangin saflahiyac.

Leum God el ikaslah nusel Paul lacn tafelah ac akkalemye pwacpa lukmac lun Leum God suc fihl meetah tiac etuh kac. Lan sulkakin nusin meet inpaclsoh in etuh ac kalem kac. Sie Corinth 12:13 - fahk ohinge, kut nukewa baptistlac ke nguhn sacna nuke mahno se fanna, kut finne mwet Jew kuh mwet sayen mwet Jew, kut finne mwet kohs kuh mwet sukohsohk Leum God el okacma nguhn sefanna nuh in kuht nukewa. Suc inge ke kut mwet nuhtlah nusin God ke Christ Jesus, wangin srisri yurin Leum God suc oasr finsrak lasr nuke moul in insewowo yorol ma patpat.

Me lutlut uh litikut in akfulactye pahng lun God nusesr kais sie nuke orekma lal mwen Rome 12:6 fahk la God elac se kais sie me kihte nusesr suc tiac oacna sie. Kut in orekmakin fal nuke kulacng ma God elac se nusesr. Kut fin kuh in fahkack kas lun God, kut enenu in oru fal nuke lulalfongi ma oasr yorosr. Verse 8 ke mwe lutlut se inge, Paul el fahk muh el pa srihk omeet sin mwet lun God nukewa. El kalmackihn lah fin wangin kasru sin God nusel el koflah na in oru kulacnsap lal nusin God suc God el sang kuh nusel in sulkackihn ma lukmac lun God ke Gospel nusin mwet Jentiles. Tiac sielacna nusesr kut wi pac srihk omeet sin meet kulacnsap lun God. Fine ohinge, Leum God elac se talan lasr kais sie fal nuke lulalfongi ma oasr yorosr. Suc lelah kutin moniyuk ac puhlaik in oru orekma lun God ke suwos ac paye ye kuh ac luhng kulacng lun God pahpah.

Kuloh ma lulahp ke kas wowo kahs in moul suc sifil tuku in kasrekut ac akkeye moul in lulalfongi lasr in kulacnsap nusel suc fulactliki nukewa.

Kuloh ma lulahp!
TKilafwakun

Monday (11/9) Sifac: Inkacnek Suc Kuht Enenuh In Fahsr Kac

Kunokon

By Deaconese Sepe Kilafwasru

Monday November 9 2015
Sifac: Inkacnek Suc Kuht Enenuh In Fahsr Kac
Read: Jeremiah 26:1-6

Deaconese Sepe Kilafwasru

Jeremiah el sie mwet palu suc pangak sin Leum God in tafu kas Lal nusin mwet Juda. Ministry lal mutacwack ke pal lal Jeohiakim , tokosra lun Juda.  Jeohiakim el sie tokosra suc tiac fwasr ke inkanek lun God. El mwet nunkuh kacl sifacna, el nunkwaclah yohk ke mwe kahsrup, el oayacpa sie met ahkmas, el akkeokye mwet suc wacngin macta. Oiyac lal inge ak upacye orekma se ma God El pahnglol Jeremiah nukac inge, suc ma nununkeyuck el, ac ac akkeokyeyuck el yohk in pacl lal tokosra Jeohiakim.

Ke God El pahnglo Jeremaih, El etu tari lah ac upac nusel meyen elos mwet likeke ac seakos. Ne ohinge el fwak mu el kisackunacng moul lal in kulacnsapu pahng lun God nusel, ac el oaru ac moniuck nuke saflah.  In year se ahk ahkosr in tokosra lal Jeohiakim, God El fahk nusel Jeremiah kahs inge. “Tu in kalkal lun temple ac sulkackin ma nukewa ma nga sapkin nu sum in fahkack nu sin mwet su tuku liki city lun Juda in alu. Nimet kom sislah sie fahnna kahs. Sahp mwet uh ac porongo ac forlah liki oiyac koluk lalos. Elos fin oru oinge, na Nga ac fah ekullah nunnak Luk in tiac kunaosuloslac oacna ke nga ahkoo in oru ke sripen koluk lalos.’’

