Wednesday (6/3) Sifac: Nga ac Kai Ma Sufal Lowos

Kunokon

By LM Skipper Ittu

Wednesday June 3 2015
Sifac: Nga ac Kai Ma Sufal Lowos
Mwe Read: Amos 3:1-8

LM Skipper Ittu

Sifwil paing kowos Mwet Tumasr, Kiasr, Wiasr, ac Natusr ke inen Leum lasr Jesus Christ. Sifac se ke Wednesday inge fahk muh "Nga ac Kai Ma Sufal Lowos." Kusahl Mwet Pahluh Amos nusin Mwet Israel pa inge. Lah Leum God el finne sulelosla ac molelosla liki Acn Egypt, Elac kaelos, yok ke sripen elos tia akos Wulela lal, suc kalem ke elos oru koluk Mwet Sikasrup ac alu nusin god Situhuh.

Ac elos in tia sis ma koluk lalos nusin Mwet Mahtuh, Sou, kuh acn elos muta we. Meyen mwet luo fin tia aetuila meet, elos tia kuh in tukeni fahs. Oinge, Amos el fahkak ke ohiyac in akkalemye kalmen fahk lal inge, lah lion uh ngutngut mukena ke elos sokak munalos; oayapana nusin won uh ke elos suk manulos panang elos sremlah ke sruf uh, kuh finne mwe ukuk lun mweun uh suc aksangengye mwet u.

Ohiyac inge kewa h akkalemye ke oraclah lun Leum God nusin Mwet Israel inge ke oraclah koluk lalos uh; Elos in etu lah kaiyuk nuh selos uh ma ke akwuk lun God, ac elos ac koflana kaengkunla. Oinge, elos enenu in auliyak ac silaklak folok nuh yorol. Sifac se inge kasrekut in esam lah oasr mwactan ma koluk nukewa. Tusruktu, elos fin auliyak pwaye, Leum God El ac fah nunak munas nuh selos!!!