Wednesday, June 10, 2015

Wednesday (6/10) Sifac: Sesseslana Ke Wosounkas ac Ma Koluk

Kunokon
By LM Skipper Ittu

Wednesday June 10 2015
Sifac: Sesseslana Ke Wosounkas ac Ma Koluk
Mwe Read: Matthew 23:23-28
LM Skipper Ittu
Kusahn kai lun Jesus nusin Mwet Sap lun Mwet Jew ac Mwet Pharisees pa inge. Jesus el panglolos Mwet Wosounkas, ac we nu selos ke sripen elos fahklah ma uh, a wangin ke orekma kuh moul lalos. Elos akfalye in sang sie tafu singucul ke ma lalos, sang mahsrik in akyuye mongo naclos, a elos tia moulkin nununku suwos, pakoten, ac inse pwaye. Elos srengack ke won srisrik putatai nuke kof nimaclos, a elos okomla camel na fon soko. Jesus el fahk oinge in kalmakin lupan nikin (lalfon) lalos ke sripen elos koflana akilenack orekma in luhkuh (wosounkas) lalos inge. Elos oayapa aknasnasye likihn cup ac aluh lalos uh, ac loac uh sesseslah ke funmwet ac sulallal. Elos oana pac sie kulyuk sroallah fasrfasr luhkuh, a loac uh sesseslah ke sri ac ma kulawi. Sifac se inge kasrekut in arulana pwayelana ke orekma in Christian lasr; kut in tia oana Mwet Pharisees inge--wosounkas--kaskas na ke wihs, a wangin ke orekma lalos.
Posted by at

2 comments:

  1. Vic's CommentaryJune 10, 2015 at 3:52 PM

    Kulo ke kom akketeyac kalem mwe lutlut lasr u.

    ReplyDelete
  2. UnknownJune 11, 2015 at 7:29 AM

    Ngan pain kom LM Skipper ke kacsru na yok ke mwe lutlut se inge. Nga sie selos ma wih epeis kac, ah nga ke na kom in long pac sik la nga arulana lungse tahkuhnla lun mwe lutlut se inge sum mwe. Nga engan kac la, ke sripen website se inge ac ouyapac FB website lun 'Kas In Kol' pwenang nga wi sa eis mwe lulut uh in ikasla pac nu sik; meet liki alu in Wednesday lasr. Arulana kacsreang na paye. Yuros fihn an Seattle, LM Joeson J. Mongkeya pa kohlack alu-in Wednesday. Kulo ma lulap Tamulel in Christ, LM Skipper Ittu ke moniyuk ac oaru lom. "Keep fighting the good fight of faith!"

    ReplyDelete

Subscribe to: Post Comments (Atom)