Pa inge kahs ma Leum God El fwak elos in oru: Elos in ahksol ac fwasr tukin mwe luti ma El sang nu selos. Elos in loacng nuke kahs lun mwet palu Lal suc El kalweni ac tiac tui in supu nu yorolos. El oayapac fahk nu selos lah elos fin tiac ahkos ma inge, El ac fah kunaoslah temple lalos oacna El oru nu Shilo.  Jeremiah el tiac fuleak in sulkackin kahs inge nu selos ke lusen pacl na loes a elos srackna tiac lungse auliyak. Ne oihnge el tiacna fuleack in oru ma kunacl ac tiac ngetlah liki enenu lun God nu sel. Ke el tafu kahs inge, el arulacna karungin lan tiac ikihl nuke lungse lun mwet uh. El fwakak suwos na nuke ma God El sapkin lan fahk, tu kahs inge pa ac sang kalem ku etauk nuke ohiyac kuh inkanek lun God ma El kena kut in fwasr kac.

Mwe luti se inge kahsre kut in etu lah kut fin pilesru ac tiac eis kahs in luti lun God ma tuku ma nu sesr in luti kut ke inkanek ma kut enenu in fwasr kac, kut ac koflahna moul fal nuke lungse lun God a kut ac tiac wi eis usru ke moul ma patpat suc ma kut nukewa finsrak nukac.

Deaconese Sepe Kilafwasru

Sanri (11/8) Sifac: God El Tiac Srisri

Kunokon

By Rev. Takeo Likiaksa

Sunday November 8 2015
Sifac: God El Tiac Srisri
Mwe Read: Orekma 15:1-12

Rev. Takeo Likiaksa

Mwe read uh srumun ke Meeting lulap se oemet lun Church orekla in an Jerusalem. Paul ac Barnabus aksafyela fahsr se oemet lalos. Na ke tukeni se inge oasr aholyen church Jerusalem ac Antioch pa tukeni ke meeting na yok sripa se inge, welul Paul ac Barnabus.

Sie mwe sramsram yok ke meeting se inge pa elya yok se lun Jewish Christian la mwet Gentile ma forla ekin mwet lulalfongi enenu in ukwe masap lal Moses. Jewish Christian oayapa fahk mu mwet Gentile enenu in ekla mwet Jew met fah elos ku in ekin mwet lulalfongi. Mwet Gentile wi pa kutu mwet kol elos mu tia enenu elos in akos ku ukwe ma sap lal Moses. Elos lulalfongi mu masap tia ku in sang molela nu selos. Molela tuku ke kulang lun God nu sin mwet nukewa, fal nuke sifac uh – “God el Tia Srisri.”Su pa inge sripa lun Gospel pa in sang sukosok ac molela nu selos nukewa su suk uh.

Paul el oayapa fahk in sie mwe read mu – “Ouinge Ma Sap pa liyekutyang nwe ke Christ el tuku, na kut tufah ku in aksuwosyeyuk ye mutun God ke lulalfongi. Inge, ke pacl in lulalfongi ke Christ tuku tari, Ma Sap el tia sifil liyekutyang.” (Galatians 3: 24, 25).

Mwe lutlut na wowo in kasru moul in lulalfongi lasr ac pwentuki kut nuke kulang lun God nu sesr, yokna ke kut mwet sayen mwet Jew ac inge kut ku in wi eis moul, ekin mwet nutla nutin God.

Saturday (11/7) Sifac: Insewowo Nuh Sin Mwet Gentile

Kunokon

By Deaconese Niokong Yukiwo

Saturday November 7 2015
Sifac: Insewowo Nuh Sin Mwet Gentile
Mwe Read: Galatia 3:6-14

Deaconese Niokong Yukiwo

Nga kulo ma lulap nu sin God ke moul luk, a oayapa ke mwe lutlut ma tuku pa in akkeye kut ke moul lasr. Sifwen kas ke Saturday u, Insewowo nu sin mwet Gentile. Book Galatia 3:6-4.

