Kunokon
By Victor Melander
Thursday April 30 2015
Sifac: Etauk Ke Ma Pwaye
Mwe Read:Hebrew 10:23-27
Kulo
ac kaksakin GOD ke moul lasr ac ke EL lelac pac kut ipeis pac ke Kas
LAL mesenge u. Sifac lasr na mesenge u: Etauk Ke Ma Pwaye, asr ke
Hebrews 10: 23-27.
Kut som na ke Oekyuk sapta 23 fus 19 an in use kalem in tolak nunak lasr ke Kas lun GOD lasr
mesenge. Ac kut read, “GOD El tia oana mwet uh in Kaskas Kikiap, tia
mwet se pa EL in ikil nunak LAL, ketena ma EL wulela kac EL ac orala na;
EL Kaskas, ac ma EL fahk uh orekla.” Hebrews 10 fus 23, akkeye kut in
tia tutulac ke fwinsrak ac lulalfongi lasr ke tuku lun Leum lasr. Asr
mwet, fwinne inge na ke kom read ma inge ac ku in aktafongye kom lac ke
lulalfongi lom. Ellos ac fwak; “kom ispal lom, Jesus El ac tia tuku,” ku
ellos ac fwak, “El tuku tari, kom patlac.”
Ngan
we pac: in we pac fwak in oana ke Sifac lasr na mesenge u fwak u. Kowos
fwin sona long ke pusren Rupah ku pusren mwe ukuk, srakna asr pal lom
ku kom tu na ku ke lulalfongi lom an ac fwinsrak. Jesus Christ El ac
folok, sap tia ke pal lasr, Tusruk tu Ella folok in ais kut. Tu na ku ke
lulalfongi lom an. Nimet sang mwet in aktafongye kom lac. Sukaleni in
fwasr we alu, ac oru in wo na sin mwet ac lungse. Kulo na ma lulap GOD
EL lungse kom na paye.
Kunokon
By LM Skipper Ittu
Wednesday April 29 2015
Sifac: Ma Pwaye Oasr In Jesus
Mwe Read:Ephesus 4:17-25
Sifwil
paing mwet tumasr, kiasr, wiasr, ac natusr nukewa ke inen Leum lasr
Jesus Christ; Sifac lasr nuke Wednesday uh fahk muh, "Ma Pwaye
Oasr In Jesus," oasr in Ephesus 4:17-25. Kusal Paul nusin Mwet
Christians ke Church lal Ephesus, suc Timothy
el sropoi, pa inge. Elos in tia sifwil folok nuke moul mahtuh kuh moul
in Mwet Pegan lalos, suc pa moul in mwet lohsr, likwekwe,
fohkfohk, kuh moul in ikwac.Tuh moul mahtuh lalos tia moul
pwaye se. A elos in nokomang mwet sasu, orekla in luman God,
su c kalem ke moul pwaye, suwos, ac mutal.Tuh pa inge moul pwaye uh
meyen tukin elos ac misa (motullac), Christ elac sifwil
akmoulyelosyak k in wi moul ma patpat yorol .
Oinge,
elos in kaskas pwaye nusin mwet wialos in lulalfongi meyen elos ma
sefana in Christ. Sifac se inge kasrekut in moul kin moul
pwaye , suc pa in etawi moul lun Christ in
oana ke John 14:6 fahk, "...Nga pa inkanek, ac pwaye, ac moul; wangin
mwet som nu yurin Papa fin tia ke
nga."
Tuh pa inge moul pwaye se ma mwet ac lulalfongi puhs fin facluh tiana
akilen uh ; wangin moul se tok ah nu selos; lela nu sesr suc wi
etawi moul pwaye se inge in sikalani in moulkin tuh oasr moul se tok ah
akola nu sesr!!!
Kunokon
by LM Driskell Jack
Tuesday April 28 2015
Sifac:Moul Suwohs Ye Mutun God
Mwe Read:1 Tokosra 2:1-4
Ma
se Meet in pain kowos nukewa tulik nutin GOD Papa Tumasr ac in wi pac
kaksakunul ac fahk kulo yok ke kut moul sun len na kacto se inge:
Mwe
luti nu sesr misenge ke ‘Kahs in Kol’ natusr uh, akkalemye ke sie
ouiyac na mwowo kut Papa in lutlut kac. Ouiyac se inge sikyak inmacsrlol
Tokosra David nu sin wen natul, Soloman elan ku in pulaik, akos ma sap
simla ke ma sap lal Moses, ac in moul suwohs ye mutun GOD Papa. El
ouyepac akkalemye la efin sik ouige, ac sang mwo ouiyac nu sin sie wen
natul, Soloman, elan kuh in mactuhack ke inkanek kawil lun GOD Papa, ac
in ac sang pa mwo ouiyac nu sin fuhlin tulik natul.
Mwo
ouiyac nu sin fuhlin tulik natul pa sikyak ke GOD Papa el ac sang
‘lalmwetmet’ nu sel Soloman (1 King 4:29); a sohl la inmacsrlon tulik
natul Tokosra David in sacfuhnsuliyac orekma su el tuh finsrak nukac ac
tia lehyukla nu sel sin GOD Papa, ke sripen fohkfok lun orekma lal.
Finsrak na yok se lal Tokosra David ke yeac angnaul (2 Samuel 5:4) ma el
kol an Israel ac Judah; pa in muhsac ela sie Tempul in nwanack ‘tuptup
lun GOD Papa’ (1 Chronicle 17:1). Tusruktu, GOD Papa el suhpela Mwet sap
Nathan elan akkalemye nu sel Tokosra David, “Tia kom pa mwet se ac
musai sie tempul nu sik ngan muta loac”(1 Chronicle 17:4).
