Saturday(5/2): Sie Mwet Luti Ke Lulalfonig ac Ma Pwaye

Kunokon

by Surleigh Tara

Saturday May 2 2015
Sifac:  Sie Mwet Luti Ke Lulalfonig ac Ma Pwaye
Mwe Read:1 Timothy 2:1-7

Surleigh Tara

In tahfwelah pac ke mwe luti se inge, nga ke wi akkeye kowos in esam lah met liki ma nukewa, kuht enenu in sang pacl lasr nusin God.  Pray ke me lutlut inge, God Elan pa kuh in ikacslac nusesr in wi pac kalem kac.  Ke kuht in readi Kahs Lun God, enenu se omeet uh pa kuht ikaclah insiacsr in akfasryelah kuh ke Kahs Lal in ilyak nu insiacsr. 

Prue uh ma enenu in orek nusin mwet nuhkewa ke sripen Lung Kulang lun God tia srekuhtelihk ke sripen wal kuhg kain in mwet.

Mwet Sap Paul, el sim nusel Timothy in akkeyacl ac in sang pac kaiyuck nusel ke sripen oiyac elos oru inge arla yohk sripac in sang akfahsryelah akwuk Lun God.  Ma se yohk Paul el ke akesmakuhnohlos kac pa nuke ip lun prue.  Elos in etu in prue ke mwet ngiac ac sang kulo nusin God ke ma nukewa. Ke sripen misac lun Leum Mwet Lango suc ma moleloslac ac elah ma koluk lalos. Na ma kunaclos pa in sikaleni pray kafwe tu elos in forla liki ma koluk lalos in wi ipeis ke Lung Kulang Lun God.

Ac nusesr misenge pa, in etu lah ma kunacn mwet Etawi uh pa elos in mwet kuh ke prue. Mwet Etawi nukewa enenu na in prue ke sie sin sie.  Oasr ip yohk luo kuht in akihlen ke mwe lutlut se inge.  Ma se met (1) an pa, Oru lun sie sin sie in oana kolyuk lun God.  In akkalemye paye ac suwos ke akfuhlact lasr nusin God.  Na ak luo (2) an pa Suwos lun sie sin sie, pa nuke ip lun orekma lun mwet Etawi nusin mwet ngiac.  Orekma lun mwet Etawi uh fwahkack lupan lulalfongi ke kolyuk lun God nusesr ac suwos iyen mukuikui lasr uh. Mukuikui lasr uh fin koflah in kuhfaslah nunak luh mwet ngiac in usaclosme nuke kalem kuh se inge ac kolyuck lun God, oapana kuht in mwet kikiap. Meyen fwahk lasr uh tiac oana mukuikui uh.  Kuht in esam la, oru lasr uh efin wo, mwet uh ac sifanna suk in wi pulakin Wolana Lun God. Na ac fin tia wo oru lasr uh, ac tufwa luhslah mwet uh liki Lung Kuhlang Lun God.