Su mwet Gentile uh? Mwet nukewa sayen mwet Jew pa pangpang mwet Gentile, elos tia oacoac nu ke mwet lun God, mweyen fwak mu elos mwet koluk, tusruk ke lungse lun God nu sin mwetu el supacma wen sefanna natul misa in ella ma koluk lun mwet fwalu.
Ke sripen misa lun Leum el orani mwet Jew a mwet Gentile ma sefanna la. Elos fwin auliyak forla nu sin Leum, a fwa oacoac mu elos mwet lun God.

Nunku kāl Abraham ma simusla u fwak, Abraham el fulia lulalfongi lal in God, ke sripen lulalfongi lal, God el oakulla sie mwet suwoswos. In kalem la elos na su lulalfongi pa pangpang tulik natul Abraham.

Oapana nu sin mwet Jew ku mwet Gentile, elos finne oacoac lā mu elos mwet lun God in kalem la elos na su lulalfongi paye nu sin Leum God, elos na  pa a wi eis mwe insewowo yurin Leum God.

Thursday (11/5) Sifac: God Oasr Yen Nuhkewa Sac

Kunokon

By Victor Melander

Thursday November 5 2015
Sifac: God Oasr Yen Nuhkewa Sac
Mwe Read: Hebrew 4:12-16

Victor Melander

Mwe esmakin na sesr kewa na ke moul lasr na ke fwinsrak lasr na ke pal se Leum lasr ac tuku u. Kahs in akkeye lal Paul na sin mwet Hebrews su apkuran in fuleak lulalfongi lalos ke mwosasu su tuku na yorolos, Sifwil pa tuku na yorosr mesinge in akeyekut kut in tia tutulac in tupan.

Ma se met etulac KAHS LUN GOD moul ku. Wangin ma ku kin wuklac na SEL. EL etu pal kom munaslac apkuran in fuleak. Pal kom pulah mu mwet lom kawuk lom fwasr liki kom, EL tu siskom pal na kewa ac Fwak, “fwasru nu YURUK ac monglac.” Jesus, High Priest se lasr, etu ma na kewa kut pulakin mesengi. Mweyen El kutangla tari ma inge. Tuh ku ke lulalfongi lowos an etu la oasr saflaiyan ma na kewa kowos palakun an,

Wednesday (11/4) Sifac: Yohklacna Luhng Kuhlacng

Kunokon

By LM Skipper Ittu

Wednesday November 4 2015
Sifac: Yohklacna Luhng Kuhlacng
Mwe Read: Rome 16:25-27

LM Skipper Ittu

Sifwil paing mwet kawuk, yok kowos mwet lulalfongi wiasr acn nukewa Kosrae, ac sahyen acn Kosrae; God Elan akfulatyeyuk ac engankinyuk acn nukewa kut oasr we ac pacl nukewa in moul lasr. Mwe kasru se lasr ke Wednesday se inge fahk muh "Yohklacna Luhng Kuhlacng," oasr in Rome 16:25-27. Kuhsen prue lal Paul ke Mwet Lulalfongi ke Church Rome pa inge. Paul el muta Corinth ac simuslah letter se lal nuh Rome inge ke yac 57 tukin misa luhn Christ. Motkweyuck muh Phoebe, deaconess se ke Church Cenchrea, pa us letter se inge. Ke mwe kasru se inge, Paul el prue ac kena Mwet Lulalfongi Rome inge in kaksakin God, suc yoklacna luhng kuhlacng la. Ohinge, elos in tu kuh in lulalfongi lalos in fahkak ke Pweng Wo ke Christ. Tuh pa inge sripen tuku lun Christ--in sang molela nusin Mwet Gentiles, suc sie pwacpa wihklac eke mutawauk ah mwe. Tusruk, inge Mwet Pahluh fahkak oana ke God El sapkin. Ohinge, enenu in eteyuck sin Mwet Gentiles nukewa tuh elos in oayapac lulalfongi ac akos Christ. Tuh ke luhng kuhlacng yohklacna luhn God fal in kaksakinyuck El nwe tok ma patpat. Scripture se inge lutikut ke luhng kuhlacng yohklacna luhn God, such pwacnacng tuh kuht in oacwaclah tuhlik natuhl ke sripen misa luhn Wen saok natul ac Mwet Lango pwaye lasr, Christ.