Mwet
se ma GOD Papa El lela in musai Tempul se sel inge pa wen natul Tokosra
David su pa kut etu muh Soloman; su GOD Papa El sang lalmwetmet nu se
tari. Ke sripen yok tung lun insiyel Tokosra David ke sripen el arulana
ke in ‘El pa musai Tempul se inge, oru,(ac sang nu sel, elan wuhli Moul
Suwohs Ye Mutun GOD Papa nu sin natul in moulkin).
Tokosra
David el ahkulen in pacl se ma kohsrkosr la nu sel elan akfahsryela
fihnsrak yok se lal nu sin GOD Papa in muhsacehack tempul lal.
Tusruktu,Tokosra David el etu la ma akwuki yurin GOD Papa; tia kuh in
tahfongla. Ke sripac se inge, inmacsrlon tulik natul: (Amnon, Chileab,
Absalom, Adonijah, Ithream) ke lusen yeac itkosr ma el muta Hebron (2
Samuel 3:2-5), Na natul pac fihn an Jerusalem,(Shammua, Shobab, Nathan,
Soloman, Ibhar, Elishua, Nepheg, Japhia, Elishama, ac Eliphelet (2
Samuel 5:14-15); el etu insiyal la GOD Papa el ahkulen wulela lal nu sin
sie sin wen natul inge, su pa Soloman elan ku in akulen fihnsrak yok se
lal ma el kofla akfahsryela, meet liki el eis mongla lal.
Tokosra
David el ouyepac akulenack la ke el moul in mwet, ac tahfongla ke ma
pus, GOD Papa El srak wehlul ac srohokyac moul lal in karunganul. Ac ke
pacl se el akulenack pakoten lun GOD, ac forla in fahsr ke inkanek paye
ac Moul Suwohs Ye Mutun GOD Papa, pa mwo ouiyac itungyang nufin sie wen
natul kel Soloman. Ke sripac se inge, sang nunak na ku nu sel Tokosra
David, elan ku in orella sie wulwul na ku in sapkin nu sin wen natul in
tia kufla liki inkanek suwohs ac paye lun GOD Papa Tumasr.
Kacpin
mwe lutlut se nu sesr ke konokon se inge pa: GOD Papa el wi kut
karingin kut pacl nukewa in moul lasr. Ac mwe luti ke moul lal David
akkalemye la ke moul in mwet lal, yok tahfongla lal, oana nga ac kom.
Tusruktu, Tokosra David el akuhlacnack, forla, lemtuhlahack kac nu sin
GOD Papa. Kut ahkulen la ke pacl se ma Tokosra David el moul in mwet ke
kuh ac lungse lal sifacna, arulana pus ongoiyac nu sel. Ke pacl se el
forla ac kupacsyang in kuh nu sin GOD Papa, pa kalem ke mwo ouiyac ma
sikyak nu sel ku tulik natul Soloman ac fuhlin sruf natul ma wi kol
Israel ac Judah.
Mwe
lutlut uh luti kut Papa uh, in ku in sismouk, pusisel in nunak in
sackuhnla pacl lasr in orella wulwul kuh lasr nu sin tulik natusr.
Finsrak yok san pa elos in pusisel in suk moul kawil ke lungse ac
pakoten lun GOD Papa nu sesr. Ma inge ac kasre kut in moul fal nuke
fihnsrak lun GOD Papa nu sesr in moul suwohs in karingin kut.
Kulo ma lulap ke mwe lutlut mwo tuku in kasre kut kewa!
LM Driskell J. Jack
Kunokon
by Pastor Takeo Likiaksa
Monday April 27, 2015
Sifac: “Ma Nukewa God El Oru Uh Pwacye”
Mwe Read: Daniel 4: 31-37
Oana ke kom read kalem an, sramsram se inge, sie sramsram na wowo in
akesmakye kut lah paye wangin pac sie God saye, tu El Omnipotent,
omnipresence, ac omniscience. Ac El karungin ac etu ma nukewa, meyen El
pa oracle ma nukewa. Ke sripe inge enenu kusrao ac fahlu in
sikukmutuntei ye mutal.
Sramsram kacl Tokosra Nebuchadnezzar fahk lah el sie met finne tia
lulalfongi ke God Moul se inge, tu Leum God El orekmakunul nuke sripe
lun God sifacna. Ke pacl el tokosra, el usla mwet lun God nu in srou in
Babylon, su inmasrlon mwet inge pa Daniel, ac kawuk tolu lal. Ke ku ac
etu ma Leum God el akinsewowoye mwet som nu in srou inge, Daniel el ku
in palye mwemwe, ac mwet kawuk tolu lal akkalemye ku in lulalfongi
laltal, oru akkalemye lah Leum God el welulos.
Tu ke sripen nunak in konkin, fulat ac fungfungla nuke ku lal sifacna,
ac ma el oraclah mu ma sel sifacna, oru God el sang kaiyuk nu sel. Ouiya
ma sikyak nu sel oru elan etu lah oasr God, ac oru pac Nebuchadnezzar
elan suk kasru lun God, ac el etu pac lah God el ku ac etu ma nukewa.
God el oasr pacl nukewa kut finne tia akilacnul.
Ke pacl ma kut ngetla liki God ac fungfungla nuke etu lasr sifacna,
oasr elya kut ac pulakin. Mwe nunak lasr uh folokin kut nu yurin God, ac
kut in akos akwuk lal nu sesr. Finne oasr ma upa, kut in filiya
lulalfongi lasr nu sel. Tu akwuk ac ma nukewa God El oru uh wo ac
Pwacye.