Tuesday (11/3) Sifac: God Nuhnak Muhnahs Sac

Kunokon

By LM Driskell Jack

Tuesday November 3 2015
Sifac: God Nuhnak Muhnahs Sac
Mwe Read: Nehemiah 9:6-21

LM Driskell Jack

Nehemiah: Who is Nehemiah? Nehemiah pa sie selos ma uhtuhkla liki an Judah nu Babylon ke sroho ak luo. Sroho se meet nu sin tulik nutin GOD pa fihn an Assyria. Nehemiah el akkalemye la ma elos puhtatyang nuhkac; ma sik ke sripen elos tia ahkos ma sap lun GOD Papa Tumasr in Kusrao. Ma Simusla akkalemye in Nehemiah la “Ke nga lohng ma inge nukewa, nga putati ac tung”(Nehemiah 1:4).

Nehemiah 9: 6 – fus se inge ak asmakinye kut la ma nukewa tuku yurin GOD Papa Tumasr in Kusrao.
- “Ke mutawauk, ke God El orala kusrao, faclu, ac ma nukewa”(Genesis 1:1).

Nehemiah 9:7 – fus se inge ak la GOD Papa el suhlella Abram (Abraham), uhsellu liki an Ur(Chaldeans) ac sang ine sahsu se lal, pa Abraham

Nehemiah 9:8 – fus se inge akkalemye la Abram (Abraham) el filiya lulalfongi lal in LEUM GOD, ac ke sripa se inge LEUM GOD El aokulla sie mwet suwoswos.

Nehemiah 9:9 – Ke mwet Israel liyauk lah tokosra Egypt ac un mwet mweun lal takla tuku in lainulos, elos tuninfongla ac wowoyak nu sin LEUM GOD tuh Elan kasrelos. Elos fahk nu sel Moses, “Ya wangin kulyuk in can Egypt, pa kom uskutme nu yen mwesis kut in misa we? Efu kom ku oru ouinge nu sesr ac uskutme liki can Egypt? Ya kut tuh tia fahk nu sum meet liki kut mukuiyak ah lah ma inge ac mau sikyak? Kut tuh fahk kom in tia nunku kacsr—mansis kut in mwet kohs na nu sin mwet Egypt. Ac wona kut in mwet kohs we likin a in misa inge yen mwesis uh. Moses el topuk, “Nikmet sangeng! Tu na ku, ac kowos fah liye ma LEUM GOD El ac fah oru in molikowos misenge. Kowos fah tia sifilpa liye mwet Egypt inge. LEUM GOD El ac aol kowos in mweun, ac wanginna ma kowos ac enenu in oru(Exodus 14:10-14).

Nehemiah 9:10 – fus se inge akkalemye oana ma Simusla fahk in Exodus 3:7, “Na LEUM GOD El fahk, “Nga liye lupan keok lun mwet luk fin can Egypt. Nga lohng pusren tung lalos ke elos wowoyak tuh in moliyukla elos liki inpoun mwet su akkohsyelos. Nga kalem ke lupan keok lalos.” In Exodus 9:16, fahk ouinge, “Tusruktu sripa se sis nga lela kom in moulna, tuh in fahkak ku luk nu sum, a inek in pwengelik nu fin faclu nufon.”

Nehimiah 9:11 – fus se inge akkalemye pa in Exodus 14:21 la “Moses el asroela paol nu fin meao, ac LEUM GOD El oru tuh sie eng upa kutulap me in akfahsryelik kof uh. Eng sac tuh ke fong fon se, ac ekulla meoa uh nu ke can pao. Kof uh fahselik.”
Nehemiah 9:12 – fus se inge oana fahk se pac in Exodus 13: 21-22, “Ke len, LEUM GOD El fahsr meet lukelos ke sie sru in pukunyeng in akkalemye nu selos can elos ac ut we, ac ke fong uh El fahsr meet lukelos ke sie sru in e, in sang kalem nu selos. Ouinge elos ku in fahsr ke fong ac ke len. Sru in pukunyeng uh fahsr meet lukelos pacl nukewa ke len, ac sru in e uh ke fong.”

Nehemiah 9:13 – fus se inge oana ke elos Moses el folok liki Finol Sinai tukun GOD El panglol in sramsram nu sel. Pa akkalemyeyuk in Exodus 18:20, “Kom enenu in lotelos ma sap lun God, ac aketeya nu selos lah elos ac moul fuka, ac mea fal elos in oru.”
Nehemiah 9:14 – fus se inge akkalemye sap kuh lun GOD Papa ke len Sabbath. Oana ke ma Simusla akkalemye in Exodus 16:23, “na el fahk nu selos, “LEUM GOD El sapkin tuh lutu sie len in mongla mutal, sriyukla in akfulatyal. Omunla ma kowos lungse umin, ac poeleak ma kowos ke poeli. Kutena ma lulal fah orekeni in oan nu lutu.” Pa kut kalem ke Ma Sap se inge, “Esamya len Sabbath, in akmutalye”(Exodus 20:8).

Nehemiah 9:15 – Akkalemye la GOD Papa El sang mwe mongo nwalos ke pacl elos mahsrihnsral ac kof nimelos pacl elos mahlu. GOD Papa El sapkin pac elos in som nu facl in wulehang suh El nuhnu ahkolla nu selos. Oana ke akkalemyeyuk in Exodus 16:4, “LEUM GOD El fahk nu sel Moses “Inge nga ac oru mwe mongo in kahkma inkusrao me nu suwos nukewa. Len nukewa mwet uh ac fah tufoki ac sifani ma fal nu ke len se In ouiya se inge nga fah srkalos in liye lah elos ac oru oana ma nga sapkin.”

Nehemiah 9:16 – Tuhsruktu arulana kehkeh kacwaclos ac elos likehkeh, ac elos tiana loh nuke sap lun GOD Papa. Oana ke akkalemyeyuk in Deuteronomy 31:27, “Nga etu lah elos arulana likkeke ac utuk nunak. Elos tunyuna lain LEUM GOD ke pacl nga moul, ac tukun nga ac misa elos ac fah tunyuna yohk liki na.”

Nehemiah 9:17 – Akkalemye la tulik natul arulana likehkeh ac tiana ahkos ma sapkinyuk nu selos. Elos mulkuhnla pac kais sie ma mwowo ac usrnguk su GOD Papa El akkalemye nu selos ke kuh lal, pa nuke ma sik ke meoa srusra (Red Sea) ouyapa nuke ‘manna’ ku kof in niminim yen mesis. Elos torkaskas nu sin Mwet Kol lalos ah suk in oasr Mwet kol sasu lalos in fohlohkonulos la in folok nu Egypt. Elos nwe oru kuh motkwe ouinge, tusruktu, pa inge kutu ma akkalemye napaye lupan mongfuhsacsr ac pakoten lun GOD Papa nu selos. Pa Moses El akkalemye nu selos inge: “A kowos tia pwaye nu Sel; kowos tia fal in mwet lal, Sie mutanfahl koluk ac kutasrik”(Exodus 32:4).

Nehemiah 9:18 – Kutasrik in nunak ac orekma lalos pa sik ke pacl se ma elos srulehla calf soko ac alu nu se liki in alu nu sin GOD Papa Tumasr in Kusrao, suh pwenulos mwe liki kohs lalos liki an Egypt.

Nehemiah 9:19 – Tusruktu ke lupan lung kulang ac pahkoten lun GOD Papa Tumasr in Kusrao, el tiana ngetla luhkehlos in misa yen mesis. Sie sruwen puhkunyeng kohlolos ke len ac sie sruwen eh kohlolos ke fong. Pa ma Simusla akkalemye ke Nehemiah 9:12, “Kom pwanulos ke sie pukunyeng ke len, Ac ke fong kom tolak inkanek lalos ke e.”

Nehemiah 9:20 – GOD Papa El tiana tohlokinye kacsru nu selos. El nwe ahkulen kutasrik in nunak ac orekma lalos, El kacsrelos na. Pa akkalemyeyuk ke Ma Simusla in Oekyuk 11:17, “Nga fah oatume ac kaskas nu sum we, ac nga fah eis kutu ngun su nga filiya fom ac filiya faclos. Na elos ac fa ku in kasrekom lippise kutu fosrnga lom ke mwet inge, ac kom fah tia mukena in polong.”

Nehemiah 9:21 - Ma Simusla akkalemye in Deuteronomy 2:7, kut in “Esam lah LEUM GOD
lowos El akinsewowoye kowos in ma nukewa kowos oru. El karingin kowos in forfor lowos yen mwesis lulap se inge. El wi kowos key ac angngaul inge, ac sot ma nukewa kowos enenu.”

KUT AC NGES MWE LUTLUT SE INGE FUHKAC NUKE MA KUT OASR KAC?
Mwet kol se inge, Nehemiah el oana Abraham. El muta ke an na mwowo, wal lal ahkulenyuk fihn an Persia; tuhsruktu, El ahkuhlen elyac yok nu sin tulik nutin GOD fihn an Jerusalem. Ke tia kuhlusyukyak tulik nutin GOD fihn an Jerusalem, pwenang, yok ekla ma el ahkulen. El ke kacsru, na El suk elan folok nu Jerusalem in kulahsak an Jerusalem ke se pot, tulik nutin GOD in sifwil toani in folok ac Alu nu sin GOD Papa Tumasr in Kusrao. Nehemiah el akkalemye ke mwe read lung inge lupan tahfongla se lun Tulik nutin GOD (Tulik Israel); pwenang el sifwil akkalemye nu selos la, elos nwe kutasrik in nunak ac orekma; GOD Papa El tiana ngetla luhkehlos. GOD Papa El akkalemye lungse paye nu selos.

Ma inge tuku nu sesr kut in lutlut pac kac. For example: Ke akwuk lasr ETAWI, mwet se fihn tia top pang ke pang ak tolu, nga ETAWI, tihla panglol. OASR OYAC MA SE INGE KE MA SIMUSLA? Ouiya se ma akkalemye nu sesr ke lungse kawil lun GOD Papa pa kalem in (Matthew 18:21, 22). Na Peter el tuku nu yurin Jesus ac fahk, “Mwet Luti, sie mwet lulalfongi wiuk fin nuna orekma koluk nu sik, pacl ekasr nga ac nunak munas nu sel kac? Ya pacl itkosr?” Ac Jesus el topuk ac fahk, “Mo, tia pacl itkosr, a itngoul pacl itkosr,”

Kut fihn Ambassador lun GOD, in ehkin muh kut Mwet kulansap suwos lun GOD Papa, kut enenu in orekmakin ma akkalemye ke Kahs Lun GOD Papa Tumasr in Kusrao in sang kol moul lasr. Nga arulana engan kaksakin ke mwe lutlut se inge sifwil tuku in akasmakinye kut Mwet Kol lun Church ac ETAWI in orekmakin ouiyen nunakmunas lun GOD Papa in kol kut nukewa.
GOD Bless You All,

LM Driskell J. Jack
Kosrae-Seattle Congregational Church
alukosraeseattle@gmail.com

Monday (11/2) Sifac: Kulo Nuh Sin God

Kunokon

By Deaconese Tulpe Danny

Monday November 2 2015
Sifac: Kulo Nuh Sin God
Mwe Read: Rome 1:8-15

Deaconese Tulpe Danny

Kulo kaksakin kulang lun Leum God nusesr ac Kulo pac ke Kas in luti Lal na sesr. Me lutlut Lun Leum God nusesr nuke Monday se omeet ke mahlem November suc tuku in luti kut ac fwak oinge,"Kulo Nu Sin God."Me lutlut se inge suc ahkuteyuki nusesr ke book lun Rome chapter 1 verse 8 nuke 15. Mwe read se inge tuku ke letter lal Paul nu sin mwet Rome.Suc el tu simla nu sin Church Rome in akkalemye lah el akoo in som nu yorolos.Paul el tia mulkunlah in sang Kulo nu sin GOD.Suc el oayapa sang Kulo nu sin GOD ke Church Rome ke sripen lulalfongi lalos ke Peng Wo ke Jesus Christ.Paul el tia tui in fwakelik nu fin fwalu nofon.Tu el srike in akkalemye nu selos suc ac porongo kas lal uh ac in etu lah el sramsram paye ac GOD El Mwet loh ke ma el srumuhn uh.Finsrak ku kena lal Paul pa in kasru mwet nukewa. Kas Lun Leum God uh suc mana sin mwet suc muta in kalem ac oayapa mwet suc muta in lohsr uh.Suc fin ne mwet etaack se ku mwet nikin se .Kas lun Leum God uh ma nu sin mwet e nukewa.Paul el oayapa etu lah ma nukewa ac sikyak fin ou lungse lun God .Ac el oayapa ahkkalemyelah el finne akoo in som nu Rome in osun nu selos oasr na ma ikol elan tia fahlac kac.Lela kut in oayapa etu in Prue ac Sang Kuloh nu sin GOD ke ma nukewa ma sikyak ke moul lasr fwalu uh.

Sanri (11/1) Sifac: God El Tuhlahllah Peter

Kunokon

By LM Quartus Esau

Sunday November 1 2015
Sifac: God El Tuhlahllah Peter
Mwe Read: Orekma 12:1-11

LM Quartus Esau

Paing kowos nukewa ac kuloh kaksakin God Moul ke ma wolana kut srakna pulakin neke pacl se inge.

Me read se inge sikyak tukun Herod (Agrippa I) el unilyac James, ma lel John. Fwak mu ke el lie tu inmasrlon mwet Jew elos insewowokin oiyac ma el oru nusel James, el sap pac in srouh Peter. Oinge srouh Peter ac filiyucki el in presin tupan in nununkeyuck. Ne oinge, mwet lulalfongi wiacl Peter elos tiac tui in pray nusin God kacl Peter.

God El oru orekma ku ac usrnguck lal in tuhlahllah Peter liki presin. Presin u finne raunyak ke mwet topang, ac finne sein uh sang kaprilyac Peter, tusruk ke ku lun God, ma inge taltallah lukwel. Me read se inge akkalemye la in fong se met liki ac nununkeyuck Peter, God El supalah lipufan se lal nu yorol Peter.

Sein kapriyen paol Peter putatlac, srungul osra ke presin u ikackla, mwet topang elos folosuwos in mutul lalos. Ma inge kewa sikyak ke sripen ku lun God. Oinge Peter el wi lipufan sac tifoki liki presin u oana ke sap lun lipufan sac nusel.

Leum God El KU fin ma nukewa. Pus pacl ma kut nunku mu kut ku in sifana ke me munas ku ke ma upac sikyak nusesr. Me lutlut se inge luti kut in esam la, akasrui lun Un mwet lulalfongi in pray lasr nusin God, ac kasru elyah ac ma upac ma sikyak nusin mwet wiasr. Me akkeok u ac tiac srikeni a ac yokwelik. Kut in tiac munasla a kut in tukeni pray nusin God, in siyuk ke kasru Lal nusesr kewana ke moul in Ngun lasr ac moul in ikoac lasr.